منها شعر ومنها نكته ...........

القصيدة دي جاتلي على الايميل مش عارف مين الي كاتبها بس لذيذه


ميت ألف فرصة عشان أسيب مصر ، ولا عمري سبتها
علشان هى بلادي اللي بجد بحبها ، بحبها بكدبها وصدقها
بحب فيها أصالة، وندالة ، أهلها
بحب فيها السهر ، بحب زيفها وأصلها
بحب فيها طلعة الشمس تنور وشها
بحب فيها القمر طالع يغازل حسنها
بحب فيها المشي علي شط نيلها وبحرها
بحب فيها ملامح شعبها
دي بنت مايصة وحاطة وردة فـى شعرها
ودي بنت جد ونازلة جري لشغلها
هتلاقي فين بلد فيها الجوامع بتحضن بعضها
نبع الحنان ويناموا حاضنين أرضها
هتلاقي فين تاني بلد كل حاجه فيها تخليك تحبها
هتقولي ظالمة ، هقولك برضو بحبها
هتقولي ضلمة ، مهو ده سواد شعرها
هتقولي زحمة ، هقولك علشان بنعشق أرضها
هتقولي فيها فساد، هقولك ده من طيبة شعبها
جرب كده تسهر ، ولو وحدك ، علي ضفة نيلها وحبها
جرب تشوف بنت حلوة مع شاب واقف جنبها
بيحبها ، شايل في قلبه هموم الدنيا كلها ، وبرضه بيحبها
جرب كده تاكل درة وترمس علي شطها
وتشوف وشوش الناس ، وإضحك زيها
طب وإنت ماشي لوحدك ووقعت في مشكلة ، مش بتلاقي ألف واحد جنبك بيحلها


لا تعرفهم ولا يعرفوك بس جمعكم حبها
أهي هي دي مصر ، زحمة ..ظالمة ..فاسدة ..ضلمة ..مش مهم ..ده كفاية خفة دمها هافضل لمصر أقول وأعيد ، أنا أصلي عاشق أرضها
عند الجد طبعا ده كله كلام في الهوا ، أنا لو تجيني نص فرصة هقول لها
بالسلامة يا مصر ، ومش عايز أشوف وشها
وهي دي بقى الندالة اللى من الغربة اتعلمتها
هههههههههههه...

بصراحة دي قصيدة انا مسمعتش زيها

واللي كتبها دا انسان عاشق بنّها (قهوتها)

والحاجة الوحيدة اللي هقولها انها

بلد بجد
..............
خيرها في اهلها

مشكور يا استاذ اسامه

وكل سنة وانتاا طيب

وننتظر المزيد

ههههههههههههههههههه


القصيدة دى جامدة جدا جدا

شكرا ليك ع مشاركتنا بيها يا أسامة