مافيش حد يعرف شكل المسجد الاقصي !!!!!!!!!!!!!!!!!

عمد الإعلام الإسرائيلي إلى إبراز صورة مسجد قبة الصخرة في جميع المناسبات على انه المسجد الأقصى وذلك بهدف محو صورة المسجد الأقصى من ذاكرة الأجيال,حيث يرمي المخطط الصهيوني إلى هدم المسجد الأقصى وبناء هيكل سليمان مكانه.

ويعتقد الكثيرون من الناس ان قبة الصخرة هي المسجد الأقصى لكن في الحقيقة يوجد فرق كبير بينهما

*كان أول بناء للمسجد الأقصى في عهد الخليفة عمر بن الخطاب حوالي عام 20 هـ وكان مبنياً من الخشب أما المسجد الثاني فقد بناه عبد الملك بن مروان وأكمله ابنه الوليد وكانت مساحته ضعف مساحة البناء الحالي وأما المسجد الحالي فيرجع إلى الفترة الفاطمية حيث قام المعز لدين الله بتضييق المسجد وإزالة أربعة أروقة من كل جانب.

أما قبة الصخرة بناها الخليفة الأموي عبد الملك بن مروان (65-86هـ) حيث بدأ العمل في بنائها سنة 66هـ/ 685م، وتم الفراغ منها سنة 72هـ/ 691م.

*منذ فترة صدر بيان للجنة صهيون نشرته مجلة نيويورك تايمز الأمريكية مرفقا به خريطة لمدينة القدس، يختفي فيها الأقصى ويظهر مكانها هيكل سليمان..ويؤكد البيان أنه لا وجود لإسرائيل بدون القدس،ولا وجود للقدس بدون الهيكل ..وإن موعد بناء الهيكل قد اقترب, ولكي يتم البناء يجب أن يتم هدم الأقصى، وخطة الهدم وضعت منذ فترة طويلة ويأتي ضمن الخطة تنفيذ مخطط إعلامي يسعى لترسيخ صورة مسجد قبة الصخرة على أنها صورة الأقصى.

*المسجد الأقصى المبارك هو اسم لكل ما دار حوله السور الواقع في أقصى الزاوية الجنوبية الشرقية من مدينة القدس القديمة المسورة بدورها، ويشمل كلا من قبة الصخرة المشرفة (ذات القبة الذهبية) والموجودة في موقع القلب منه، والجامع القِبْلِي(ذو القبة الرصاصية السوداء) والواقع أقصى جنوبه ناحية "القِبلة"، فضلا عن نحو 200 معلم آخر تقع ضمن حدود الأقصى، ما بين مساجد، ومبان، وقباب، وأسبلة مياه، ومصاطب، وأروقة، ومدارس، وأشجار، ومحاريب، ومنابر، ومآذن، وأبواب، وآبار، ومكتبات.

*يعاني المسجد الأقصى المبارك، منذ عام 1967م، من الاحتلال الصهيوني الذي:

اعتدى على حرمة المصلين داخله، واستباح دماءهم في عدة مذابح داخل ساحاته الآمنة.

أحرق جزءا منه، وحاول تفجيره، وتخريبه غير ذات مرة.

استولى على أجزاء منه، مثل: باب المغاربة، وحائط البراق الذي حوله إلى حائط مبكى يدنسه اليهود، بينما يمنع المسلمون من الاقتراب منه.

حاصر أبوابه الأخرى، ومنع المصلين من حرية الوصول إليه والصلاة والرباط فيه، بينما أتاح لليهود دخوله.

شق الحفريات والأنفاق تحت أساساته، ما أدى إلى تصدع أجزاء منه.

منع محاولات ترميمه، وإعادة بناء ما تصدع منه.

زعم بأن الأقصى في موضع الهيكل توطئة لهدمه، وإقامة هذا الهيكل المزعوم.

ماذا تعتقد أنه سيحدث إذا دُمِّـر المسجد الأقصى؟!!!
لا تتوقع أن يحدث الكثير.
لأن الجميع سينظر إلى مسجد قبة الصخرة و سيجدونه لم يمسه سوء، و سيعتقد الناس أن الذي دُمِّر هو شيءٌ آخر.

ماذا ستفعل أنت الآن؟

و دى صور عشان توضح كلامى :

مافيش حد يعرف شكل المسجد الاقصي !!!!!!!!!!!!!!!!! 24248_1339370116941_1011793752_31064949_3145277_n

شوفوا دى بتوضح كلامى أكتر :

مافيش حد يعرف شكل المسجد الاقصي !!!!!!!!!!!!!!!!! 24248_1339365276820_1011793752_31064947_3285779_n

منقول من الفيس بوك للافادة

جزاكي الله خيرااااااا

صور المسجد الأقصى

مافيش حد يعرف شكل المسجد الاقصي !!!!!!!!!!!!!!!!! Al_aqsa_mosque

مافيش حد يعرف شكل المسجد الاقصي !!!!!!!!!!!!!!!!! M_alaqsa

مافيش حد يعرف شكل المسجد الاقصي !!!!!!!!!!!!!!!!! Aq2

صور مسجد قبة الصخرة :

مافيش حد يعرف شكل المسجد الاقصي !!!!!!!!!!!!!!!!! 1_b

مافيش حد يعرف شكل المسجد الاقصي !!!!!!!!!!!!!!!!! 2_b

sarah كتب:: جزاكي الله خيرااااااا

لأ طبعا

انتى جزاكى الله خيرا

الموضوع أساسا موضوعك مافيش حد يعرف شكل المسجد الاقصي !!!!!!!!!!!!!!!!! 7640

أنا بس نقلته عنك

شكرا ليكى يا سارة مافيش حد يعرف شكل المسجد الاقصي !!!!!!!!!!!!!!!!! 954712

اللهم احفظ المسجد الاقصى

انا برده اعرف الموضوع دا من زمان

هما فعلا بيعملوا كده واحنا نايمين فالعسل
شكرا عصايه

زائر

تعرفى يا اروى ان الموضوع دة فعلا مهم هما بيحاولوا يقفلوا عنينا عن حاجات كتير اهمها الموضوع دة بس احنا لازم نبقى ازكى منهم ونحافظ على تراثنا والحاجات اللى تخصنا حتى لو كانت برة مصر خاصة ان كلنا تحت علم واحد وروح واحدة وهى الاسلام فالمسلم الى بجد هو اللى يعمل حاجة تفيد كل الى حولاية مش تفبدوا لوحدوا كدة ولا اية

مشكورة جدا يا عصايه عالموضوع
انا بصور هدم المسجد الاقصي من البداية بانه
كان شوية بقر مش بشر بيضربوا في راجل عجوز
بس اكيد
ان شاء الله ربنا هينصر المسجد من عنده
حتي لو كل العرب ماتو
لانهم اساسا مش .........
ولو في ايدي حاجة غير الدعاء كنت عملتها

مافيش حد يعرف شكل المسجد الاقصي !!!!!!!!!!!!!!!!! 9onb71n

اللهم احفظ اقصانا
امييييييييييييييييييييييييييين

موضوع مهم جدًاااا
بجد تسلم إيدك يا عصايـة
أشكــرك شكــرًا جــدًا جزيــــلا

عصايه هانم كتب:: ماذا ستفعل أنت الآن؟

هو احنا فى الحقيقة عندنا مفاهيم كتير لازم تتصلح فى المساحة دى (بتاعة السؤال دا و ما شابهه)
احنا بــ شوية طيبة اعتدنا على اننا نقرا موضوع زى دا ، او نتفرج على فيلم وثائقى عن الصراع الصهيونى العربى على الجزيرة ، او نتفرج على النشرة ، و نخرج منها جوانا كل همة و نشاط و حسرة ؛ همة و نشاط اننا هنطير لفلسطين دلوقت و ندور نقتــّل فى الصهاينة ، و حسرة عشان احنا مالناش أجنحة ؛ و بعد خمس دقايق بالشعور دا نعيش حياتنا عادى اللى بياكل ياكل و اللى بيشرب يشرب و اللى بيحب يحب و اللى بيعاكس يعاكس و اللى بيكيّف دماغه بيكيّف دماغه ، و الحياة بوفتيك
يا جماعة الحل مش اننا نصحى م النوم ، كل واحد مننا يلاقى نفسه هيركليز و ياخد سيفه و يطلع يحارب.
و الحل لمشاكل زى دى مش عمل مجموعة ع الفايس بوك و عمل مظاهرة يوم الجمعة بعد الصلاة.
و الحل مش اننا بس ندعى و نقول ورا الخطيب (نحن لا نملك سوى الدعاء)
عشان إسرائيل توصل لإسرائيل بتاعة دلوقت ، و تبقى بالقوة دى ، عملت ايه؟؟
همّ ماتولدوش كدا ، دول كانوا متبهدلين و متبعزقين همّ و كرامتهم آخر بعزقة فى حوارى العالم ..
كان فيه فكــر و كان فيه هدف ، حددوا هدفهم ، فكروا له ، رسموا له خطة ، بدأوا يشتغلوا ..
انا مش فاهم بقى احنا بنعمل ايه ، بنختم كل حديث عن القدس بالسؤااااااال دا .. (هتعمل ايه بقى يا كوتوموتو؟) .. كوتوموتو يقول (هصلى و هدعى و هشرب لبن قبل ما انام) .. و خلاص كدا كل حى عمل اللى عليه
يا جماعة اعقلوا بالله عليكم .. مش هنعمل حاجة و احنا مش عارفين نجيب حكومة نرضى عنها ، مش هنعمل حاجة و احنا مش عارفين ندرس فى كلية او نتعلم فى مدرسة ، مش هنعمل حاجة و احنا مش عارفين نتناقش مناقشة محترمة و نتخاطب بفكرنا مش بكلمة (الناس بتعمل كدا) .. مش هنعمل حاجة و احنا بنضرب بعض عشان ناخد عيش الأول .. مش هنعمل حاجة و احنا مش عارفين نلتزم باننا ندخل المترو من باب الدخول و نخرج من باب الخروج ....
احنا فى حالة بكل أسف ، حالة يرثى لها بقدر خيالى .. فكـّروا ازاى يبقى عندنا نظام و فكر و هدف ، اسعوا لاننا يبقى عندنا نظام و فكر و هدف ، بعد كدا نبقى نمسك القلم الرصاص و نخطط هنعمل ايه ، بس مافيش أرض بتتزرع و هى بور

و آسف على الإطالة

الباش مهندس كتب:: موضوع مهم جدًاااا
بجد تسلم إيدك يا عصايـة
أشكــرك شكــرًا جــدًا جزيــــلا
لا شكر ع واجب يا احمد
و الحياة بوفتيك

(هتعمل ايه بقى يا كوتوموتو؟) .. كوتوموتو يقول (هصلى و هدعى و هشرب لبن قبل ما انام) .. و خلاص كدا كل حى عمل اللى عليه

ههههههههههههههههه

بالرغم من انى لما قريت كلامك ده و ضحكت الا انى فكرت شويه و لقيت ان حالنا فعلا مش ولا بد
و قلت ف نفسى : "بس هنعمل ايه؟؟؟"
بس لقيت انى برده بكرر نفس السؤال اللى الكل بيقوله
و الحل ع ما أظن هو اننا نحاول اننا نرقى بفكرنا شوية
و كل واحد يراعى ربنا ف عمله
و بجد هتتحل كل المشاكل
و آسف على الإطالة

لا لا لا

صحيح انت كلماتك كتير لكن ما حسيتش انها طويله أبدا
لانها مليانه معانى كبيره
شكرا ع الرد الجميل و الهادف مافيش حد يعرف شكل المسجد الاقصي !!!!!!!!!!!!!!!!! 954712

شكرا ع المرور لكل من :

بسمة و دمعة و أروة و جلايد مافيش حد يعرف شكل المسجد الاقصي !!!!!!!!!!!!!!!!! 954712

في الحقيقة انا كنت عارف المعلومة دي

بس شكرا للتوضيح بلإستفاضة يا عصاية

جزاكي الله خيرا

العفو يا حماده مافيش حد يعرف شكل المسجد الاقصي !!!!!!!!!!!!!!!!! 954712

الباش مهندس
عيزة اقولك عمرنا ماهنلاقي شعب كله منظم اكيد في وفي والفكر والهدف فحكومتنا موتت جوانا معني الكلام دة مااعتقدش اننا مش قادرين نعمل حاجة عشان احنا مش منظمين او معندناش فكر وهدف بتهيقلي كل واحد عنده هدف حتي لو هدف صغير اوى
احنا للاسف مش عارفين نعمل حاجة عشان حكومة فاسدة احنا السبب فيها بجد احنا اصبحنا شعب له صوت مكتوم واذان صماء مالناش راي ولو لينا كل واحد بيحتفظ بيه لنفسه لانه عارف انه لو قاله مش هايتسمع
مش عرفة اقولك ايه عندي كلام كتير اوى تعبني بلاش اقوله خليني كتماه لاني عرفة اني مش هاستفاد حاجة لو قولته
انا شايفة ان كل واحد يبدا من نفسه ومالناش غير الدعاء والمقاطعة يمكن الواحد يحس انه بيعمل حاجة

فعلا يا ساره عند حق وانا لسه كاتبه فى موضوع البردعى

واحد من انصاره اتبهدل واضرب واتهان ودخل فى غيبوبه من كتر الضرب
دا واحد اهوا عشان قال رايه شوف حصل ايه
كاننا بنلعب لعبه القط والفار
وكخ يا ولد متعملش كده تانى
وكلام الباش مهندس صح 100 فى 100

اقتباس :: مش هنعمل حاجة و احنا مش عارفين نجيب حكومة نرضى عنها ، مش هنعمل حاجة و احنا مش عارفين ندرس فى كلية او نتعلم فى مدرسة ، مش هنعمل حاجة و احنا مش عارفين نتناقش مناقشة محترمة و نتخاطب بفكرنا مش بكلمة (الناس بتعمل كدا) .. مش هنعمل حاجة و احنا بنضرب بعض عشان ناخد عيش الأول .. مش هنعمل حاجة و احنا مش عارفين نلتزم باننا ندخل المترو من باب الدخول و نخرج من باب الخروج ....

التغير من جوانا الاول وبعدين نبص على حكومتنا الله يحرقهم كلهم

sarah كتب:: الباش مهندس
عيزة اقولك عمرنا ماهنلاقي شعب كله منظم اكيد في وفي والفكر والهدف فحكومتنا موتت جوانا معني الكلام دة مااعتقدش اننا مش قادرين نعمل حاجة عشان احنا مش منظمين او معندناش فكر وهدف بتهيقلي كل واحد عنده هدف حتي لو هدف صغير اوى
احنا للاسف مش عارفين نعمل حاجة عشان حكومة فاسدة احنا السبب فيها بجد احنا اصبحنا شعب له صوت مكتوم واذان صماء مالناش راي ولو لينا كل واحد بيحتفظ بيه لنفسه لانه عارف انه لو قاله مش هايتسمع
مش عرفة اقولك ايه عندي كلام كتير اوى تعبني بلاش اقوله خليني كتماه لاني عرفة اني مش هاستفاد حاجة لو قولته
انا شايفة ان كل واحد يبدا من نفسه ومالناش غير الدعاء والمقاطعة يمكن الواحد يحس انه بيعمل حاجة

فى الحقيقة يا سارة بختلف معاكى
(إنّ الله لا يغير ما بقومٍ حتى يغيروا ما بأنفسهم)
و انتى بتقولى كل واحد له هدف و لو بسيط ، قولى لى ايه هو الهدف بتاع كل مواطن .. يتجوز و يجيب شقة و ياكل لحمة مرة فى الأسبوع !!
مش عايزك برضه تبصى فى تفكيرك على شوية طلبة فى علوم و طب و هندسة و سياسة و اقتصاد ، انا عايزك تبصى ع الشعب كله ..
الراجل دا اللى بيكنس فى الشارع ؛ الراجل دا اللى بيسوق توك توك ، الراجل دا اللى بينادى فى العربية (عتبة ، بهتيم مساكن ، إمبابة ، ..) ، الراجل دا الغفير ، الست دى اللى واقفة بتعمل لنا غدا فى المطبخ ، الست دى اللى بتشتغل عاملة فى مستشفى ..............
فين الأهداف؟ .. نتفرج على فيلم من بطولة الـ بيه و الـ هانم؟ .. نسمع البوم للفنان الرهيب .. نحضر حفلة لحبيب الشباب ؟؟

بخصوص كلامك عن الحكومة ، فهقول لك كلمة غريـــــــبة جدًا ، و ممكن تشوفى انى بقولها فى غير موضوعها ، بس فكرى بتركيز هتلاقى دا موضعها ..
(اطبخى يا جارية ، كلــّف يا سيدى)
ما تحاوليش تقنعينى ان شعب كويس هتحكمه حكومة بالبشاعة دى ، و يكون الشعب برئ و مايستاهلش ان دا يجراله
فيه مرة واحد أ حاول يقتل واحد ب ...
* لما ب كان شجاع قدر مايخليش أ يقتله
* لما ب كان مايستاهلش الحياة ، أ قدر يقتله

مش بقول ان الحكومة مش وحشة ، او ان مالهاش ذنب .. انما بقول ان احنا كمان سبب فى اللى حاصل دا ، و احنا السبب الاكبر كمان ..
و التغيير (اللى احنا المفروض نحلم بيه بجد) مش هييجى بان بس الحكومة تتغير ، لالالالالالا دى تبقى كذبة كبيـــــــــرة قوى !
الصلاح لا بد يتم فى الطرفين مع بعض ..
مافيش واحد بيلعب كورة قدم و هو أعرج
مافيش حد يعرف شكل المسجد الاقصي !!!!!!!!!!!!!!!!! 954712

انا معاك جدااا في الكلام دة ان الصلاح لازم يكون في الطرفين
بس اختلف معاك في هدف كل واحد فينا الاهداف موجودة وكلها دنيوية كل واحد يقدر يكبر هدفه بس هو يلاقي الهدف الصغير بيكبر واشكرك علي الرد

sarah كتب:: بس اختلف معاك في هدف كل واحد فينا الاهداف موجودة وكلها دنيوية كل واحد يقدر يكبر هدفه بس هو يلاقي الهدف الصغير بيكبر واشكرك علي الرد

اختلف معاكى يا سارة
الاهداف اللى عند معظمنا دلوقت هى اهداف أى كائن حى ، و اللى من غيرها يموت أصلا
و حابب اقول لك ان الــ (أهداف) دى مش أهداف ، دى حقووووق
و لو الكلام دا صحيح ، ماكنش الأسد فضل أسد ، و الغزال فضل غزال ، كان الأسد ياكل النبات و الغزال ياكل اللحوم فى عصر من العصور ..
مفهوم الهدف مش عندنا ، هدف كل واحد مننا انه ياخد حقه ، و دا ماسموش هدف ..
الكلام دا بيفكرنى بقصيدة لعلى سلامة اسمها كيس بلاستيك

اقتباس :: من كتر ما الحزن رطرط..
مبقاش خلاص يتحس..
فضلت الأحلام
تتقص.. تتقص.. تتقص..
لحد ما بقت ف النهاية..
رغيف..
وكيس بلاستيك..
وبس..
عارف..
بصحى قلبى..
عشان يحب..
قام بقرف..
وإتلفتلى وبص..
ورجع نام تانى..

اصل طالما الحقوق دي مسلوبة يبقي بقيت حلم لكل واحد فينا

sarah كتب:: اصل طالما الحقوق دي مسلوبة يبقي بقيت حلم لكل واحد فينا

يا سارة افهمينى
اللى بيشتغل على اساس يجيب امتياز بيجيب جيد جدًا
مش المفروض يا سارة يكون حلمنا اننا ناخد حقنا
حلمنا هو اننا نرجع نبقى منارة العالم علميًا
نبقى احنا المثل العليا ليهم
نبقى احنا اصحاب الفضل و اصحاب الكلمة
نبقى احنا اصحاب الحضارة
عايزين الأندلس ترجع
هى دى الآحلام
و عشان الأحلام دى تتحقق ، لازم ناخد حقنا الأول
بس ماينفعش نقول ان حلمنا اننا ناخد حقنا لانه أصلا حقنا

انا فهمتك
بس انت بتتكلم في حاجة صعبة اوى بتهيقلي عيزة سنين عشان تتحقق

sarah كتب:: بس انت بتتكلم في حاجة صعبة اوى بتهيقلي عيزة سنين عشان تتحقق

اقتباس :: مشوار الألف ميل
خطوة تبدأ بطريق
....
كون انت بكل ما فيك
إن كان لك ولا عليك
حاول ، جرّب ، و بتوصل
شرف التجربة يكفيك

من أوبريت الحلم العربى

اقتباس :: مهمةٌ شاقةٌ هى ، و أمرٌ ليس سهلا. لكنّ الصعود إلى قمة جبل إيفرست يبدأ من الأسفل و يكون الصاعد ناظرًا إلى الأعلى و هو لا يكاد يرى القمةَ بوضوح ؛ لكن بعد صعوده يدرك حقيقةً رائعة ، و هى أنّ القمة صارت تحت قدميه.

بقلم أحمد فؤاد مرسى (انا)

و أشكـــرك لمتابعتك يا سارة مافيش حد يعرف شكل المسجد الاقصي !!!!!!!!!!!!!!!!! 954712

اشكرك

يا عصاية على الموضوع المهم فعلا
جالي كذا فلاش على الميل عن الموضوع ده
احيكي على ايقاظ هذه الافكار في عقول الاعضاء ونحن نشهد اسباحه غير مسبوقة لمحرماتنا في فلسطين المحتلة
وضم الحرم الابراهيمي ومسجد بلال بن رباح للتراث اليهودي
واقتحام ساحة الحرم القدسي
وقد نشهد اسوأ يوم يمر في تاريخ حياتنا وهوه هدم المسجد الاقصى في يوم 16 من الشهر الجاري

اما بالنسبة للمناقشة المطولة
فا انا كان نفسي اشترك فيها
ولكن يكفي ان يكون فيها استاذي الباش مهندس
انا موافق راي الراجل ده وعارف دماغه

تحياتي لكم جميعا

» الاقصي ينادينا
» ثلاث فتيات دخلن المسجد بملابس السباحة فانظر ماذا حدث