وطــــاويـــط

عـايـشـيـن وطـاويــط
___________

عايشين وطاويط
ساكتين علطول
وإن قلنا كلام فكلامنا عبيط

في نهار نايمين
بالليل صاحيين
ماسكين نبابيت علشان وطاويط

بنقول في كلام
ومهوش مسموع
وإن مره سمعته تقول ظغاريط

جناحتنا خفاف
بالرغم ده كله تشوفنا تخاف
وتخاف من إيه محناش عفاريت

قاعدين بنقول ونعيد ونزيد
بنقول شعارات
وكلام وحديت

وهنعمل إيه ماهو صووت مكتوم
طالع من جوه بحر غويط

وعددنا كبير
ملايين ملايين
والخمسين منا يِمْلُو غَبيط

يضربو لبنان
بغداد وجولان
محناش سامعين أصلنا وطاويط

بننام مقلوب
وعيشيتنا كلها بالشقلوب
وإن مره سمعنا رصاصه نطير
ونهيص ونظييط

بنقوم بالليل نفضل صاحيين
علشان بنخاف كده مـ الديناميت

نسمع في صراخ وعويل نايمين
بتزعقو ليه محناش فاهمين
والله وطاويط

يضربو لبنان يضربو حلوان
لو ضربو الكهف بتاعنا كمان
علطول هنطير
ونروح لبعيد
ونعيش وطاويط

لالالالا احنا مش قد الحاجات الجامده دي انت عديت خلاص ومحدش هيعرف يكلمك

هههههههههههههه جامدة جدا والله يا احسن عضو

رودى نورتى والله والنور زاد بردك الجميل دا

وابو صلاح طبعا حبى منور واحنا بنكتسب من خبراتك يا صحبى

ربنا يخليك ياباشا

الكلام ده كبير وهيكون الاخير

ايه الحلاوة دي يا بني هات بوسه

جامده جدا يا ميجو وعمرهم مهيقدرو يضربو حلوان
-------------------------------------
لو اننا ...لم نفترق
لبقيت نجما في سمائك ساريا
وتركت عمرى في لهيبك يحترق
لو اننى سافرت في قمم السحاب
وعدت نهرا في ربوعك ينطلق
لكنها الاحلام تنثرنا سرابا في المدى
وتظل سرا.. في الجوانح يختنق
لو اننا .. لم نفترق