كلمات راقصة .. جلال عامر

كلمات راقصة

بقلم جلال عامر 9/ ٦/ ٢٠٠٩

■ إلى هواة الاتهام بالتطبيع عمال على بطال.. أنا لم أقابل الإسرائيليين فى حياتى إلا مرتين.. مرة بالسلاح الأبيض فى شوارع وحوارى مدينة القنطرة شرق يا قاتل يا مقتول، ومرة وأنا أسلمهم قتلاهم تحت إشراف الأمم المتحدة، ورفضت يومها أن أصافح «شيمون بيريز» ومع ذلك أنبه القائم بالأعمال الإيرانى فى صحف القاهرة أن هناك فرقاً بين «الإسرائيليات» اللائى يتزوجهن الشباب المصرى و«الإسرائيليات» الموجودة فى كتب التراث.. حتى لا يختلط عليه الأمر ويتهم التراث بالتطبيع.
■ طبعاً علاقتنا مع الولايات المتحدة تقوم على المشاركة.. «أوباما» حدد ميعاد ووقت الزيارة ومكان إلقاء الخطاب وحدد المدعوين وترك لنا حرية اختيار نوع «البوية».
■ شوف التدهور.. أرسلت دولة الكويت الشقيقة جنودها ليموتوا معنا فى حرب أكتوبر، وترفض الآن أن ترسل طلابها ليتعلموا معنا فى جامعات أكتوبر.
■ بالنسبة لمشروع زراعة القمح فى «أوغندا».. لماذا لا نزرع القمح هنا وملاعب الجولف فى أوغندا؟.. طبعاً لأن الكرة ممكن تقع فى البحيرات.
■ الناس استجابوا لنصيحة مسؤولى الأغذية وامتنعوا عن إدخال اللانشون بيوتهم.. وأصبحوا يأكلونه بره.
■ احتار الناس بين هنية وعباس، والحل هو دولتان، «عباس» فى الزمالك يبقى «هنية» فى الأهلى.
■ ابنى يعيش فترة المراهقة وبدأ يشاهد الأغانى الخليعة والصور الإباحية وجلسات مجلس الشعب.
■ أثناء زيارة أوباما قال له المرافق أيوه يا أفندم دى الأهرامات وده أبو الهول فأشار أوباما إلى صورة لمجموعة سراير فرعونية فقال له المرافق دى يا أفندم المجالس القومية المتخصصة.

كلمات راقصة

بقلم جلال عامر ١٤/ ٦/ ٢٠٠٩

■ خذ نفساً عميقاً، واحتفظ به للأجيال القادمة، فقد وصلت «الأنفلونزا» إلى مصر عن طريق مطار «القاهرة»، ووصل «القذافى» إلى إيطاليا عن طريق مطار «روما»، وأوصت منظمة الصحة مصر بإلغاء التجمعات الجماهيرية، وأوصى القذافى إيطاليا بإلغاء الأحزاب السياسية، لنتحول هنا إلى «مأساة» وهناك إلى «نكتة».
■ طبعاً.. يختلف حكام العالم الثالث عن العالم السفلى.. العالم السفلى ممكن بشوية بخور «ينصرفوا».
■ أنا مع تخصيص مقاعد للمرأة فى البرلمان.. خلى الكنبة اللى جنب التليفزيون تفضى.
■ استمرارًا لظاهرة التدين الشكلى التى تنتشر هذه الأيام، أصبح معظم سائقى التاكسى يشغّلون «القرآن» ومع ذلك لا يُشغّلون «العداد».
■ أعلنت منظمة الصحة العالمية، المرحلة السادسة، التى تشمل «غسل الأيدى».. نحن نرفض المرحلة السابعة التى تشمل «تطهير البنوك».
■ أنفلونزا الطيور لا تفرق بين مسلم ومسيحى، وأنفلونزا الخنازير لا تفرق بين مسلم ومسيحى.. أصبحت الأنفلونزا فقط هى التى تطبق الدستور.
■ بسبب الإعلانات أصبح شبابنا لا يعرفون اسم «فاتح» القسطنطينية، لكنهم يعرفون اسم «فاتح» الشهية.
■ فرصة للحكومة لفض الاعتصامات والإضرابات والمظاهرات، بدل عربيات الأمن المركزى تبعت واحد وسطهم يعطس.
■ متعك الله بالصحة وطول العمر.. عندى جدى تجاوز المائة.. المشكلة أنه تجاوز المائة كل شوية الرادار يصوره على السرير.
■ يظهر أن كل الصناديق فى مصر مصابة بداء التزوير.. رميت فى صندوق القمامة فانلة ابنى القديمة وعليها رقم (٢٢)، بعد دقيقة أصبحت رقم (١).

هههههههههههههههههه الراجل ده ساخر بنفس طريقة احمد مطر والي انا همزله قصيدة رائعة قريبا

بس الحقيقة انا عايز اعلق على كل نقطه
1-هتعمل ايه بقى ما كام ديفيد ركعتنا كلنا ودم الشهدا راح على 15 كيلو في سيناء والباقي بالسلام بس المشكله ان مصر ما كانش عندها احتياطي استراتيجي تواجه بيه ولما جه السادات يطلب من الخليج كتبوا في جرايدهم الشحات اهو
2-معاه حق اوباما عمل الي نفسه فيه واحنا كل الي عملناه اننا شوفنا مصر حلوة لمده 8 ساعات
3-بلاش الكويت انا ابويا لسه هناك لا يسفروه بس عموما ولا ماتو ولا نيله ده هما سبب الثغرة وعمي بيقولي قابلوهم في الحرب عمالين يخمسو بالجيبات بتاعة الجيش بيقوللهم رايحين على فين بيقولوا هذي مو حرب هذي جهنم وهاتك يا جري
4_نزرع قمح في اوغندا اواواواو وعجبي وبعد كده اوغندا تزلنا تقلنا هاتوا بوسه الاول واحنا نيديكوا القمح
5-لا عادي بره جوه كده كده هتموت هتموت والبقاء لله
6-فتح دي منظمه عليها لعنة الله والملائكة والناس اجمعين والى يوم الدين لانها بتتعامل مع اسرائي عيني عينك وبتاخد منها سلاح عشان تضرب حماس
بس على مين حماس ربتهم واستفردت بالقطاع
7_ماهو مسخرة زي الكليبات بالظبط ومالوش لزمه ما يحرقوه ويعملوا مكانه حته نشرب فيها شاي مع النواب
8_ما هي لو فيه مجالس متخصصه ما كانش ده بقى حالنا
المجموعة التانية
1_عادي كل واحد وهمومه وبعدين القذافي ده مجنون فعادي ما تخدش في باللك
2_بس احنا بقى من انهو ؟اعتفد اسفل السفلى وبشوية فجل ممكن نروح بيتنا
3_المرأه في البرلمان مش عارف انا شايف المرأه كفاية تعليمها وبيتها وعيالها وجوزها وخلاص ولا قاضي ولا نائب ولا كلام من ده غالبا بيكونو اوس البلاوي
زي ما قال الشيخ كشك الله يرحمه (ابحث وراء كل فاشل تجد امرأة)
4_عادي ما احنا امه دراويش فاكرين الدين ده اقوال وليس افعال
5_اهو كلها نضافه والنضافه من الايمان
6_انا شايف ما فيش تفرقة وبالعكس المسيحين الي عايزينه بيعملوا ولو حد كلمهم يعملوا مظاهرة ويطالبوا بالتدخل الاجنبي
7_كل اناء بما فيه ينضح واحد دماغه كلها اغاني وكليبات لا تنظر منه شيئ
8_لا تعليق بس جامده ههههههههههههههههه
9_نفس الكلام
10_ههههههههههه ولسه لما جمال يمسك هنشوف البدع ان شاء الله
تسلم يا حبيبي واكيد زهقت عشان طولت
معلش

لا و الله يا أس ، أبدًا

بل بالعكس .. انا بحب اننا نفتت كل موضوع نناقشه إلى عناصر و نناقش كل عنصر بشئ من التفصيل
كلامك بجد جلو ، ربنا يفتح عليك
و انا احب اقف عند كلمات معينة ...

اقتباس :: طبعاً علاقتنا مع الولايات المتحدة تقوم على المشاركة.. «أوباما» حدد ميعاد ووقت الزيارة ومكان إلقاء الخطاب وحدد المدعوين وترك لنا حرية اختيار نوع «البوية».

دى بجد حرقت دمى جدًا .. لان التقدير و احترام الآخر كانت واضحة جدًا فى تأخير الامتحانات اسبوع (دا عندنا) و بالتالى تأخر بداية الإجازة و بالتالى بوظان الدنيا عندى انا فى البرنامج الصيفى بتاعى

اقتباس :: أنا مع تخصيص مقاعد للمرأة فى البرلمان.. خلى الكنبة اللى جنب التليفزيون تفضى.

انا مش شايف على الإطلاق ان المسألة تتعلق بجنس العضو .. المسألة تتعلق بتأثير مقاعد المجلس على شعارات العضو اللى بتكون أثناء الحملة الانتخابية !!! (إلا ما رحم ربى)

اقتباس :: استمرارًا لظاهرة التدين الشكلى التى تنتشر هذه الأيام، أصبح معظم سائقى التاكسى يشغّلون «القرآن» ومع ذلك لا يُشغّلون «العداد».

مابقتش احب اتهم حد بحاجة .. لان المنظومة كلها خربانة و بالتالى لما نيجى نتهم يبقى نتهم كل اللى له يد .. مايبقاش خيار و فاقوس .. هو لو شغل العدّاد هياكل منين؟

اقتباس :: أنفلونزا الطيور لا تفرق بين مسلم ومسيحى، وأنفلونزا الخنازير لا تفرق بين مسلم ومسيحى.. أصبحت الأنفلونزا فقط هى التى تطبق الدستور.

فكّرتنى بنكتة مش حابب اقولها لانى شايف انها حرام .. لكنّى هشير إليها بس و الحدق بفهم بقى ..
من هو الرئيس الذى نجح فى توحيد الشعب المصرى على مبدأ واحد؟ .. إنّه الرئيس محمد حسنى مبارك حيث إنّه نجح فى توحيد ديانة الشعب المصرى كاملا ...

اقتباس :: بسبب الإعلانات أصبح شبابنا لا يعرفون اسم «فاتح» القسطنطينية، لكنهم يعرفون اسم «فاتح» الشهية.

يا ريتها كانت وقفت عند فاتح الشهية بس يا أستاذ جلال .. الموضوع تمادى و وصل إلى حتت (! مايصحش !) يوصل لها !!

» كلمات راقصة
» لحاف مصر .. جلال عامر
» مقال تسى تسى .. جلال عامر
» هيا بنا ننفخ .. جلال عامر
» وظائف خالية .. جلال عامر