امطار تعلمنا

بسم الله

اللعبة اللي قدام حضاراتكو دي لعبة وعايز اعرف رايكو فيها

اللعبة ستكون كالتالي:

ان واحد فينا يختار( صفة) من الصفات البشرية
سواء كانت كويسة او غير كويسة

ويا ريت تكون غير كويسة

علشان كل واحد يشوف اذا كانت الصفة فيه ولا لا

ويحاول يصلح من حاله

وكل صفة تاخد بكتيرها3
ايام وكل واحد يكتب:
احساسه من ناحية الصفة دي
قابل حد كانت فيه الصفة دي ولا؟
طريقة معاملة الشخصيه اللي تحمل الصفة؟
المواقف اللي حصلتلك من الصفة دي؟

..........................................................

والله ولي التوفيق

حلوة اللعبة دي يا جلاد هتبدأ امتى اللعبة دي

نشوف الاول مين اللي هيلعب ونبدا علطول باذن الله

نورك منور المكان يا زووول

تماااااااااااااااااااااااااام معاكوا ان شاء الله بس بسرعة عشان شكلها حلوه

منور يا حماده

منورة المكان يا بسوم
واهو الواحد ممكن يخرج اللي جواه
حتي وان كان غيره مش سامعه
.........

ان شاء الله العبة هتبدأ الليلة

فكل واحد يجهز عقله وقلبه
علشان نفيد ونستفيد

الصفة اللي معانا اليوم

من الصفات اللي بيكرها الكل

وعمره ماا يطيق انها تكون فيه او في غيره
.................
بس في بعض الاحيان الواحد بيستخدمها و مبيندمش عليها
يعني بقي واخد عليها
...............
وفي واحد تاني يعملها ويندم
...............
وفي واحد يبرر موقفه ويقول
كدبة بيضة
..............
اظن ان الصفة وصلت للجميييييييييع

يلاااااااااااااااااااااااااااا
يا شباب الغد القريب
عايزييين افادة
..............

ايه يا شباب

فين الاحساس

كل واحد يطلع اللي جواه

يلااااااااااااااااااااااااااااااااااااااااااا

عايزيين عياط
.......

ان شاء الله انا معاك الانسان جواه حاجات كتير لازم يقولها

مشكور ياحماده علي الرد

لكن يا شباب ملحوظة

يا ريت كل واحد يكتب كل حاجة عن الصفة

وميسكتش بالاجابة عن الاسئلة
انا حاطتها علشان كل واحد يفكر في نفسه عن الصفة دي

واحنا ممكن نعملها علي طريقة اسئلة ونجاوب عليها بس لالزم كله يشارك في الاسئلة دي

وكل سنة وانتو طيبين

الكذب
صفة انا علي العموم بكرها
بس علشان مكدبش انا من المؤسسين ليها
وانا علطول بندم لاني كدبت
لكن انا بتحط في مواقف هيا اللي بتخليني اكدب غصب عني
ودا غلط
انا عارف
وانا دلوقتي اهو بحاول ابطل كدب شوية
لان الحديث الكريم عن النبي صلي الله عليه وسلم:
"اية المنافق ثلاث:
اذا حدث كذب
واذا وعد اخلف
واذا ائتومن خان"
صدق رسول الله صلي الله عليه وسلم
ولكن في كتير من الناس واخد الكدب دا كانه هواية
مبيبطلش كدب
عايش يومه في كدبه اصلا"
ويسرح بالناس وبنفسه وفاكر ان دي شطارة
لكن ده من اساسه غلط
انا بقول لنفسي قبل ما اقول لغيري
...................................
يا ريت نبعد عن الكدب
........................................
لان الانسان اذا اتعرف بانه كداب
عمر الناس ما هتصدقه بعد كده قدام حتي لو صلح من نفسه
وهيعتبر ان دا ظلم من الناس لكن هوا الي وصلهم لكده
..........................................................
وسلام عليكم

بجد ياجماعةالكدب دا صفة وحشه اوى لانها بتمهد لحاجات اوحش بكتير انا بجد بكره نفسى لما بكدب بس الميزة اللى فيا انى لما بكدب بيبان عليا على طول ولو متكشفتش بعترف بعدها بشويه انى كدبت
وانا اتكدب عليا من بنت عمتى وكانت صحبتى اوى وكنت بصدق كل كلمها بس عملت فيا موقف خلتنى ابعدعنها خالص وقعدت فتره مش بكلما بس بحكم القرابه بقينا نتكلم من بعيد لبعيد بس دى بجد الوحيدة اللى وجعتنى اوى لانها مكدبتش بس لا دى كمان بينتلى مدى الكره والغل اللى فيها معلش طولت عليكو بس اصلى دمى محروق اوى

اسو اْ حاجه الخيانه ( خاصة لما تكون واثق فى حد جدااااااا ويخونك انا عن نفسى بكرها واتعرضت لها من حوالي سنه ونصف من واحد ومن ساعتها وانا مش بكلموا خالص)

يا ميتو الصفة اللي بنتكلم عنها هي الكدب
بس عادي
ايامها انتهت اصلا
وانتا اخترت الخيانة كصفة ندرسها
يلا يا شباب
كله يسمعنا

الحمد لله
عدنا
بس يا جماعة هنوقف اللعبة علشان الامتحانات
وهنكملبعدين
ان شاء الله

الامتحانات خلصت
يا دكتور

basma كتب:

الامتحانات خلصت
يا دكتور

والله العظيم
تصدقي الايام بتعدي كده هوا
بس والله فيكي الخير
بس انتي سرقتيها من دماغي
انا كنت هدخل لسه
وفيكي الخير سبقتيني
والصفة اللي معانا هيا الخيانة
بس ياريت نلتزم بالمواعيد
كل صفة ليها 3 ايام
................................
وانا هقول ان الخيانة فعلا احساس عمري ما اتمني اني احس بيه في يوم واحد
وبالذات ان الخيانة فعلا توجع لو جت من اقرب الناس بالنسبة لك
وعلشان كده انا بكره الخيانة جداااااااااااا
وفي ناس واخدة الخيانة هواية
مش فارقة معاها احاسيس ومشاعر الناس التانية
واانا بصراحة اتحكالي قصص خيانة الوااحد كان نفسه يقتل السبب فيها
لان بجد تتعب
وعلشان كده
انا بصراحة عمري ما هتكون صفة الخيانة صفة من صفاتي
وعمري ما هعامل حد فيه الصفة دي
انا ممكن انصحه
بس بردو
يا تري هيسمعلي
مش عارف
بس اكيد ربنا هيهديه

.........................................................................................

الخيانه
كلمه صعبه اوى مش من السهل ان الواحد يتكلم عنها
اكيد اى حد بيكره الخيانه ومفيش حد يحب يخون ولا يتخان
واعتقد ان الانسان اللى يخون عشان عاوز يخون يعنى بقصده
ده انسان مريض ومحتاج يتعالج
للاسف قابلت حد بيخون وكانت اعز اصحابى بس الحمد لله مخنتنيش
انا والله نصحتها كتير وعملت بحق الصداقة اللى بينا بس مجتش معاها باى فايده لحد مكرهتها بجد بس سبتها لانى استحقرتها
انا حاسه انها مريضه ونفسى اساعدها ومش عارفه
الحمد لله الخيانه دى صفه مش فيا
واخيرا
انا اتخنت بس خلاااااااااااااااااااااااص
عفى الله عما سلف