ألبوم الانتخابات

أيام زمان كنت بقول
كل حى عمل له شريط
قدام الجامع هيّص و زيط
بتحتج على إيه يا عبيط؟
داحنا ف بلد الكوسة و القرنبيط !
(بقلم / أحمد فؤاد مرسى)

الكلمتين دول كنت قلتهم بمناسبة النيولوك اللى كان بدأ يظهر فى الانتخابات
كل مرشح يشترى شاعرين و ملحنين و مطربين يعملوا له أغنيتين و يقرفنا احنا بيهم ..

المهم ..
بمناسبة ان اليومين دول الحيطان مناظرها بقت (أوسخ) و الحمد لله
(دا طبعًا لأن فيه انتخابات يعنى)
و معروف انتخاباتنا شكلها ايه ..
سؤالى بقى ، القرف دا كله و الانتخابات ماهياش انتخابات أصلا ، أمال لو كانت انتخابات بجد ، كانوا عملوا ايه؟
و طبعًا بصحى و بنام على أجمل و ألطف و أحلى و أروق و أذوق و .... إعلانات فى الدنيا كلها
اللى بتتذاع ليل نهار على القنوات المصرية
عشان تنشر الوعى السياسى فى المواطنين و المواطنات المصريين و المصريات ، و عشان تحثهم على الـ (تصويت) فى الانتخابات
و ياللى جاى و ياللى رايح ، صوتك يهمنا حتى لو كان رايح
واضح انى خلاص ، على وشك اخرج عن شعورى (اكتر من كدا)
خلونا فى الموضوع احسن ....

فقلت اجمع لكم مجموعة كدا من الأغانى
نسمعها سوا بمناسبة الانتخابات
الأغانى هى ..
1. شرشحتوا البلد غناء سيمون عبيد ، نادر خورى
2. هنـّيك غناء زياد الرحبانى
3. أنا وطنى غناء حسن كامى
4. اخترناك غناء شوية ناس
5. الحزب الوطنى غناء لـؤى
6. من أجلك انتَ غناء شعبان عبد الرحيم

للتحميل اضغط هنا