مسلسل مرزوق وتفيده
الحلقه الاولى
تفيده بتحب مرزوق ومرزوق بيحب تفيده...تفيده جالها عرسان ياما من الحته بس هى معربنه على مرزوق..اول ما شافت عنيه وقعت من طولها ولما جه يشلها استلبطت وسندت عليه ولما جت عنيها فى عنيه تانى اتنهدت وسرحت وقامت قربت من وشه وراحت لطشاه بالقلم تفيده: انت ماسكنى كده ليه؟ مرزوق:مش بسندك يا بنتى ؟ تفيده:يوووووه اه والله ده انا اغمن عليا قدام المشرحه ،مرزوق:اوغمن عليكى؟ ده يا بنتى انا شايفك بتتزحلقى فى اشره موز وبعدين ليه ضربتينى بالقلم؟، تفيده:ما انت عمال تمسكنى كده وتستعبط،مرزوق بتسبيله :ما انا خفت عليكى، مرزوق بيتنهد وهو كمان وقع فى حبها من اول نظره... ولما شافها بتتزحلق فى المزه اللى كان قاصد يرميها قصادها قام استعبط وجرى عليها يسندها قابل شله الصيع اللى واقفين جنب المشرحه وقعدوا يتريقوا عليه،مرزوق:انا مقدرش اشوفك وانتى بتطيرى فى الهوا كده قدام الناس... وحياه القلم اللى لسه معلم فى خدى، تفيده:ها.. بتقول ايه؟مرزوق: كرامتك تتهان قصادى انا بس وحياه القلم اللى معلم اهوه، تفيده لطشته القلم التانى وهى مكلضمه، تفيده:كرامتى تتهان؟ لا عشت ولا كنت... اتفوه كرامتى تتهان تفيده مشيت لبعيد وهى بتسب وتلعن، مرزوق: خطفتى قلبى.. يا روح قلبى
واللى اللقاء فى الحلقه القادمه
الخميس فبراير 12, 2009 5:09 pm
