نصيحه لو سمحتم

السلام عليكم ورحمه الله وبركاته
انا عارفه ان ده مش المكان الصح بس انا محتاجه نصيحه انا لسه مخلصه ثانوى السنه دى وعايزه ادخل علوم بيولوجى بس خايفه كل اما اسال حد يرعبنى منها ويقولى مش هتنجحى اصلا فيها انا عايزه اعرف هى صعبه بالطريقه الرهيبه دى وهى موادها بتكلم عن ايه واعرف انا همشى فيها ولا لا ازاى بعد اذنكوا ممكن تنصحونى ف الموضوع ده عشان انا حيرانه وخايفه وكل اصحايى واهلى بيقلولى ادخلى تربيه وسيبى علوم دى صعبه جددددددددددددددا

اهلا بيكي يا هدايه ف المنتدي نورتينا

بصي هي علوم مش صعبه بالطريقه اللي اتقالتلك دي بس محتاجه مذاكره اول بأول علشان لو اهملتي مش هيبقي كويس وممكن لقدر الله ترسبي

وكمان طالما انتي حابه انك تدخليها يبقي هتمشي فيها ان شاء الله

وبعدين هي كليه جميله بس عايزه مذاكره وفيها مجالات كتير للشغل بعد ماتخلصي دراسه

وبعدين موادها طالما هتدخلي بيولوجي هيبقي المواد عباره عن حيوان ونبات وكيمياء وفيزياء ورياضه ومواد تانيه الكلام ده في اول سنه

اما تانيه كليه مش هتاخدي رياضه ولا فيزياء بس هيبقي معاكي حيوان ونبات وكيمياء ده اساسي

وكل ماده بتنقسم الي عده فروع يعني مثلا الحيوان مش فرع واحد بس لا ده فيه هستولوجي ( علم الانسجه ) وفيه تقسيم مملكه حيوانيه ( يعني انك تصنفي الحيوانات ) وفيه فرع اسمه فسيولوجي وفيه حشرات وغيرها

يعني من الاخر اقصد ان كل ماده كذا فرع هتدرسيهم علي مدار الاربع سنين

الاول انتي اختارتي قسم بيولوجي ده ف اولي كليه

بس التخصص النهائي بيبقي بعد ماتخلصي تانيه كليه علشان كده لازم تجيبي تقدير ف تانيه علشان تدخلي القسم اللي انتي عايزاه

مثلا زي قسم biochemstry او ميكرو بيولوجي او قسم كيمياء حيوان او قسم كيمياء نبات وغيره من الاقسام بس الكلام ده بعد تانيه تختاري القسم اللي انتي هتحبيه وده هتقدري تعرفيه بعد اول سنتين هتعرفي ايه اكتر مواد بتحبيها وماشيه فيها وبالتالي تختاري تحددي القسم بناء علي ذلك

ولو عايزه اي سؤال تاني ياقمر ابقي ابعتيلي

شكرا اووووووووووووووووووووي
معلش عندى سؤال تانى هو لو الواحد عايز يشتغل ف الطب الشرعى بيدخل ايه ف علوم بظبط؟

اهلا بيكة هداية وان شاء الله هتلاقى اجابة لكل سؤال يخطر فى بالك ان شاء الله
عشان تشتغلى فى الطب الشرعى وبعد الوسطة
اقرب قسم ليكى هو biochemstry وده بتدخلى سنة اولى علوم بيولوجى وتانية هكذا وبتتخصص فى 3 كيماء حيوى

اما بالنسبة للكلية فهى صعبة اوووووووووووى بالنسبة للى داخل بدون هدف ومش بيجتهد ولا بيدى الكلية حقها
وكمان ياما ناس شافت صعوبات كتيررة فى الكلية وواجهتها ودلوقتى هم متفوقين
انا اعرف واحد صاحبى كان دبلر(راسب) سنة اولى ودلوقتى هو الاول تراكمى وجاااب سنة 2 امتياز و3 امتياز
عشان كده لما تسالى اسالى حد شاف واجتهد فى الكلية عشان يحكم بصراحة انما معظم اللى بيقول كده من غير ما يجرب يظلم صاحب السؤال
واحنا مش بنحببك فى حاجة انتى مش عايزاها انما احنا بنحاول نوضحلك الصورة اللى ممكن تكون مش واضحة عندك
ان الدكاترة مجانين والمواد صعبة ومفيش ضحك ومفيش خروج من البيت وكده ..........................الخ
احنا مستنين اسئلتك وان شاء الله نقدر نجاوب عليها
وشكرا هبة انك تواصلتى معاها فى اقرب وقت وده المتوقع منك اكيد

هدايه سمير كتب:: السلام عليكم ورحمه الله وبركاته
انا عارفه ان ده مش المكان الصح بس انا محتاجه نصيحه انا لسه مخلصه ثانوى السنه دى وعايزه ادخل علوم بيولوجى بس خايفه كل اما اسال حد يرعبنى منها ويقولى مش هتنجحى اصلا فيها انا عايزه اعرف هى صعبه بالطريقه الرهيبه دى وهى موادها بتكلم عن ايه واعرف انا همشى فيها ولا لا ازاى بعد اذنكوا ممكن تنصحونى ف الموضوع ده عشان انا حيرانه وخايفه وكل اصحايى واهلى بيقلولى ادخلى تربيه وسيبى علوم دى صعبه جددددددددددددددا

وعليكم السلام ورحمة الله وبركاته

اكيد انتى فى المكان الصح ان شاء الله

اظن ان الاعضاء جاوبكى على كل الاسئلة حتى الآن

احنا معاكى هنا هندلك على الطريق خطوة خطوة

احنا مستنين اي سؤالك منك ؟؟؟؟؟

بجد انا مش عارفه اشكركم ازاى جزاكم الله خيرا ع انكم ريحتوا قلبى
هى كيمياء حيوى دى هى كيمياء عضويه صح ؟
وهو احنا هناخد البيولوجيا الجزيئيه اللى كنا بنخدها ف الاحياء ؟
معلش انا عارفه انى بتقل عليكوا بس اصلى حبه اوى اعرف كل حاجه عن الكليه اصلها عجبانى

هدايه سمير كتب:: بجد انا مش عارفه اشكركم ازاى جزاكم الله خيرا ع انكم ريحتوا قلبى
هى كيمياء حيوى دى هى كيمياء عضويه صح ؟
وهو احنا هناخد البيولوجيا الجزيئيه اللى كنا بنخدها ف الاحياء ؟
معلش انا عارفه انى بتقل عليكوا بس اصلى حبه اوى اعرف كل حاجه عن الكليه اصلها عجبانى

شكرا على واجب هداية

كيمياء حيوى غير الكيمياء العضوية

الفرقة الاولى بتاخدى:

شكل ظاهرى _الخلية وتشريح النبات1

فسيولوجى _انسجة و خلية و اجنة 1

تحليل رياضى1

كيمياء غير عضوية وفيزيائية عامة أ

حرارة وخواص مادة1

لغة اجنبية1

ضوء 1

كيمياء فيزيائية عامة ب وعضوية 1

جبر وهندسة تحليلية 1

المملكة الحيوانية1

تقسيم مملكة نباتية و فسيولوجيا النبات 1

حقوق الانسان

الفرقة التانية بتاخدى:

ميكروبيولوجيا 1والطحالب 2

كيمياء فيزيائية 1أ وكيمياء غير عضوية 3

لافقاريات وحشرات 2

تشريح نبات 2

مقدمة فى البرمجة2

لغة اجنبية 2

كيمياء عضوية 2-3

كيمياء تحليلية 1وفيزيائية أ ب ج

مناعة (مدخل )و وراثة 2

حبليات2

تصنيف زهرى و نبات اقتصادى 2

بيئة نباتية و وراثة نباتية

هدايه سمير كتب:: بجد انا مش عارفه اشكركم ازاى جزاكم الله خيرا ع انكم ريحتوا قلبى
هى كيمياء حيوى دى هى كيمياء عضويه صح ؟
وهو احنا هناخد البيولوجيا الجزيئيه اللى كنا بنخدها ف الاحياء ؟
معلش انا عارفه انى بتقل عليكوا بس اصلى حبه اوى اعرف كل حاجه عن الكليه اصلها عجبانى

سنة تالتة بقى حسب التخصص

لو انتى هتدخلى كيمياء و كيمياء حيوى زى مانتى عايزة

هتخدى:

كيمياء عضوية4-5_كيمياء تحليلية2

كيمياء حيوية4-كيمياء حيوية5

كيمياء حيوية3

كيمياء غير عضوية4 _كيمياء فيزيائية2

لغات برمجة3

لغة اجنبية3

كيمياء حيوية8

كيمياء حيوية6-كيمياء حيوية7

كيمياء عضوية6-7 _كيمياء تحليلية3

كيمياء غير عضوية5_كيمياء فيزيائية2

ورابعة برده هتاخدى

كيمياء عضوية(8-9)

كيمياء فيزيائية(3) _كمياء غير عضوية(6) وتحليلية(5)

انزيمات_ايض ومسارات ايضية

ميكروبيولوجيا تطبيقية_ميكروبيولوجيا التربة

بحث ومقال

كيمياء عضوية(10-11)

كيمياء فيزيائية(3)_كمياء غيرعضوية (7)وتحليلية(6)

فلورا جغرافيا نباتية_امراض نبات

فسيولوجيا الكائنات الدقيقة_وراثة وهندسة وراثية

لا شكر ع واجب يا هدايه وربنا يوفقك

انا ماعملتش حاجه الشقي اللي جاوب معظم اسئلتك ي قمر

مشكورررر محمد

هبه احمد كتب:: لا شكر ع واجب يا هدايه وربنا يوفقك

انا ماعملتش حاجه الشقي اللي جاوب معظم اسئلتك ي قمر

مشكورررر محمد

يكفى وصولك بدرى وافادتك للعضوة قبل اى احد من الادارة

احنا بجد مشكورين لتجاوبك السريع

2na Lsa d5la ola w msh 3rfa 2d5ol 3loom fzya2ya wla 3loom 2rd

2na Lsa d5la ola w msh 3rfa 2d5ol 3loom fzya2ya wla 3loom 2rd

esraa fathy كتب:: 2na Lsa d5la ola w msh 3rfa 2d5ol 3loom fzya2ya wla 3loom 2rd

اسف بجد اولا على التاخير
وثانيا اهلا بيكى فى المنتدى
واخيرا
القسم ده بيتحدد حسب رغبة وقدرات الطالب
اسالى عن المزايا وعيوب الاقسام
واعرفى كل حاجة عن القسمين ويعدين حددى ولسه بدري قدامك 15 يوم