ضحك فى ضحك

ضحك فى ضحك
واحد (ندل) فتح شركة بيبسي ، كتب على كل زجاجة ((رج جيدا قبل الفتح))
………………………………………………….
كلب بيقول لواحد صاحبه
هو
قاله هو
قاله هو
قاله هو
قاله هو هو
قاله لو سمحت ماتغيرش الموضوع
………………………………..

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
…………………………………………

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تبقى اسم عالم ذرة
التاني قال له غلب حماري
راح الأول قال له: الدولة هي قطر ولما تحط نقطة حتصير قطز
راح التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟
……………………………………………………………………

اتنين مساطيل راكبين عربية خبطوا واحد..
فالمسطول اللي سايق بيقول للى جنبة:انزل شوفو..مات ولا لسة..؟؟
نزل المسطول التانى وقال:تعال يمين شوية..ايووه..شمال شوية..بس..اطلع قدام…اوكى..كده مات
……………………………………………….
واحد سكران كان بيعاكس وحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب أنا سكران حفوق بكرة .. وانتي ؟؟؟؟؟
.........................................


اتنين حشاشين راكبين عربية الأولاني بيقول للتاني
ياعم خلي بالك حنخبط في عامود النور
ياعم خلي بالك حتودينا في داهية
ياعم حاسب بس لنتعور
ياعم حاسب….
في المستشفى الأولاني بيقول للتاني
شفت ياعم مش عمال أقولك حاسب حنتعور
قام التاني قاله ما أنا عمال أقولك انت اللي سايق
……………………………………………………………………….

هههههههههههه
والله نكت جامدة يا سوستا ودي احسن واحدة :

اقتباس :

كلب بيقول لواحد صاحبه
هو
قاله هو
قاله هو
قاله هو
قاله هو هو
قاله لو سمحت ماتغيرش الموضوع