ممكن نرجع اصدقاء؟؟

مساء الورد علي كل الناس

انا بقالى كتير مش عملت مواضيع جديده وطبعا وحشتنى ردودكم جدا
بس انا النهارده راجعه بسؤال صغير نفسى الاقى اجابه
طبعا انا متاكده جدا ان الصداقه سهل اوى انها تتحول لحب وبتحصل كتير فعلا
بس السؤال ممكن الحب هو اللى يتحول لصداقه يعنى بعد قصه حب ايا كانت قصيره او طويله ممكن الاتنين يتحولو لاصحاب من تانى ؟؟

مش عارفه بس مستنيه ارائكم او حتى تجاربكم

زائر

lor=red]]من وجهة نظرى المتواضعة جدا ان مش ممكن ابدا اتنين كانوا بيحبوا بعض وبينهم مشاعر واحساسيس واحلام كانوا بيحلموها سوا يبقوا اصحاب مستحيل ولو عملوا كدة يبقوا بيضحكوا على نفسهم عشان يفضلوا اريبين من بعض[/size]

انا معاكى يا دمعه

هوا فعلا حصل قدامى كتير من الموضوع دا
بس فالنهايه مش بتستمر الصداقه دى
وبيبعدوا عن بعض نهائيا
معتقدش يا جهاد الموضوع سهل

بجد يا اروى انتى ودمعة
الموضوع ده صعب جدا
بس

هل لو علاقة من طرف واحد ممكن بعد ما كان بيحب شخص معين كحبيب يرجع يحبه تانى كصديق؟؟؟؟؟؟؟؟؟؟؟؟؟؟؟!!!!!!!!!!!!!!!

والله فى الحالة دى اللى يقرر ده المفروض يكون الطرف اللى حب مش اللى اتحب لانه هل هو يقدر يحب الشخص ده كصديق تانى ولا لأ

يمكن الواحد لو الشخص اللي بيحبه طلب منه يبقا اصدقاء
يمكن يوافق علشان يدنه جمبه و ما يبعدش عنه و يقطع معاه
لكن بييجي وقت و بيقف يقول لا مش هينفع
مش هستنى اليوم اللي صديقتي اللي انا بحبها تقولي انا جه واحد اتقدملي
مش هيقدر يستحمل اللحظة ده
صعب اوي والله يا جهاد انا نفسي عشت الحياة ده
و اتعذبت بعدها كتير اوي و كانت ايه النتيجة غير فشل و حياة كرهتها
البعد صعب بس مدة و هتعدي
و ده الاحسن صدقيني

انا مش معاك يا حسن بجد

F@t$$Jo0oe كتب:: يمكن الواحد لو الشخص اللي بيحبه طلب منه يبقا اصدقاء
يمكن يوافق علشان يدنه جمبه و ما يبعدش عنه و يقطع معاه
لكن بييجي وقت و بيقف يقول لا مش هينفع
مش هستنى اليوم اللي صديقتي اللي انا بحبها تقولي انا جه واحد اتقدملي
مش هيقدر يستحمل اللحظة ده
صعب اوي والله يا جهاد انا نفسي عشت الحياة ده
و اتعذبت بعدها كتير اوي و كانت ايه النتيجة غير فشل و حياة كرهتها
البعد صعب بس مدة و هتعدي
و ده الاحسن صدقيني

يعنى انت رايك مش هاينفع يبقوا اصحاب صح؟ ولا انا فاهمه غلط

بيتهيألي صعب يا جوجو

يا جماعة انا رايى ان الموضوع بايديهم هم بس ويختلف من شخص لشخص

ايوة طبعا

انتى ارائكم مختلفه انا بجد مش عارفه الاقى اجابه برضه
هو اكيد صعب بس فى حاله لو هما مينفعش يبعدو يعنى لو كانو مع بعض فى شغل او فى الكليه مثلا
مش عارفه يمكن هما فعلا يبقو اصحاب فى الاول بس عشان مش متعودين ع البعد
بس تفتكرو فعلا مش هيقدرو يكملو كده انا عن نفسى مش لاقيه اجابه
وطبعا اكيد كل شئ بالوقت بيتنسى
وعلى فكره انا بتكلم عن الحب من الطرفين مش طرف واحد

وطبعا بشكركم كلكم على مشاركتكم

كده ممكن اقولك انه صعب مش بس يكونوا اصحاب ده كمان مينفعش يتكلموا مع بعض ولا حتى يسلموا على بعض من رايي

مع احترامى لرايك يا شقى

بس ممكن يبقى صحاب واكتر من الاول وبتختلف من علاقه لعلاقه فلو هم كانوا فاهمين بعض كويس من السهل عليهم يبقى صحاب تانى لكن لو مش فاهمين بعض كويس ده اللى حيبقى صعب جدا عليهم وعلى فكرة كلامى ده عن موقف تقريبا مشابه للموقف ده لناس اعرفهم كويس ورجعوا صحاب تانى بس عشان هم فاهمين بعض كويس وعارفين انهم صحاب بالنسبه لبعض احسن من احباب لانهم وهم صحاب حيكملوا سوا احباب ممكن مش ينفع يكملوا سوا لو بقيت كل حاجه رسمى.

وعلى فكرة مافيش حد يقدر يحكم على الموضوع ده اكتر من اللى فى الموقف يعنى الطرفين
يعنى زى ما شافوا انهم حبوا بعض وكمان رجعوا شافوا ان حبهم ما ينفعش هم كمان اللى يشوفوا اذا كان ينفع يرجعوا صحاب تانى ولا لاء
هو ممكن فى الاول يكون لسه فى مشاعر باقيه وكده بس مع الوقت لو رجعوا صحاب حيرجعوا يبصوا لبعض على انهم صحاب وبس.

» ممكن حد يساعدني
» اى من العبارات ممكن ان تؤثر فيك ??
» ممكن تعمل بيهم ايه؟؟؟
» بابا ....ممكن تضيفني صديق
» 6 حاجات تعلق بيهم البت اللي ممكن تضيع منك