انا والنجوم وهواك

المتصلة : ألو (بصوت رقة مصطنع طبعا لأنها خايفة أبوها يصحى)

المذيع : نتعرف بيكى

المتصلة : أنا عنايات

المذيع : أزيك يا عنايات بنرحب بيكى وعايزين نعرف أيه مشكلتك

عنايات : أنا مشكلتى أنى مش عارفة ألاقى الحب الحقيقى, ارتبطت بــ 7 شباب وأنا فى

سنة أولى, لكن فى كل مرة مكنتش بلاقى الفارس اللى حيخطفنى على الحصان

الأخضر

المذيع : قصدك الحصان الأبيض

عنايات : لا انا بحب الأخضر أكتر, المهم اتخطيت المحنة دى وقلت أبدأ حياتى من جديد

لما كنت بعيد أولى, بس برضه ملقيتش الأنسان الكويس فى الــ 5 شباب اللى ارتبطت

بيهم

المذيع : طب وعملتى أيه بعد كده يا عنايات

عنايات : قلت أستقر واتجوز يمكن ألاقى الحب الحقيقى مع اللى حتجوزه

المذيع : طب ده كلام كويس قوى, أهو تلاقى على الأقل حد يلمك

عنايات : ماهو المشكلة برضه أنى مالقيتش الأستقرار فى الــ 4 مرات اللى اتجوزت فيهم

المذيع : مممممممممم

عنايات : تفتكر يا أستاذ حرحش المشكلة فى أيه, أنا حاسة أنه العيب مش فيا, بس مش

عارفة العيب فى مين

المذيع : عنايات (بيقولها طبعا بصوته الساحر الشاجى الباكى الحساس) انتى مشكلتك

أنك محتاجة الحنــــــــــــــــان, لأنك وانتى صغيرة مامتك ماكنتش بترضى تجيبلك كتاكيتو

الشمعدان, وده خلى عندك عدم ثقة فى الرجالة, وعلاجك أنك تواجهى أمك بمشكلة

الشمعدان, وقتها بس حتحسى بالأمان والحنـــــــــــان

عنايات : انا مش عارفة أشكرك أزاى يا أستاذ حرحش على تفسيرك للموضوع, ده فعلا

اللى أنا حاساه, وده حيحللى مشكلتى أكيد مع الــ 2 اللى ماشية معاهم دلوقتى

المذيع : بنشكرك يا عنايات ونسمع دلوقتى أغنية رومانسية بعنوان ((الكرنب ضرب فى
البومب ))
..................

طبعا ده بعدحببببببببببي واحترامي للاعلامي الكبير اسامة منير

ههههههههههههههههه جامده
بس تصدق انى لحد دلوقت ما سمعتش أسامه منير ع الراديو . طول عمرى بسمع عن شهرته وبس .
مش مهم . خلينى ما أسمعوش أحسن, و ع العموم شكرا ..

سلاااام

» انا والمحبين وهواك .... ياريت الكل يدخل ....................