فوائدالسرطان

شكرا ولوعجبت اللى بيقروا اجيب حاجات تانيه عن انتيكا ديه زى نشيدهم الوطنى مثلا

مكتب وزيرالثقافه

كان وزير ثقافة انتيكا جالسا فى مكتبه ويقرا الجريده حين استوقفه خبرغريب

استقالة وزير اموصلات اليابانى

فاستدعى مدير مكتبه على الفور

حسين تعالى قريت الخبر ده ؟؟
قريته يافندم ماله ؟
ايه الاستقاله ديه؟؟
والله يافندم علمى علمك!
يبقى تدور لنا عليها عشان لو حاجه حلوه نعملها....اشمعنى اليابانين يعنى!...عندك فكره فى وزاره هنا فى انتيكا عملوا الاستقاله ديه قبل كده!!!

لا يا فندم اول مره اسمع عنها
طيب اتصل باليابان كده واستفسرواعرف القصه بالتفصيل


بعد يومين
حسين يدخل على الوزير متهللا
لسه قافل مع اليابان يافندم
ها...قالولك ايه؟؟
هما قالو كلام كتير وى بس انا مافهمتش حاجه...ما انت عارف سعادتك بيتكلموا انهم بيتكلموا يابانى
امال جاى مبسوط قوى ليه كده ياحيوان ؟
ما انا يا فندم عندى راى
قول
انا برجح ان الاستقاله ديه مثلا تكون ترقيه للوزير
ترقيه والله كلام معقول
ومادام ترقيه يبقى الى بيرقى هو حاكم الدوله
يبقى نقدم طب للحاكم من بكره
بس ديه حاجه جديده وممكن ما يوا فقش
لا ما اعتقدش ... احنا اسه واقفين معاه واقفة جدعان فى الانتخابات مش هايستخسر فينا حتة استقاله من بكره تقدم له طب بقولك ايه اوعى حد من الوزراء الرمم اللى فى المجس ياخد خبر احسن حد يسبقنا عايز اكون اول وزير يحصل على الاستقاله


قصر الحاكم
تناول الحاكم دواء الضغط ثم قال لكبير الياوران :وبعدين بقى فى حركة هوينا دى مش هيتلموا شويه بدل ما اسود عشيتهم
ماهى سودا اساسا يا فندم
بتقول حاجه ؟؟؟
قصدى هم متحامين فى جمعية حقوق الانسان
ثم ابتلع دواء السكر :حقوق ايه بس هم مش بيكلوا فول وعايشين ؟!....اعمل لهم ايه تانى
ماهم بيطلبوا بحاجه تانيه غير الفول
يتناول منظم ضربات القلب ويتابع:خلاص نزلهم طعميه خليهم يعيشوا عيشة الملوك بس بالسعر السياحى اه احنا مش هندعم كل حاجه اجييب منيين
لا يافندم هما بيطلبوا بحاجه غريبه كده اسمها....اسمها....(يخرج ورقه صغيره ليقرا ما بها)اسمها ديموقراطيه
يستنشق موسع الشعب الهوائيه :مين ديموق.....الله يخر بيت الدش اللى بوظ اخلاق الشعب طيب شوفوا ليهم الهبابه دى وهاتوا هم منها شويه بدل ما كل شويه يقولوا هوينا هوينا بس برضه بالسعر السياحى اجيب منين احنا هندعم الكماليات كمان اجيب منين؟؟؟
حاضر يا فندم فيه كمان طلب غريب قوى من وزير الثقافه
يتناول مذيب الجلطه صارخا :خير عايز ايه هو كمان ؟؟..لو عايز دعم قولوا ما فيش ....مافيش....اجيب منين؟؟؟؟
لا دا عايز حاجه غريبه قوى اسمها اس...اس....
السلامو عليكو..
انت هاتغنى؟!.. انا مش فاضى لكم حلقة كابتن ماجد قربت تيجى اتكلم على طول
استقاله
ده يوم ايه المهبب ده !....ديموقراطيه واستقاله !!! انا اصطبحت بوش مين بس !!انا قولت البلد دى ما ينفعلهاش دش ....تطلع ايه الاستقاله ديه كمان ؟
والله يا جناب الحاكم مش عارف انما نسال يا فندم نسال
تسال بسرعه يا زفت
حاضر يا فندم اى اوامر تانيه
يجلس على الكرسى المتحرك ويجيب:شغل space toon

وزارة الدخليه
مساعد الوزير يهمس باذنه مقدم طلب للحاكم للحاكم عشان يوافق له على استقاله و مبن عارف الاستقاله ديه بتعمل ايه جايز تخليه يمسك الدخليه كمان !
يا نهار ابوه اسود لا دا بعده الامن هيفضل مستتب طول ما انا فى موقعى تسال لنا على الاستقاله ديه فى اسرع وقت ....اتصل ببلاد بره اسالهم عنها ..معاك رنات؟؟
لا سعادتك انا فى السماح
طيب خد موبايلى...
احم ...ماهو مسروق يا فندم ولسه ما لاقيناهوش
والحل
فيه حل واحد .. اتغدى بيه قبل ما يتعشى بينا وقدم انت كمان على استقاله
والله فكره
قصر الحاكم
الحاكم يتمايل طربا على انغام احدى الاغنيات ويردد معها (انا كده انا كده دلوعه دايما)حين يدخل كبير الياوران فيبادره :سالت على الاستقاله ؟
محدش فاهم حاجه خالص يا جناب الحاكم ما فيش حد فى الدول العربيه والافريقيه يعرف عنها حاجه حتى فى كل القواميس العربيه والسياسيه ما لهاش اثرا!
امال الجدع ده جابها منين
انا سمعت كده طشاش ان فى بالد بره ان الرئيس بيوفق على الاستقاله فقط لما يكون الشخص عم حاجه كبيره قوى
كبيره ايه ؟دول بهايم هو حد بيعمل حاجه من نفسه كله بتوجيهاتى وبعدين ايه اعم يا زفت؟؟؟
انا راى سعادتك ان كده ولا كده احنا نرفض الطلب والباب الى يجيلك منه الريح سده واستريح
حيث لو طلعت كويسه مش بعيد سعادتك تلا قى كل الوزراء مقدمين على استقاله

وزارة الثقافه

الفد ااجنبى وصل يا فندم
هتف بها حسين مدير المكتب
خليهم يدخلوا فورا
استقبل الوزير اعضاء الوفد واخذ يستعرض معهم انجازات الوزاره خلال عشرين سنه قضاه بموقعه
بس ده قليل معالى الوزير
ما احنا عشان كده هناخد خطوه جباره على طريق التنميه الثقافيه
ايه يا ترى
هاقولك رغم ان سر ان مقدم عى استقاله
استقاله دى خطوه شجاعه من معايك واعترف منك بالمسؤليه
متشكر انا طول عمرى شجاع مش كده يا حسين
حسين
وهو فيه اشجع من سيادتك دا معاليك اشجع من شجيع السيما نفسه
رئيس الوفد الاجنبى : ومين ياترى هيمسك الوزاره بعدك
انا برضه
ازاى بقى امال مقدم استقاله ليه
بقى يعن لما اكون حافى امسك الوزاره ولما اخد الاستقاله اسيبها؟!
ايوه ماهى الاستقاله كده
يا سلام وما بقاش وزير؟!
ايوه
ايه ده ؟! يعنى العز والهيلمانوالمرسيدس والستات وكشك الحراسه وكارنيه نادى الشمس كل ده هيروح؟!!
ايوه وتبقى مواطن عادى
لا ياعم يفتح الله حسين ..حسيييييين
ايوه يا فندم
شفت شورتك المهببه !!هايسحبوا منى الوزاره
ليه يافندم؟؟ انت كنت ركنتها فى الممنوع ؟!انت بتهزار يا حيوان بكره اصبح تروح تسحب الطلب المهبب ده
ما ينفعش لازم سيادتك الى تروح تسحبه بنفسك
اروح طبعا اروح قال يسحبوا الوزاره

قصر حاكم انتيكا

وزير الثقافه يدخل على الحاكم :
يا صباح البهجه يا جناب الحاكم
اهو صباح تعالى يا وش القرده بقى انت مقدم لى على استقاله ؟
ياجناب الحاكم دى غلطه مطبعيه نا قصدى اصطباحه مش استقاله
ايوه كده يا اخى قولنا حا جه نفهمها.. فين الاصطباحه دى ؟
يخرج سيجاره ملغمه ويناولها للحاكم ...
صباح العطر يا فندم
صباح التنفس دا صنف عالى قوى ابقى سيب منه بره عشان كله يتكيف
يدخل وزير الدخليه فجاة :
صباح الخير يا جناب الحاكم ..انا عايز استقاله
تعالى تعالى شد واحبس واتكيف
يا سام دى حاجه فوق المزاج
عجبتك
فله هى ديه الاستقاله
ايوه يا سيدى مبسوط ياللا ياض منك ليه كل واحد على وزارته مش اصطبحتوا شوفوا شغلكوا
الوزيرا فى نفس واحد اوامرك يا جناب الحاكم

هههههههههههههههههههههههههههه
جامدة يا تيتو

r=black]]شكرا على فكره رغم ان الموضيع مختلفه حيث استقالة الوزير اللى كان فكرها ترقيه والنشيد الوطنى لدولة انتيكا والا الفوائد المذهله لمرض السرطان الا ان فضلت ان يكون الموضوع كله تحت مسمى او جزاء كتبته من الكتاب وهو فوائد السرطان[/size]