حبيتكوا جدااااااا

اناا بصراحة مش عارفة انا ليه بعمل الموضوع ده
بس بجد يا جماعة انا يمكن بس عاوزة اعرفكوا
انى بحبكم اوى اوى اوى
مع انى لما بدخل النت يمكن بشارك ف كذا منتدى ب انتوا الاقرب ليا
واضح ان دفعة جيولجيا كمان بالذات جميلة
انا رايي ان دفعتنا من اخنق ما يكون الا ناس قليلة اوى
لو كنت دبلرت ونويت اكمل اعتقد كنت هدخل علوم ارض
كل سنة وانتوا طيبين
ويا رب رمضان مثمر عليكوا
و يا رب سنة جديدة موفقة
وارق تحية لندى وامنية ورضوى وجهاد وسارة وخوخة واسامة والباشمهندس وحماده صلاح والسعدنى واحمد منصور وحاسو وسعده وحسن

osamakhayyal كتب:

والله مش عارف اقوللك ايه يا امباكت

احترامك ليا اولينا
ده بيتهيألي وسام اشيله على صدري ليوم القيامة
احييكي فعلا على الموضوع ده
وبجد انا عايز اعيط

طب انا ممكن اكتب بيتين شعر حالا عشانك بسبب المناسبه الحلوة الي جمعتنا بيكي
وهتكلم باسم المنتدى


القافية مكسورة

يامن يفيض علينا بحبه انني
اهديك شذا الورود من كلمات
المعنى اختي اني سكبت حبر
دواتي وابدلتها مسكا من نفحات
فالحرف عطر والمعنى يزفهه
كانهما عروسين في احلى ليلات

بردو امباكت
اسمى رحمة والله العظيم
ع فكرة بجد انا يعتبر ما قلتش اى حاجة انا فعلا اتعلقت بيكوا جدا
ربنا يحميكوا ياا رب ويعزكم كده ديما
ع فكرة معرفش يعنى ايه قافية مكسورة
بس ابياتك حلوة وده مش جديد ده اللى اتعودنا عليه معاك
شكرا ع ردك الجميل بجد
وكلـ سنة وانتـ طيبـ يا اسامة ..

Rody كتب:

انتي انسانه جميله اوي ويارب تفضلي منورانا كده على طول



والمندى جميل بوجودك فيه وانا نفسي اتعرف عليكي شخصيا

واكيد هنتقابل لما الدراسه تبدأ



كل سنه وانتي طيبه

ان شاء الله لازم هنتقابل يا رضوى
انا نفسي اصلا اشوفك اوى
وبجد يا بنتى انتى كمان شخصية كويسة وحبوبة وطيبة
ربنا يكرمك يا رب
وانت طيب يا جميييل ان شاء الله احلى رمضان عليكى

lovey كتب:

انتى حد جميل ورقيق اوى يا رحمه بجد

وانا حاسه انى حبيتك اوى وارتحتلك كمان عشان انتى شكلك رقيقه وحبوبه جدا

ربنا يخليكى لينا يا اجمل رحمه

وكل سنه وانتى طيبه وبخير دايما يارب

كلـــــــ ـــــــك ذوق يا جوجو
وانا كمان والله حبيتك جدا لا وايه اخت رضوى كمان يعنى مش اى حد
ربنا يخليكوا يا رب لبعض
وبجد متشكرة اوى ع كلامك الجميل ده
فعلا كلام ميطلعش غير من بنات ع خير

الباش مهندس كتب:

بتوع حيولوجيا بالذات؟
صدقينى ، رحمة ، دا نفس شعورى و اعتقد انه شعور المعظم برضه
انتى بجد حد أساسى قوى معانا ، بيفكر كويس
بجد انتى من الناس اللى فرحت بيهم و الله و بانهم بقوا من أسرتنا
ربنا يديم المعروف يا رب
و كل سنة و انتى طيبة

معلش اصل هندسة بالذات
بحقد عليهم

انا قلت الاكترية بس
وانت طيب وان شاء الله رمضان عسول عليك
انت عارف طبعا انك بردو من اكتر الناس اللى بحترمها هنا
ما شاء الله عليكوا
وشاطر علشان قلت رحمة

ELSAADANY10 كتب:

بجد انا مش عارف اقولك غير اني بجد بجد انتي حد جميل اوي اوي اوي اوي اوي
وبجد انتي انسانة محترمة لابعد الحدود وبجد ربنا معاكي في كل احلامك الي انتي عاوزة تحقيقها


وكل سنة وانتم طيب ورمضان كريم عليكم كلكوا
وسنة سعيدة عليكم كلكوا
ويارب كده نشفكوم على خير كلكوكم يلا احلى منتدى

وياارب ندبح العجل بقى
ههههههه
كلمات اخوكوا بوحه الصباح

ربنا يخليييييييييكـ يا رب
انت بالذات انا قلت انكـ اكيد مبتطيقنيش
وسنة سعيدة عليك انت كمان وكل سنة وانت طيب
وايه حوار العجل ده
مش فاهماه

HaMaDa SaLaH كتب:

بجد انتي اثبتيلي انك فعلا انسانة وفية وطيبة
ولو مكنتيش كده مكنتيش عملتي موضوع زي ده
انا مش لاقي كلام اقوله بس والله انا فرحان جدا
ويارب تكوني فعلا مبسوطة بيننا ويارب تستمري

انا فعلا مبسوطة معاكم بجد
حتى الناس الى كنت بتضايق منها حتى ناس طيبة و عارفه انها مبتتعمدش
انا هحول جيولوجيا السنة الجاية ايه رايكم
طبعا مينفعش بس بجد انا نفسي ف ده
ما علينا
انت ع فكره يا حمادة من اطيب الناس اللى هنا يعنى بحس انك مسالم وف حالك كده
كل سنة وانت طيب

اقتباس :

كل سنة وانت طيب

ربنا يكرمك يا سعدنى يا رب
ع فكرة مرة كده كنت قاعده كده مع واحده كده بتتكلم عن ناس كتييييير كده معانا ف الدفعات
المهم فجاه جت سيرتك وقالت انك شبه حسين الجسمى وما علينا من الموضوع ده
واضح انك معروف باين والله اعلم
اما بالنسبة للعيد كنت بحبه وانا صغيره
لكن لما كبرت مبقتش احبه لان كل سنة كل سنة انا واصحابي نفس البرنامج ف كل عيد وكل مناسبة
كويس انه لسه بيفرحك

اقتباس :

ههههههههههههه

والله صدقت في الاول

ع العموم انتي منورانا في اي حتة

هو ينفع ؟؟

اقتباس :

ناس كتير فاكراني كدا بس انا شايف انها حاجة كويسة

انا معرفكش اوى بردو بس ده الظاهر يعنى

ماشي خلاص عموما انا بحب الرياضة فهتوكل ع الله وربنا يوقفنى ويوفقكوا كلكوااااااا

ELSAADANY10 كتب:

الجسمي يا امبكت
انا مش عارف نااس كتيرر اقوليلي كده
اشمعنا الجسمي يعنى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟......................؟؟؟؟؟

والله يا سعدنى انا مشفتكش قبل كده علشان اقولك اشمعنى
بس صورتك وانت صغير مش شبهه خالص
انت شبه واحدة ف بيولوجى اسمها سارة
تكونش اخوها

اقتباس :

على فكرة اكتر ناس بحبهم هم تقريبًا بتوع علوم
بجد بحس فيكم بوزن و أهمية اكتر بكتير من أى فئة تانية
و فعلا جاى لى إحساس أو عندى أمل يعنى ان صلاح الحياة الدراسية و التعليمية فى مصر
فبجد ما تكونيش متضايقة ان نصيبك كدا .. حسى بأهمية كلية علوم فى المجتمع هتعرفى انها من إحدى الزوايا أهم بكتير من بقية الكليات

ع فكرة والله كنت بهزر متقلقش
مفيش حقد ولا حاجة ما شاء الله عليكوا
عارف انا واثقة انى قبل ما اموت يمكن الحق سنة او اتنين يكون تنسيق علوم فيهم اعلى من طب
اهم حاجة يبقي عندى امل
الحمد لله طبعا ع كل شئ
بس انت بتحبهم ع ايه دول عيال معقدة
وبنضارات نصهم وماشيين ماسكين مراجع ف ايديهم
دى ناس تتحب دى