نفس المكان

لا تخافي من كتر العتب


تَ نفترق ما في سبب


نحنا الهوى علينا انكتب


طول الزّمان




ما برضى عمرك تحرقي


لو ما الهوى فينا بقي


شو السّرّ منرجع نلتقي


بنفس المكان




ما بدّي ياكي ملبّكة


منّك عَ بعضك شو بكِ


شايف أنا بعينك حكي


و بدّك أمان




فيكِ أنا عشقت الدّني


شفت العمر حدّك هني


لا تخلّي راسك ينحني


لأيّ إنسان




بإيدينا رح نرسم عمر


نتحدّى فيه حتّى القدر


يحكوا علينا هالبشر


يبقى كلام




لمّا الهوى فينا ابتدى


حبّينا ما سألنا حدا


و حلفنا عَ طول المدى


نصون الغرام



ما بدّي ياكي ملبّكة


منّك عَ بعضك شو بكِ


شايف أنا بعينك حكي


و بدّك أمان



فيكِ أنا عشقت الدّني


شفت العمر حدّك هني


لا تخلّي راسك ينحني


لأيّ إنسان