حوار بين جدة وحفيدتها فى سنه 2080

بسم الله الرحمن الرحيم

حفيدة في سن المراهقة (14 سنة) تجلس مع
جدتها
(70 سنة)
ويدور بينهما هذا الحوار

الحفيدة : تيته ميرو إزيك..بقى لي زمان ما
قعدتش معاكي
الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني

الحفيدة : ومابتفتحيش الدش ليه يا تيته
الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما
بعرفش أغير المحطات

الحفيدة : وإيه الحلاوة دي؟ حلو البادي اللي انتي
لابساه ده..بس ده موضة قديمة قوي ياتيته

الجدة :أبداً ده هو ده اللبس المحتشم اللي
مفروض الكل يلبسه ويحافظ عليه..فين أيام زمان
لما كنا نلبس البادي اللي مبين البطن والظهر
بس، مع البنطلون السترتش الجلد …كانت حاجة
آخر روشنة
الحفيدة : ياه يا تيته.. ده انتوا كان ليكم تقاليد
غريبة خالص
الجدة : وهو انتي فاكرة إن أيامكم دي أيام؟
يا بنتي أيامكم دي ما يعلم بيها إلا ربنا .. فين أيام
سنة 2005 هي الواحدة فينا كانت تستجري
تشرب سيجارة البانجو ولا تسحب لها سطر بودرة
قدام أبوها؟
طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق

الحفيدة : معقول يا تيته؟ للدرجة الفظيعة دي!!؟

الجدة : أمال انتي فاكرة إيه .. وبعدين كانت الست
من دول ما تلبسش اللبس الخليع بتاع اليومين
دول..يعني الجيبة كان ما يقلش طولها عن شبر
ربع .. وكانوا الستات يلبسوا فوقيها بلوزة
باستمرار ..مش زي دلوقتي!
الحفيدة : يا خبر .. وإيه كمان ياتيته
الجدة : ح أقول لك إيه ولا إيه يعني خدي عندك
مثلاً
زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن
الحفيدة : حكاويكى ممتعة قوي يا تيته .. ثانية
واحدة بس لما أصحي سمسم صاحبي فى
المدرسة لأنه بايت معايا في الأودة من
امبارح ..أصل الإنسان الآلي بتاع
الصحيان بايظ ولازم نصلحه النهاردة
الجدة : طيب ياحبيبتي روحي

(بعد عدة دقائق)

الحفيدة : هيه يا تيته.. وبعدين؟
الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا
فيه؟
الحفيدة : 70 مليون بس؟

الجدة : أمال إيه .. عشان كده كانت كل حاجة
رخيصة ، يعني مثلاً كيلو اللحمة يوم ما يضربه
الدم كان يبقى بخمسة وعشرين جنيه أو بتلاتين
جنيه، وكان أتخن جوز جزمة بـ 250 جنيه، وكان
الواحد يقدر يشتري شقة تمليك بـ150 ألف جنيه
بس..وكان الدولار بخمسة جنيه بس.. تخيلي
بقى؟
الحفيدة : ما هو علشان كده الجواز على أيامكم
كان سهل خالص، إحنا بقى خلصنا من العُقد دي
الجدة : أُمال إيه .. ده احنا الواحدة مننا كانت
بمجرد ما توصل سن 17 سنة تبتدي تفكر في
الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفة
إن ده أوفر شوية، ده احنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، طب ده باباها كان ممكن ساعتها يخاصمها

الحفيدة : ياي! ده انتوا كنتوا متزمتين خالص ياتيته
الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن
محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف
مش على ركبته زي دلوقتي
..
هيـ يـ يـ يـ ـه الله يرحم دي أيام.. فكرتيني بالذي
مضى

sohair كتب:: الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني

الحفيدة : ومابتفتحيش الدش ليه يا تيته
الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما
بعرفش أغير المحطات

مبالغة

sohair كتب:: الجدة : ح أقول لك إيه ولا إيه يعني خدي عندك
مثلاً
زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن
الحفيدة : حكاويكى ممتعة قوي يا تيته ..
هيه يا تيته.. وبعدين؟
الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا
فيه؟

مبالغة .. مبالغة .. مبالغة

فيه مبالغات كتير أوى ف الحوار اللى فوق ده حوار بين جدة وحفيدتها فى سنه 2080 549736

المبالغات دى بتفكّرنى بالبرامج الكوميدية اللى زادت أوى اليومين دول حوار بين جدة وحفيدتها فى سنه 2080 963190

ما أظنش ان ف المستقبل هيكون الفصل أزيد من 70 أو 80 طالب حوار بين جدة وحفيدتها فى سنه 2080 783560

(هيحطّوهم فين بقى؟؟) حوار بين جدة وحفيدتها فى سنه 2080 701887

و لو أنا كنت الجدة دى ماكنتش هقول أبدًا ان عمرو دياب و تامر دول الفن الأصيل
و إن شاكيرا سيدة الغناء حوار بين جدة وحفيدتها فى سنه 2080 678292

ـــــــــــــــــــــــــــــــــ

بعيدًا عن كل كلامى اللى فوق ده .. جميل موضوعك يا سهير .. تسلم ايديكِ
حوار بين جدة وحفيدتها فى سنه 2080 954712

بجد حلو الموضوع بس فعلا فيه مبالغه واحسن حاجه المذيعين بيقعدوا علي ركبه الضيف من قله الكراسي يعني
شكرا علي المجهود clapping

تسلموا عصايه وفاطمه على الردود والتعليقات الجامده

بس على فكرة الموضوع للضحك مش اكتر

جاااااااااااااااااااااااامدة جدا جدا جدا يا سهير

هي فعلا فيه مبالغة شوية

بس اهي حاجة تضحك وخلاص

ان شاء الله مصر هتكون احسن من كدا في 2080

ان شا الله يا حماده

وشكرا لمرورك

نورت الموضوع

7ASSO كتب:: جاااااااااااااااااااااااامدة جدا جدا جدا يا سهير

تسلم يا حاسو

وشكرا عل مرورك

نورت الموضوع

التوبيك جااااااااااااااااامد اخر حاجة بس فيه غلطة واحدة بس
طبعا العالم اللى فاتت دى مش بدقق الا فى الحاجات الفاضية
هههههههههههههههههههههههههههههههههههههههههههههههههه
بهزر طبعا
انتى بتقول الجدة عندها 70
ووانتى بتتكلمى على سنة 2080
ايه بقى اللى جاب سنة 2005 وهى كانت لسه متولدتيش
غير كده انا مش متوقع ان المستقبل هيتغير للاحسن الا اذا اراد الله
وده مش كلامى راجعوا حديث النبى عن ايامنا دى
الدنيا هتعدل بعد موت المسيح الدجال

عليه الصلاه والسلام

والله يا جماعه الموضوع للضحك مش اكتر

وشكرا يا شقى للمرور
نورت

» حوار ذكى بين رجل و امراه
» حوار بين طبيب ومريض
» حوار هادى جداااااااااااااااااااااااااا
» حوار بين اتنين مخطوبين
» حوار بين السنات والسيئات ..