كرسي الاعترااااااااااف 2

عصايه لا تنسى اسالتى من فضلك

اسالتك فى الصفحه السابقه اضافه ليكى

rana كتب:

الحمد للة كده براءة واختار بعدى

عصاية هانم
واول سؤال هو عايزة اعرف عنك كل حاجة يعنى الcv بتاعك وقبل كل ده واهم شيءاسمك الحقيقى
اما بقى تانى سؤال هو انتى عايشة فى قصة حب ولا لا؟
اوكمان بقى عايزة اعرف امواصفات فتى احلامك

أنا حبيت ان انتى تكونى أول واحده أجاوب ع أسئلتها عشان هتساعد ف اجابة الباقى

بصى يا ستى
1/ ال cv بتاعى :
الاسم : ساره فخرى
تاريخ الميلاد : 1/2/1992
محل الاقامه : عين شمس الشرقيه (القاهره)
الفرقه : الأولى
الشعبه : علوم أرض (جيولوجيا)
الهوايات : الرسم و الرقص و القراءه و كتابة القصص
اهتماماتى : أولا طبعا بهتم بدينى وحياتى كمسلمه وثانيا بحب كل شىء متعلق بالانجليزى وثالثا بحاول أبقى طبّاخه بريمو (أنا بعرف أطبخ لكن مش أستاذة طبخ) انما أنا زى ماتقولى كده استاذه ف عمل الحلويات بأنواعها
الفيلم المفضل : City of Angels لنيكولاس كيج وميج رايان
الأغنيه المفضله : Careless Whisper لجورج مايكل
المغنى المفضل : Inrique Iglasias
المغنيه المفضله : Celine Dion
الممثل المفضل : كلهم حلوين (أقصد الأجانب) ولو مصرى يبقى أحمد السقا و أحمد حلمى وبس
الممثله المفضله : Kathrine Zeta Jones
أحسن كتاب : القرآن الكريم
معلومات عنى : بنت بسيطه جدا بس رغّايه ز اللى يعرفنى ع التشات يقول عنى ذكيه و جذّابه ومش سهله أبدا واللى يعرفنى ف الحقيقه (ع حسب ما أعرف) بيقولوا انى طيبه و ع نياتى و محبوبه جدا من كل الناس (عدا قله منهم ودول بيبقوا فاهمينى غلط وبنتفاهم بعد كده)
بس كده يا ستى ماخليتش نفسك ف حاجه وما أخدتيهاش

2/ مواصفات فتى أحلامى
هى ممكن تكون خياليه أو مبالغ فيها
بس أنا ليا أحلام زى أى بنت
* متدين و ع أخلاق ومن عيله محترمه
* فرق سن مش أقل من 3 سنين وبالكتير أوى 7 سنين فرق
* لازم و أساسى انه يكون بريمو ف الانجليزى
* ياريت يكون بيعرف يعوم عشان ألاقى حد ينقذنى لو غرقت
* قادر ع تحمل المسئوليه (واد جدع يعنى)
* يكون ليه مصدر ثابت للدخل
* كنت زمان بقول انه يكون "وسيم" بس دلوقت بقول عادى مش فارقه نهائى و اطلاقا خااااااااالص
* ياريت يكون من كلية الألسن أو الاعلام أو الطب أو الهندسه أو العلوم أو الصيدله لان دول بيبقوا فعلا فكرهم عالى ومش جهّله
* فكره متقدم ومش متخلف وسهل جدا انه يفهمنى (وأظن ان ده هيبقى دورى أنا بقى)
وبس كده كفايه عليكى

3/ أنا عايشه قصة حب دلوقت ولا لأ؟؟؟
ف الحقيقه لأ خااااااااااااالص والحمدلله

تمام كده اسئلتك كلها اتجاوبت يا رنا
اللى بعده ...

HaMaDa SaLaH كتب:

اقتباس :

أهلا بيكي يا عصاية ع الكرسي :

1- ايه هيا أحسن فترة في حياتك ؟ وليه ؟
2- ايه هيا أسوأ فترة في حياتك ؟ وليه؟؟

1/ أحسن فتره ف حياتى هى الفتره اللى أنا عايشاها دلوقت .


عايشه أحسن أيامى الحمدلله وعندى اصحاب ف كل مكان و أسرتى دلوقت مستقره وخصوصا بعد ما اتجوزوا اخواتى الاتنين دلوقت
2/ أسوأ فتره ف حياتى كانت فترتى و أنا ف تانيه اعدادى
كان الكل بيصاحبنى بس عشان أنا شاطره و هغششهم ف الامتحانات
وعشان كده بعدت عن كل البنات المنافقات دول وبقيت عايشه وحيده لمدة سنه كامله
والحقيقه ده مازال مؤثر ع نطقى لحد دلوقت
لانى ببساطه شديده عشت سنه كامله ف صمت

قصدى انى و انت او واحده من اصحابك حصلت نميمه عليهم وانت عرفت ما ردك

عصاية اية هدفك في التعليم وكمان ناويه ان شاء الله تتخصصي في اية

بس هو ده سؤالي

F@t$$Jo0oe كتب:

ازيك يا عصاية
يارب تكوني بخير
اسئلتي ليكي
امممممممم يم يم يم يم
1/ الحياة بالنسبالك ايه و اهدافك فيها ايه ؟؟
2/ ايه اللي انتي شايفاه في طبع صحابك نفسك يغروه و ايه اللي انتي شايفاه في طبعك نفسك تغيريه ؟؟؟
و الف شكر ليكي
HEART 4 sell

أنا تمام الحمدلله

1/ الحياه مجرد مركب كبير و هيعدّينا لحياتنا الحقيقيه(الآخره)
بس مش معنى كده اننا نهمل حياتنا ع المركب
لازم نآخد بالنا من كل حاجه عشان نعدّى بأمان
(و ده مش مجرد كلام و أشعار . أنا فعلا دى وجهة نظرى ف الحياه)
لانى من زمان كنت بزعل أوى ع درجات ضاعت منى أو حلم و ما اتحققش
بس الحمدلله تفكيرى اتغير من حوالى سنه و من ساعتها و أنا عايشه سعيده جدا
(رغم انى ما وصلتش لكلية الهندسه اللى كان نفسى فيها)

2/ أهدافى فيها :
* وظيفه كويسه أو انى أواصل التعلم دوما
* أسره سعيده
* الحرص ع صلة الرحم بعيلتى كلها
* أعيش مستوره دنيا و آخره
* ياريت أفضل مع صاحباتى ع طول
* أتعلم لغات جديده

و أنا شايفه ان ده كله ف ايديا ومش محتاج أحلام ولا حاجه (بس شوية تأنى ف الاختيار)
وأكبر حلم نفسى أحققه بجد هو انى أسافر أمريكا (ده ما يعتبرش هدف . صح؟)
ع العموم خلصت اجابتى ع اسئلتك
سلااااااااااام

basma كتب:

عصايه حبيبتى قعدت ع الكرسى يا مرحبايا مرحبا
بصى طبعا عشان انتى حبيبتى مش هسالك كتير
لان اللى قبلى قامو بالواجب
السؤال الاول: لو اتقدملك شخصمناسب فى الوقت الحالى هتوفقيى ولا؟؟؟؟؟؟؟؟؟؟
السؤال التانى: لو زوجك فى المستقبل ان شاء الله طلب منك تقعدى من الشغل ومتشتغلش هتقعدى ولا؟؟؟؟؟؟؟؟؟؟؟؟

شكرا يا بسومتى

والله مش محتاجه تقولى
حبك واصل ليا عبر الكمبيوتر

1/ دلوقت لو اتقدم لى شخص مناسب هوافق طبعا
ده هيبقى يوم سعدى
يا سلام . طبعا
بس خلّى بالك من كلمة "مناسب" دى
لان ف الفتره دى مش هوافق غير ع واحد فيه كل مواصفات فتى أحلامى
وبكون بحبه جدا جدا ومش قادره أستغنى عنه (مش مجرد واحد اتقدم لى وأنا وافقت وخلاص)
(يعنى م الآخر مفيش جواز ف الفتره دى)

2/ لو هو فعلا الشخص اللى اخترته يبقى جوزى
وفعلا كان فكره متقدم و مش متخلف وقادر ع تحمل المسئوليه(شاب جدع)
اذا طلب منى ما اشتغلش يبقى أكيد عنده أسبابه
و أنا طبعا هبقى واثقه من كلمته (أمال هنعيش ازاى مع بعض من غير ثقه؟؟؟)
وهوافق مادامت دى رغبته وهعيش لبيتى و أولادى
(طبعا العلم مش هيقف لحد هنا لان العلم مالوش حدود)
بس كده يا ستى
سلااااااااام

GANA كتب:

عصايه اعتقد انها اللى على كرسى الاعتراف

مممممممممم
بصى عصايه سمحينى ان مش اعرفك الا على المنتدى بس طيب
انا هقولك

تعملى ايه لو وحده من اصحابك زعلتى منها ولو هى اللى زعلت منك برضوه هتعملى ايه يعنى ده سؤال؟
والتانى ان انت مش شيفه نفسك من خلال كلامك عنها جريئه شويه ولو كان فهل ده ثقه والا انتى الا بتقولى لنفسك وفيها ايه لما اتكلم بصراحه؟

1/ لو واحده صاحبتى زعلت منها مش هقوللها وهفضل متضايقه وما أقولهاش ع السبب (ده طبعى)
ولو هى اللى زعلت منى وأنا اللى غلطانه هعتذرلها طبعا
أما لو زعلت منى لسبب مش منطقى أو لسوء فهمها هحاول أشرح لها انى مش غلطانه

2/ ع فكره يا جنة انتى فعلا ماتعرفنيش كويس
أنا صاحباتى لما شافونى ع المنتدى ماصدقوش ان دى صاحبتهم فعلا
لان ده مش أسلوبى ف الكلام ف الحقيقه
كل اللى ف الحكايه ياستى ان أنا هنا ع المنتدى بتكلم من ورا كمبيوتر
وبآخد وقتى ف التفكير قبل ما أكتب ومفيش مواجهه وجها لوجه
عشان كده هتلاقى ان كل كلامى طالع من جوايا ع طول وبكل صراحه
أما ف الحقيقه فأنا ببقى ساكته وخجوله ومحدش بيقدر يعرف ايه اللى جوايا
بس كده يا ستى

هههههههههههههه

اوك انا مستني اسئلتكم