مفيش حاجة

موضوع: مفيش حاجة الإثنين يوليو 19, 2010 9:19 pm

مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة

وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة

و بعد الشر بعد الشر لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة
وناس بتموت علشان حاجة
وناس بتموت على الحاجة

وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة

وناس تكبر تكون حاجة
و ناس تصغر علشان حاجة

وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟

كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة

لأنى لو هقول حاجة
هييجى ناس بتوع حاجة
وياخدونى ورا الحاجة

وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

بقلم الشاعرة إيمان بكرى

موضوع: رد: مفيش حاجة الإثنين يوليو 19, 2010 10:05 pm

ههههههههههههههه
جميلة بجد يا باش مهندس laugh

موضوع: رد: مفيش حاجة الثلاثاء يوليو 20, 2010 4:33 pm

أشكر لكِ المرور يا سروئة smile

موضوع: رد: مفيش حاجة السبت يوليو 24, 2010 10:59 am

الله يخربيت شيطانك يا احمد

فكرتني بقصيدة البتاع
تحياتي

موضوع: رد: مفيش حاجة الأحد يوليو 25, 2010 12:13 am

حلوة اوووى وعجبانى القصيده ديه من زمان

لان سمعت واحده بتلقيها قبل كده

بجد تسلم ايدك

ويا ريت لو الشارة ديه ليها قصايد ساخرة تجيبها لينا

لان انا باحب النوع ده اوووى

ممكن

موضوع: رد: مفيش حاجة الأحد يوليو 25, 2010 4:01 pm

أسامة
أشكر لك المرور
_______________
سهير
شرفنى مرورك
و أكيد ممكن
إن شاء الله أجيب قصائد للشاعرة إيمان بكرى
و مبدئيًا لو حابة تسمعى قصيدة مافيش حاجة ، اتفضلى
دا لينك لفيديو ليها

موضوع: رد: مفيش حاجة الأحد يوليو 25, 2010 10:17 pm

جميلة يا أحمد بجد

تسلم ايدك مفيش حاجة 38193

أحب بس أضيف ان القصيدة دى من أشهر قصائد الشاعرة إيمان بكرى مفيش حاجة 954712

شكرًا ليك يا أحمد
أضفت رمز شعر جديد للقسم .. مفيش حاجة 343474

ــــــــــــــــــــــ
ده لينك ليكِ يا سهير لو عاوزة تعرفى أكتر عن الشاعرة إيمان بكرى مفيش حاجة 954712

اضغط هنا

موضوع: رد: مفيش حاجة الأحد يوليو 25, 2010 10:47 pm

الباش مهندس كتب:: أسامة
أشكر لك المرور
_______________
سهير
شرفنى مرورك
و أكيد ممكن
إن شاء الله أجيب قصائد للشاعرة إيمان بكرى
و مبدئيًا لو حابة تسمعى قصيدة مافيش حاجة ، اتفضلى
دا لينك لفيديو ليها

تسلم يا باشمهندس وشكرا على المتابعه
بس عل فكرة البنت اللى سمعتها بتقولها كانت بتقولها احلى من كده

موضوع: رد: مفيش حاجة الأحد يوليو 25, 2010 10:50 pm

عصايه هانم كتب:: جميلة يا أحمد بجد

تسلم ايدك

أحب بس أضيف ان القصيدة دى من أشهر قصائد الشاعرة إيمان بكرى

شكرًا ليك يا أحمد
أضفت رمز شعر جديد للقسم ..
ــــــــــــــــــــــ
ده لينك ليكِ يا سهير لو عاوزة تعرفى أكتر عن الشاعرة إيمان بكرى
اضغط هنا

تسلمى يا عصايه

موضوع: رد: مفيش حاجة الأحد يوليو 25, 2010 10:56 pm

sohair كتب:

الباش مهندس كتب:: أسامة
أشكر لك المرور
_______________
سهير
شرفنى مرورك
و أكيد ممكن
إن شاء الله أجيب قصائد للشاعرة إيمان بكرى
و مبدئيًا لو حابة تسمعى قصيدة مافيش حاجة ، اتفضلى
دا لينك لفيديو ليها

تسلم يا باشمهندس وشكرا على المتابعه
بس عل فكرة البنت اللى سمعتها بتقولها كانت بتقولها احلى من كده

الفيديو اللى انا جايبه يا سهير بتاع الشاعرة نفسها
دا إلقاء الشاعرة كاتبة القصيدة
ممكن تكونى انتِ شفتِها لبنت تانية بقى

موضوع: رد: مفيش حاجة الأحد يوليو 25, 2010 11:10 pm

اه ما انا عارفه انه للشاعرة ايمان بكرى
البنت اللى انا شوفتها بنت معانا فى الكليه
بس هى ليها طريقه حلوة اوووى وصوتها حلو وهى بتلقى الشر ده اللى عجبنى
وعلى فكرة انا سمعت كذا قصيده كمان غير القصيده ديه
تسلم ايدك

» مفيش اكتر من كدة رخامة .. شوفوا بنفسكم
» ابيات شعر جامدة اخر حاجة
» ايه اكتر حاجة مضيقاك
» محامي دماغه جامدة اخر حاجة