أخطاء شائعة

سلام عليكم
خطأ النهارده يا جماعة يمكن كلنا بنقع فيه
بس هو خطأ خطيـــر جدًا
احنا آى نعم مش بنقصده لكن تعالوا نعرف إيه الخطأ دا و إيه خطورته و نتجنب الوقوع فيه بعد كدا

لما ادخل عليكم الساعة 11 الصبح و الاقيكم بتاكلوا (فى غير رمضان يعنى) و تقولوا لى تعالى افطر .. اقول لكم .. لا شكرًا دانا لسا فاطر و الله
لما الأولاد فى الشارع فى العصرية كدا يلاقوا ولد ماسك كيس شيبسى فى إيده (دا فى رمضان بقى) يجروا وراه و يقولوا ..
يا فاطر رمضان يا مخاصم دينك .. بكرة القطة السودا مش عارف تعمل ايه كدا
بنقول يا جماعة (فاطر) عشان نعبر عن اننا أفطرنا ... و دى غلطة .......
فاطر هى اسم الفاعل من الفعل فَطَر و الذى يعنى (خلق) أو ما قارب هذا فى المعنى
و لنتذكر سويًا قوله تعالى (فاطر السموات و الأرض)
إيه دا بقى؟ .. داحنا كدا عكينا لما قلنا ع الولد انه فاطر
و لما الراجل اللى عزمناه ع الفطار قال انه فاطر
أيوة طبعًا غلطنا .. و غلطة مش هينة
طاب إيه الصح بقى؟؟
الصح لغويًا هو كلمة مُفطِر و التى هى اسم الفاعل من الفعل أَفْطَرَ
و لو احنا مش بنحب الفصحى فى كلامنا .. او بنخاف الناس تتريق علينا ممكن نستبدل كلمة فاطر دى بكلمة فَطَران بدل ما نقول مفطر .. زى ما بنقول عطشان و نعسان و كسلان .. و هكذا
و نفس الكلام بالنسبة للمؤنث
مُفطِرة .. أو فطرانة .. زى ما بتقولى عطشانة و نعسانة و كسلانة و هكذا
هل الخطأ دا أدّى إلى الشِرك لا قدر الله؟
فعليًا هو كدا تم الإشراك لاننا قلنا على فلان انه خالق
بس لان الخطأ غير مقصود بالمرة و نتيجة لجهل .. فإن الله غفور رحيم
لكن برجاء مانرتكبش الخطأ دا تانى و نبلغ أى حد نشوفه بهذا الخطأ

للعودة للمشاركة الأولى اضغط هنا

نفذ ، نفد
يختلط الأمر بينهما
ليس الذنب ذنبنا
إنــّه ذنب سادة إعلامنا
المهم .....
يشيع أنْ إذا قصد شخصٌ أن يقول إنّ شيئـًا ما قد فنى ، يقول نفذ الشئ .. هذا خطأ لأنّ كلمة نفذ معناها مضى ، و اخترق
إذًا فما الصح؟ ..
الصح هو كلمة نـَفـِدَ .. هذه هى التى تعنى فنى و ذهب فيقال مثلا (نفد السكـر) أى (فنى السكر) .. (السكر خلص)
و عن نـَفـَذَ .. فيقال نـَفـَذَ السيف فى فلان .. أى اخترق السيف جسد فلان فدخل من جهة و خرج من الأخرى

للعودة للمشاركة الأولى اضغط هنا

الموضوع جميل جدااااااا


لكن اكتر حاجه مكنتش واخده بالى منها
هيا كلمه فاطر ومفطر
اشكرك على المجهود الرائع

كلام جميل

تسلم ايدك يا باش مهندس
جزاك الله عنا كل خير

شكرا يا أحمد ع تكملة الموضوع


استفدت كتير بكلا الموضوعين

( نحن نختلف عن الآخرون. )
هى ليست خطأً شائعًا ، لكنـّها تتكرر كثيرًا فلذلك وددت أن أدرجها ضمن حلقات الموضوع
هناك خطأ عظيم فى هذه الجملة و هو رفع كلمة (الآخرون) ؛ هى فى هذا الموضع مجرورة و ليست مرفوعة لأنــّها تلى حرف الجر (عن) ، علامة الجر هى الياء لأنـّها جمع مذكر سالم
لذا فعلى الجملة أن تكون
( نحن نختلف عن الآخرين. )

للعودة للمشاركة الأولى اضغط هنا

لا وقعت فيه قبل كدة شكرا الباش مهندس

يااااااااااااااااااه


ده أنا ع طول لما بحب أتريق و أقول لحد انه مفيش حد زيى
بقول : "نحن نختلف عن الآخرون"

دلوقت بقى هحاول أتعود ع الجملة الجديدة

شكرا يا أحمد

غلطة النهارده تصحيحها هيضايقكم شوية (هيضايقكم قوى)
الغلطة دى بتتم عند التهنئة .. بنقول لبعض مبروك
فى الحقيقة الكلمة دى لا يصح أن تستخدم للتهنئة .. نظرًا لعدم وجودها باللغة أصلا
نحويًا .. مبروك هى اسم المفعول من الفعل بَـرَك (كما نقول بَـرَك الجمل)
و لذا فهى منطقيًا خاطئة نظرًا لعدم وجود اسم مفعول من الفعل برك فالفعل برك فعل لازم .. و ليس متعدّى
و الآن ما هو تصحيح الخطأ ؟
جينا لقلة المزاج بقى
الكلمة الصحيحة للتهنئة بدلا من مبروك .. هى اسم اكتر راجل بنحبه فى الدنيا و هو حبيبنا و حبيب الكل .. مبارك
آه و الله .. الصحيح فى التهنئة مُبَـارَك و ليس مبروك
فــ مبارك هى اسم المفعول من الفعل بَارَك
و هو دا المطلــوب
و عشان كدا انا قلت و الناس كلها بتقول
مبارك يا مبارك !

للعودة للمشاركة الأولى اضغط هنا

عرفتها قبل كده منك و بحاول أطبّقها


شكرا يا أحمد ع التكملة

مازلت متابعة للسلسلة