حسبى الله ونعم الوكييييييييل

بسم الله الرحمن الرحيم
فى البداية هارد لك للزملكاوية على ماتش الحرس بس فى كام نقطة كده حابب انى اوضحها ........

أولا: الان وبكل ثقة اقدر اقول ان حال نادى الزمالك هيكون احسن بكتيييييير بل ممكن يكون من احسن الاندية اللى فى العالم ولكن عشان يحصل كده خطوة واحدة بس اللى لازم الادارة تعملها الخطوة دى هى ولا تغير لعيبة ولا مدرب ولا اى حاجة الحل هو ان تحاول ادراة الزمالك ان تستعير من النادى الاهلى 10% من الحظ الذى يلازمه ايون 10% كافية لتصليح حال نادى الزمالك وتعالوا نحسبها مع بعض فى البداية مباراة بتروجيت لو كان ميدو احرز ضربة الجزاء الضائعة والنتيجة ساعتها كانت 1-1 لكان انقلب الحال تماما ثم مباراة الجيش اللى الزمالك كان احسن فيها فى كل حاجةوالجيش بكرة واحدة قدر دودزى انه يفوز بالماتش ثم مباراة المحلة اللى لو معانا العشرة فى المية اللى قلت عليهم فى الاول لإنتهت المباراة بفارق كبير من الاهداف لصالح الزمالك فلمحلة ماتستحقش فى الماتش ده اصلا ان هى تاخد بنط واحد مش تاخد التلاتة اما ماتش الشرطة فمن العدل انى مكلمش عليه لانى متفرجتش عليه وده لانى من بعد عدم صعود بلدى لكاس العالم اتسدت نفسى عن الكورة وقلت ملهاش لازمة بقى الكورة حتى ماتش المحلة شفته بالصدفة ولكن حبى للزمالك كان اكبر من اى حاجة فبعد مباراة الشرطة وبعد عودة العميد اتفتحت نفسى عن الكورة تانى اما عن مباراة اليوم اللى هى بتاعة الحرس اعتقد ان احنا عشان نبقى منصفين فالزمالك يخرجمن الماتش ده على الاقل كسبان فرق اتنين فالنهاردة اللعيبة عملت اللى عليها ولعب ومكناش بنشوف الزمالك بيمسك نص الملعب كده وضيع كور اعتقد ان الحالة الوحيدة اللى تخلى الكور دى تخش ان اللعيبة يحوطوها بايديهم وبرضه ممكن متخشش لا وغير كده التحكيم الفاجر يعنى سوء حظ وتحكيم سىء تغاضى عن احتساب ضربتين جزاء ده غير القرارات الغريبة اللى كان بياخدها غير الانذا بتاع مكى اللى المفروض يطرده فيها اما فى المقابل فى القلعة الحمراء احمد حسن يشوط الكرة من اى حته وتبقى سهلة وتلاقيها بقدرة قادر تخرم ايد الكون وتدخل يبقى بيلعبوا ماتش وحش ومفيهوش كورة زى ماتش بتروجيت وتلاقى الاهلى فى الدقيقة94 ياخد التلاتة بنط بدون اى مسبقات وماتش الشرطة اللى خدو فيها التلاتة بنط بجون غريب من حسين ياسر وغيره من الماتشات التى لا يستحقها الاهلى ولكنه انهاها بالفوز فاعتقد اننا لازم نستعير 1% من حظ الاهلى لينصلح حالنا
ثانيا: والنقطة دى للزمالكاوية ايه رأيكم دلوقتى وفرقتنا بتلب وبتأدى ماتشات كتير لكن فى الاخر بتطلع صفر اليدين وبقينا المركز ال12 ومعانا 11 بنط من 33 هل انتوا دلوقتى فرحانين بالاداء وكلامى ده موجه للناس الكتير اللى خرجت بعد ماتش الاتحاد اللى الزمالك فيه كان وحش اوى والاتحاد كان اوحش ومكنش ماتش كره اصلا وكسبنا واحد صفر خرجت زعلانة عشان الفرقة ملعبتش فبالله عليكوا التلاتة بنط وتكون وحش ولا تكون حلو ومتاخدش حاجة اعتقد ان الفوز بيجيب الاداء وليس العكس
ثالثا : للعميد حسام حسن انت غير مسئول بالمرة عن هزيمة اليوم ولست مسئول ايضا عن المباراة القادمة مع الاهلى احنا املنا في ربنا وفيك كبير ان انت هترجعنا من تانى وربنا معاك الماتش اللى جاى احنا مش طالبين منك انك تفوز ع الاهلى مع انى والله شايف انه مش صعب لان مستوى الاهلى مشقدكده برضه لكن لو لا قدر الله حصل حاجة غير الفوز ع الاهلى فاحنا مش هنبقى زعلانين منك لان مينفعش نحاسبك وانت مقعدتش مع الفرقة يومين ولقيت قدامك الحرس والاهلى فربنا معاااااك ياحساااااااام
رابعا:الى كل الزملكاوية بالله عليكوا كله يتجه لربنا بقى ويدعيله ان يوقف معانا لان احنا مش محتاجين غير ان ربنا يقف جمبنا ودى اهم حااااجة ادعو للزمالك يازملكااااااااوية فى كل وقت وان شاء اله هنرجع زى الاول واحسن ان شااااااااااااء الله

معلش طولت عليكم بس عشان خاطر الزمالك منسبهوش ونفضل معااااااه حتى لو حصل ايه وندعييييييييييييييله وربنا هيكرمنا ان شاء الله
ده احنا حتى اصحاب مقولة ( سنظل اوفيااااء حتى تبتسم السماء وان لم تبتسم السماااء)

يااااااااااااااااااااااااااااااااااااااااااااااااارب

والله بجد انا زعلان على فريق الزمالك دا اللي كان في فترة كنت بحسده على اللي هوة فيه اعتقد كانت من بعد سنة 2000 لما كان على طول بياخد الدوري لكن دلوقتي بصراحة الزمالك شبه ضاع
لكن بردو لازم يكون فيه امل عند الجماهير واللاعبين وكمان حسام حسن اللي انا متفائل بيه ان شاء الله
طبعا حسام حسن مش هيصلح الفريق في يوم وليلة انا عن نفسي كنت متوقع ان الزمالك يخسر النهاردة ومتوقع كمان انه يخسر من الاهلي يوم الثلاثاء لكن دا ميقللش من تفاؤالي بحسام حسن اللي ان شاء الله هيرجع الزمالك زي ما كان قبل كدا

وبالنسبة لمسألة الحظ هو اكيد في عدم توفيق في كل ماتشات الزمالك الاخيرة لكن ما ينفعش نعترض لان التوفيق دا بإيد ربنا ، احنا نعمل اللي علينا والباقي على الله .

شكرا يا محمد ع الموضوع وربنا يوفق الزمالك مع اني أهلاوي