حبيبي اسمع حسنين هيكل مستشار عبد الناصر حبيبك هيقوللك ان الثورة كانت بمباركة من المخابرات الامريكية مش دول رأس مالي .....بس اسمع بس !!!!
بمباركة من المخابرات الأمريكية؟؟
بدليل انهم كانوا عاوزين يغتالوه .. مش كده؟؟
"جون ماركس" اعترف فى شهادته ان المخابرات الأمريكية حاولت اغتيال جمال تلات مرات
طب زمان و حاولوا يغتالوه و يقتلوه ماديًا
و دلوقت و بيحاولوا اغتيال ذكراه و تاريخه معنويًا بالتشويه و التشويش
تشويه صورة جمال و التشويش على انجازاته
نسيبهم يفلتوا بفعلتهم دى؟؟
آه .. عادى .. ماهه احنا أصلاً "شعب مضحوك عليه"
تأسيس المخابرات المصرية
- osamakhayyal كتب:
- بالنسبة لتأسيس المخابرات.....الموضوع ربما يجعلني اضحك حتى نهاية هذا اليوم السعيد... حقا اسسها ؟؟؟؟ونعم التأسيس اسسها على البر والتقوى !!!!
اسسها على صلاح نصر الذي كان يجند الممثلات والفنانات ليوقع بهم الرجال المسؤلين المهمين ويصورهم معهم لبيتزهم فيما بعد وان لم تصدق اقرأ مذكرات اعتماد خورشيد والتي تشهد على فساد صلاح نصر !!!!
[right][right]جمال أسس المخابرات و صلاح نصر رأسها و حقق انجازات كتير أوى
بس للأسف كان صلاح نصر فاسد و لما جمال عرف بده عمل الآتى :
أمر الرئيس المصري جمال عبد الناصر باعتقال صلاح نصر وقدمه للمحاكمة وأدانه في قضية انحراف المخابرات بالسجن لمدة 15 سنة وغرامة مالية قدرها 2500 جنيه مصري، وحكم عليه أيضا لمدة 25 سنة في قضية مؤامرة المشير عبد الحكيم عامر.
فين خطأ جمال هنا؟؟
مواطن عادى
يوم توفى جمال عبد الناصر مالقوش ف خزنته الا 4 آلاف جنية مصرى
و هدى بنته كانت بتشتغل سكرتارية بمرتب : 36 جنية
و منى بنته التانية كانت شغّالة بمرتب : 32 جنية
ف الوقت اللى كان زمايلهم ف نفس العمل بياخدوا : 100 جنية
يوم اتخرّجت بناته من كلياتها كان لازم يشتغلوا
جمال ماكانش عارف يشغّلهم فين
تخيّلوا !!!!!!!!!
و قال ايه لما اتخرّجوا؟؟
قال : أنا ما أقدرش أكلّم وزير ولا رئيس مؤسسة عشان يشغّلهم عنده, و ماينفعش أسيبهم للظروف الطبيعية برده لان الناس هتتسابق عليهم و دى مفسدة ليهم ف السن ده
ثورة 23 يوليو .. مسئولية من؟؟
"إن الذين يتصورون أن الثورة ثورتان و أن العهد عهدان يقعون فى خطأ كبير"
هكذا وقف الرئيس أنور السادات أمام مجلش الشعب و قالها بالحرف
و لم يتوقف السادات عن القول (وبطريقة قاطعة) بأنه مسئول مع عبد الناصر فى كل قرار
و حين قدّم السادات نفسه للأمة بعد عبد الناصر لرئاسة الجمهورية فلقد كانت أول كلمة قالها :
"لقد جئت إليكم على طريق عبد الناصر"
ماهه طبعًا .. السادات نفسه كان يعتبر الرئاسة التانية فى معظم عهد جمال عبد الناصر
(ف الفترة اللى كان فيها نائب الرئيس)
طبعًا أنا مش بتشفّع لأخطاء جمال و بقول ان السادات شاركه فيها
أنا بس حبّيت أجيب الجزئية دى عشان أبيّن ان السادات كان من أكتر الناس المقدّرين لجهود جمال
فيه جملة قريتها ف كتاب ضايقتنى أوى و هى كانت تنبؤ للناس اللى شهدوا الهجوم على عبد الناصر بعد موته
اتنبأوا ان أجيال المستقبل هتدافع عنه و قالوها ف الجملة دى :
"تلك شهادة عبد الناصر.
رواسب الماضى تحاربه و طلائع المستقبل تحارب معه!"
يبقوا ييجوا يشوفوا حالنا دلوقت كده و يشوفوا طلائع المستقبل
رئيس دولة و لم يتدخّل فى حكم قضائى واحد!!!
كان لدى جمال عبد الناصر هذا الإحساس العميق بقدسية العدل
فلم يتدخل فى حياته فى حكم واحد من أحكام القضاء
حتى انه كان بيبقى محرج جدًا لما بتوصل له برقيات من الملوك بيرجوه بانه يتدخل ف حكم قضائى
و كان بيضطر للاعتذار آسفًا
كان بيقول :
"أنا أريد أن أجامل الرجل ف أى شىء يطلبه منى .. لكنه قصدنى حيث لا أستطيع أن أجيب طلبه , ولا أعرف كيف أرد عليه , و هل يصدّقنى إذ قلت له أننى لا أستطيع التدخل فى أعمال محكمة شرعية ؟؟ و كيف أتدخل؟!"
[/right] جمال مالهوش يد ف اللى صلاح بسيونى قاله أو اللى شمس عابدين عمله
جمال لا يتدخل ف الأحكام القضائية
و إن وصل له فساد حد من دول كان هيحاكمه بالتأكيد
و الدليل .. محاكمة شمس بدران
لما جمال عرف بفساد شمس بدران و اللى عمله ف السجون قرر محاكمته عسكريًا
مش عارفة أقول ايه تانى
رأيه بين زملاءه من الضباط الأحرار
لما الضباط الأحرار اتجمّعوا لتقرير مصير الملك
كان رأيهم أن يتم إعدام الملك بعد محاكمته
و هنا جمال رأيه كان مختلف عن جماعته .. فقال :
"ماهو معنى أن نحاكم الملك و نعدمه؟؟
إذا كنا قد قررنا سلفًا أن نعدمه فلماذا نحاكمه!!"
ثم يستطرد بعد ذلك بصوت مشجون بالعاطفة :
"اسمعوا .. إنى أقول لكم جميعًا أن الدم لا يؤدى إلى المزيد من الدم .
هل قرأتم كتاب تشارلز ديكنز : قصة مدينتين ؟؟
علينا أن نتعلّم درس الثورة الفرنسية و إلا ما فائدة التاريخ؟؟"
زيادة عدد سجناء المعتقلات فى عهد جمال
لما فيه ناس راحت تناقش جمال و تنبّهه ان عدد السجناء زاد إلى حد كبير
رد و قال ايه؟؟
قال : "بقوا دلوقت 7 آلاف مع الأسف , و أنا عارف .. لكن أعمل ايه؟؟
لقد كان بين خطط التنظيمات السريّة اللى تم القبض عليها خطط بنسف كبارى و جسور و خطط للقيام بعمليات اغتيال
و لقد وافقت على القيام باعتقالات واسعة (أخذًا بالحوط) لانى لا أستطيع أن أقبل بدمار البلد
ثم إن البلد فى وضع لا يتحمل أن يحتكم بعض الناس إلى المسدس , يغتالون به من يخالفونهم ف الرأى"
نكسة 67
جمال عد الناصر مسئول عما حدث فى 67 و قد قبل هو بتحمل كل المسئولية فيما جرى و صارح بذلك شعبه و أمته و طلبوا منه بأن يبقى .. لقد خسرنا معركة ,و لكن الحرب مستمرة
و هنا جمال اخفق لسببين :
1/ الخطأ فى حسابات إغلاق خليج العقبة
2/ الخطأ فى ترك المشير عبد الحكيم عامر يقود المعركة لانه (عمليًا) لا يستطيع أن يقود المعركة
مش هتكلّم عن ردود الأفعال بعد النكسة انتم عارفينها كويس
بس تعالوا نبص بصة لشعب مصر
أول ماحصلت الهزيمة كان شعورنا بالمهانة كبير و ده كان هدف الدول الأجنبية
مافيه كتير أمم اتهزمت قبلنا ف معارك و لكنها ما اعتبرتش هزيمتها أبدًا هزيمة حرب .. بل اعتبرتها هزيمة معركة و كانت تزداد بعد كل هزيمة تصميم (مستعدة أجيب أمثلة)
الا احنا .. الشعب الوحيد اللى دايمًا بيخزل وطنه
ياريت نبص للموضوع من ناحية تانية
هل تصدق الصين ما يقال الآن عن عبد الناصر؟؟
و أمريكا؟؟؟؟ و أوروبا؟؟؟
ده إذا كانت مجلة تايم الأمريكية نفسها (لسه عارفة الموضوع ده قريب) نشرت تحقيقًا صحفيًا مليئًا بعلامات الاستفهام ,تتعجب .. كيف أن جمال عبد الناصر أرفع ما يكون مكانة فى العالم العربى كله خارج مصر ... و أما فى مصر .. لإإن سمعته يجرى تمريغها ف التراب !!!!!!!!
لقد كانت تجربة عبد الناصر (بإيجابياتها و سلبياتها) تجربة مصرية عربية أصيلة
و مناقشتها حق , لكن إدانتها الشاملة على هذا النحو الذى يجرى فى مصر و بالوسائل و الأساليب التى يتم بها ذلك فى مصر .. لا يصح
و يبقى اعتقادى أنه لا يصح إلا الصحيح
فليست هذه مصر .. ولا يمكن أن تكون هذه هى مصر .. و هى بالفعل ليست مصر
احنا عارفين ان جمال دلوقت كانسان بعيد عن كل ده .. فى رحاب الله .. لا يمسه من هذه الدنيا سوء
انما كل حديثى هذا إلا توضيح لأبناء شعبى
انتقدوا براحتكم أخطاء الرؤوساء لكن ماتنكروش ان كان ليهم إنجازات كبيرة
ماتنكروش انهم كانوا رموز لحكّام الشعب حبّهم
اللى مضايقنى انكم حتى ف انجازاته بتنتقدوها
و ليه؟؟
عاوزين نحط ايدنا ف ايد بعض و نقول ان دولتنا أعظم دولة
و نفخر بالناس اللى حكمتنا و خلّصتنا من الاحتلال
و نرفع راسنا لفوق أوى لما نعرف ان واحد زى جمال قدر يعمل السد العالى برغم من ان الدول كلها حاولت منعه
و نرفع راسنا كمان لما نعرف ان واحد زى السادات خلّى بلد زى اسرائيل تعمل ألف حساب لمصر
مانجيش نهينهم و نقول : لا .. دول مش رموزنا
يبقى يا فرحة دول برا فينا
فكّروا تانى و بصوا للموضوع بعين جديدة
................
تعالوا نشوف من أكتر من نصف القرن كان تفكير الشعب ازاى
(ف رأيى تفكيرهم صح)
فى 18 اكتوبر 1950 , اتفق فريق من أقطاب المعارضة السياسية فى مصر على كتابة رسالة إلى الملك فارق هذا نصها : (أوردت هنا الجزء اللى أنا محتاجاه بس)
"من المحزن أنه ترددت على الألسن و الأقلام داخل البلاد و خارجها أنباء هذه المساوىء و غيرها من الشائعات الذائعات التى لا تتفق مع كرامة البلاد .. حتى أصبحت سمعة الحكم فى مصر مضغة فى الأفواه .. و أمست صحافة العالم تصورنا فى صورة شعب مهين .. يُسام الضيم فيسكت عليه .. بل ولا ينتبه إليه .. و يُساق كما تساق الأنعام .. و الله يعلم أن الصدور منطوية على غضب تغلى مراجله و ما يمسكها إلا بقية من أمل يعتصم بها الصابرون"
(كانت هذه المساوىء و التى ذكرت فى أول الرسالة .. هى فساد الحكم فى مصر)
هنا ما هاجموش الحكام , انما كتبوا رسالة سرية للملك عشان ماتبقاش سمعة البلد ف الأرض
أنا بقى بطالب باننا نحافظ على سمعة بلادنا
بس كده ...
................
الختام
هكذا .. فإن الإنسان فى عبد الناصر مع ربه
و التجربة لشعبها
و التاريخ مسئولية أجيال قادمة
جمال عبد الناصر كان رجلاً .. تحمّل مسئوليته بشجاعة و تقبّل الحساب عنها فى كبرياء
و مثّل كرامة و إرادة أمة بأسرها ف يوم من أحلك أيامها
و أصاب مرات و اخطأ مرات أخرى
لكنه حارب طول الوقت بإيمان و يقين
و لم يستسلم حتى النفس الأخير .. و هكذا يفعل الرجال ..
الأحد يوليو 25, 2010 7:29 pm
سلاااااااااااام