مصر بين عظماء الكورة في تصنيف الفيفا

احتل منتخب مصر المركز العاشر في تصنيف الاتحاد الدولي لكرة القدم (فيفا) في أكبر قفزة يحققها في تاريخه بفضل الفوز بكأس الأمم الإفريقية.

وقال الموقع الرسمي للفيفا إن مصر قفزت 14 مركزا في التصنيف دفعة واحدة بفضل تتويجها الإفريقي وهو أعلى مركز يحققه الفراعنة منذ بداية التصنيف.

ويعد المركز العاشر أفضل ترتيب يحققه منتخب إفريقي في التاريخ بعدما احتل منتخب نيجيريا الذهبي المركز الخامس عام 1994.

واشترك منتخب مصر في قائمة أهم عشرة فرق عالمية احتلت صدارة التصنيف وهي بالترتيب إسبانيا في المركز الأول ثم البرازيل في المركز الثاني، واحتلت منتخبات هولندا وإيطاليا والبرتغال وألمانيا وفرنسا والأرجنتين وإنجلترا المراكز من الثالث حتى التاسع بالترتيب.

واحتل المنتخب الجزائري المركز الثاني في تصنيف المنتخبات العربية باحتلاله المركز الـ31 عالميا بفارق 21 مركزا عن مصر.

وكان لكأس الأمم الإفريقية الفضل في تحقيق منتخبات القارة السمراء قفزات متنوعة إذ احتلت نيجيريا صاحبة المركز الثالث في أنجولا 2010 المركز الـ15 عالميا.

وجاءت الكاميرون في المركز العشرين عالميا بعدما تراجعت تسعة مراكز، وقفزت غانا سبعة مراكز إلى المركز الـ27 عالميا بعد وصولها إلى نهائي أنجولا 2010.

ومن جانبه أبدى سمير زاهر رئيس اتحاد الكرة سعادة بالغة باحتلال المنتخب المركز العاشر.

وأكد زاهر أن التصنيف إنجاز جديد يضاف إلى الإنجازات التي حققتها الكرة المصرية في السنوات الأخيرة.

وقال الفيفا إنه أخذ في حسبانه 82 مباراة من الفئة أ في تصنيفه من بينها 42 مباراة ودية بين المنتخبات العالمية و11 مباراة في تصفيات قارية مختلفة مما يعني أن كأس أمم إفريقيا التي شهدت إقامة 29 مباراة لم تكن المعيار الوحيد للتصنيف.

وعلى المستوى العربي احتلت تونس المركز الثالث عربيا والمركز الـ55 عالميا ثم السعودية في المركز الـ59 والبحرين في المركز الـ60، والمغرب في المركز الـ65.

مصر بين عظماء الكورة في تصنيف الفيفا 20051_1239726388289_1083166020_30608456_2463256_n

الكلام ده صحيح بجد ولا ايه؟؟

مش عارفة ليه مش مصدّقة

لا صحيح يا عصاية بس دا كان في شهر 2

دلوقتي احنا المركز ال 12 تقريبا

لسا الدنيا بخير مصر بين عظماء الكورة في تصنيف الفيفا 343474

يا جدعاااااااااااااااااااااااااااان

مصر في المركز التاسع الشهر دا ( يعني بعد كاس العالم )

انا مش مصدق نفسي

يا عم صلِّ
انت بتصدق ف الكلام دا؟
طاب يا سيدى هى التاسع و شيلى العاشر
خليهم يلعبوا ماتش ف بطولة عليها القيمة
و شوف النتيجة

لسا الدنيا بخير

يا باشمهندس

الكلام دا مبني على نتايج ماتشات

مش معناه ان مصر احسن من ايطاليا مثلا

لكن دا بيدل ان نتايج مصر في الفترة السابقة كويسة

مش وجهات نظر يعني

طاب و هى مصر لعبت كام ماتش بعد كاس الأمم الأفريقية النبى حارسه و صاينه ؟
و أنا برضه مش قاصد اعلق ع الإحصائيات
أنا بعلق على إنك فرحان و عمال تصقف
طاب حتى على أساس النتايج
شيلى و إيطاليا بيلاعبوا مين؟
و انت بتلاعب مين؟

لسا الدنيا بخير برضه

التصنيف دا بيبقى نتايج حوالي 3 سنين فاتوا

يعني قول من 2007

بياخدوا نتيجة كل ماتش ويحطوا عليها نقط

وكل مازادت اهمية الماتش زادت النقط

يعني ماتش ودي مثلا مش زي ماتش في بطولة

يعني مصر لما تكسب ايطاليا مش زي ايطاليا لما تكسب مصر ( النقط أعلى في حالة فوز مصر لأنها بعديها في التصنيف )

مصر في الــ 3 سنين دول خدت 1035 نقطة

ايطاليا خدت 982 نقطة لأنها خسرت من فرق اقل منها في التصنيف

اذا مصر اعلى من ايطاليا

مش معنى كدا انها احسن منها

لا دا عشان فرق كتير خسرت ماتشات من فرق اقل منها في التصنيف زي فرنسا وايطاليا
فالبتالي نزلوا تحت ، والفرق اللي خدت نقط طلعت بدالها ، زي مصر وتشيلي

يارب اكون قدرت اوصل المعلومة يا باش مهندس

برضه لسا الدنيا بخير
وصلت يا عم ، هى كيميا ؟

مصر بين عظماء الكورة في تصنيف الفيفا 873594

مصر بين عظماء الكورة في تصنيف الفيفا 701887

HaMaDa SaLaH كتب:: يا جدعاااااااااااااااااااااااااااان

مصر في المركز التاسع الشهر دا ( يعني بعد كاس العالم )

انا مش مصدق نفسي

هييييييييييييييييييييييييييييييييييييييييييييييييييه مصر بين عظماء الكورة في تصنيف الفيفا 835700

مبااااااااااااااااااااااااااااااارك لمصر
مصر بين عظماء الكورة في تصنيف الفيفا 38193

(أنا كمان مش مصدّقة نفسى الصراحة)
مصر بين عظماء الكورة في تصنيف الفيفا 701887

على فكرة احنا شعب مضحوك عليه

لسا الدنيا بخير

ياريت توضح اكتر يا احمد

» ظلم الفيفا للمنتخب المصري مستقبليا