مصطلحات سياسيه

موضوع: مصطلحات سياسيه الخميس يناير 21, 2010 4:36 pm

العولمة: عملية تحول أجتماعى وثقافى وفني تتزعمة فيفى عبدة

الشفافية:سمة ضرورية للملابس المستخدمة فى العولمة

التغيير:عملية شديدة الأهمية، تتم للطفل لما يكون مبلولا

المبايعة:ورقة بتكتبها لما بتبيع عربية قديمة

غسيل ألاموال:أسوأ ما يمكن أن يحدث أذا نسيت المحفظة فى
البنطلون قبل ماترمية فى الغساله

عملية السلام:زى عملية اللوز بالظبط، بتنتهى برمى اللوز
فى الزبالة

البيئة:شتيمة يطلقها الشباب على الطبقات الفقيرة

حرية النشر: تمارسهاالنساء على السطوح فى المناطق
الشعبية

التعمير:عملية تتم فى الغرزة

التنوير:عملية تتم فى الشوارع عندما يسكنها وزير

الجات:مصيبة وجت على دماغنا

الشريط الحدودى: هو الشريط الجاى لعمرو دياب

عصر المعلومات:عصر يمكنك تحصل على ما تريد،اذا دفعت
المعلوم

سياحة الأثار:خروج الأثار مع الخواجات من مصر للفرجة على العالم

المؤامرة الصهيونية: ماركة جديدة من الشماعات نعلق عليه
ثيابنا..وأخطائنا

العمل فى السياسة: يمارسة من يعمل"سايس"فى جراج

العمل الثورى: مذكر العمل البقرى

احمد زويل: صنع فى مصر بس متجمع فى أمريكا

الديمقراطية: نوع من الفنون الزخرفية يستخدم لتزويق صورة
الحكومة

الحرية للجميع: للشعب أن يقول مايشاء، والحكومة أن تفعل ما
تشاء

الأنتخابات:اكبر عملية تحضير أرواح جماعية

مضبطة المجلس: قائمة تضم أعضاء المجلس المطلوب ضبطهم
واحضارهم

الفمتو ثانية: هى الفترة التى تمر بين كلمة المنافق
يتفضل يرفع أيدة وكلمه موافقه

الرجل الخليع:اللى يقرف مراتة لحد متقول حقى برقبتى
وتخلع

القانون: آلة تصدر صوت جميلة لما الراجل يلعب فيها بصوابعة

الحرب الأهلية: حرب البنت مع أهلها علشان تتجوز الواد اللى هى عايزة تتجوزوه

حرب الشوارع: قيادة السيارات فى القاهرة

حرب التحرير: معركة شهيرة يخوضها كل من يريد استخراج جواز
سفر من مجمع التحرير

النظام العالمى الجديد: ويندوز xp

البورصة: مرات البرص

الخطيب: شخص موهوب فى الترقيص واللعب بالالفاظ،ويمارس
الخطابة السياسية

الاتحاد السوفيتي:زى ألاتحاد السكندري، كان كل أملة أنة ماينزلش درجة تانية، بس يا خسارة

يلتسين: مبتكر طريقة روسية جديدة فى لعب الكورة، تعتمد
على قتل كل افراد الفريق المنافس وأولادهم وقرايبهم والجمهور آن آمكن فى بداية المانش،وعلشان الفرقة تجيب أجوان فى المرمى الخالي براحتها

اليساري: شخص طيب يقود سيارتة على الجانب الأيسر من الطريق، ويشتم كل السواقين اللى جابين فى وشة لأنهم عملاء ألإمبريالية ويسيرون ضد الحتمية التاريخية

الصراع الطبقى: خناقة كل بيت على مين يغسل ألأطباق النهاردة

هههههههه
انا لما قرات العنوان ظنيت انه شرح لمصطلحات سياسية بجد
و لما لقيته مكتوب فى قسم كلام فى السياسة تأكدت من كدا
انمّا طلع فى الآخر مش مصطلحات حقيقية ؛ انما واقعية
اشكــرك ، أروى على الموضوع الجميل مصطلحات سياسيه 954712

هههههههههههه
حلوين أوى أوى
شكرا يا أروه
ممكن سؤال ؟
عملتى ايه ف الامتحان؟

أنا بس عاوزه أتطمن عليكى

شكرا على ردك يا باش مهندس وعصايه

اما بقى الامتحان النبات ميه ميه والحيوان ماشاء الله عاعك اللى عكيته فى الهستولوجى ربنا يستر وانتى عملتى ايه يا جميل

ردى هو الحمدلله
بس ربنا يستر من باقى الامتحانات
بس قوليلى بقى
هنعمل ايه ف الهيت والكيميا الفيزيائيه؟
أنا عن نفسى هحاول أذاكرهم مع اللغه الأوروبيه
والتحليل الرياضى بذاكره دلوقت

ربنا معانا

انا مخلصه الكيميات كلها فى الاجازه

الهيت بقى مصطلحات سياسيه 511158

الحمدلله مش فاهمه فيها اى حاجه خااااااااالص بس هحاول ازاكرها فعلا فى الايام بتاعه اللغه

انا كنت فاكر زي ما كان فاكر الباش مهندس

قولت ايوة ولعت وفي ناس هتتلكم في السياسة وهنتلم كلنا
بس طلع شغل اعلى مني خالص
بس تسلمي مصطلحات سياسيه 701887

ههههههههه

عملت فيكم مقلب يعنى معلش بقى يا اسامه المره اللى جايه هاكلم فى السياسه مصطلحات سياسيه 701887

وشكرا على ردك