ساعدوني

انا عاوزة اعلق ع حاجة صغيرة
بخصوص مواد الرياضة فى شعبة العلوم الفيزيائية
مادة الرياضة الوحيدة الزيادة عن الشعب الباقية هى مادة الميكانيكا
وبجد هى مادة زى السكر
الدكتورة بتاعتها اسمها دكتورة ثريا
اول محاضرة هتدخل تقولكوا فين بتوع علمى علوم
وهتقولكوا شوفوا كتب زمايلكم بتوع علمى رياضة علشان المادة هتبقي صعبة عليكوا
لكن فكك من الكلام ده كله هى لازم تقول كده علشان تشدكوا شوية بس
لكن انا مرة كنت ف مكتبها مع واحدة صاحبتى علمى علوم
الدكتورة قالتلها ان كذا سنة كان الاول فى مادتها علمى علوم
فمتمشيش انت ورا كلام حد وبجد الدكتورة هتتعامل معاكوا كانكوا بتدرسوا لاول مرة
و ع فكرة اى حاجة مش فاهمها متتكسفش انك تخلى حد من سنة تانية يشرحلك ده لو حسيت ان المادة صعبة عليك يعنى وباذن الله هتلاقيها مادة عسولة جدا
بخصوص شروط الالتحاق بكيمياء منفرد
فانت هتدخل فيزيائية عادى ومجرد نجاحك هيدخلك السنة اللى بعديها اللى هى فيزيا كيميا وبعد كده اللى بيتحكم ف دخول القسم ده العدد
بمعنى ان لو العدد كبير بياخدوا اعلى تقديرات بس نادرا ما بيحصل يعنى
اهم حاجة يا على
تفضل ع حماسك ده لان كتير اول ما بيدخلوا بالتدريج ده بيتلاشي
وانا كنت اول الناس دى
ربنا يوفقك

شكرا يا امباكت انتي كدة طمنتيني وشكرا على النصائح دي

انا والله مش عارف من غيركوا كنت اعمل اية ؟

شكرا ليكم جميعا وربنا يصلحلكم الحال انشاء الله

اقتباس :

هوه ايه مش ههتم باي حاجة غير المذاكره

لا طبعا
اهتم بكل حاجة والمذاكره معاها
اهتم بالكورة واللعب والتهييص والمسخره وخليك هلاس
واهتم بالصلاة ودينك والقرانك
اهتم بثقافتك وتعليمك الذاتي قراءة الكتب في اي مجال مش تطلع مش عارف في الدنيا غير الي انت خدته في الكلية والمدرسة هيبقى ولا ليك لازمه في الدنيا
سوري صفر على الشمال
اهتم بكل حاجة من الاخر خليك من الناس الي بيتقال عليها ليها في كله
وعيش حياة جامعية مفتوحة
وما تخدش فكرة ان الجامعة بنات وهنظبط في الجامعة
لا فكك من الكلام ده خالص
وحاسب في اختيار اصحابك
وربنا ان شاء الله يوفقك

حاضر ياحمادة انت تأمر بس

ياجماعه انااولي علوم ودخلت قسم فيزياء
ايه رايكم وفي اي معلومه ممكن نفيدوني بيها بعداذنكم؟؟

مرحبا بيكي ياتوتي في المنتدى

بصي قسم فزياء جميل اوي وجواه اقسام كتيرة جدا


وكمان تابعي الموضوع اللي هو (ساعدوني) من الاول خالص وانتي تعرفي اية

اللي انتي عايزاه

وكمان شوفي نفسك ماشية في انهي مجال وتوكلي على الله واختاريه

من الاخر تابعي الموضوع دة وانتي تعرفي انتي مقنعة بأنك اختارتية ولا لا وشوفي ميولك رايحة فين بس ومش هتندمي على اللي اخترتية او اللي هتغيريه

مرسي ياجماعه علي ردودكم الجميله واناالصراحه بحب الكيمياء جدااااااااا وانشاء الله هكمل فيزياء

انا قرات موضوع(ساعدوني)كله بس عندي استفسار هو ايه الفرق بين اخصائي اشعه ودكتور اشعه؟؟
وسؤال تاني هل فيه فرق بين اللغه الاجنبيه واللغه الاوربيه؟؟

ايه الفرق بين رياضه وحاسب /احصاء وحاسب/ فيزياء وحاسب؟؟
ايه هي مجالات عمل كل واحده بعد التخرج؟؟

اقتباس :

وسؤال تاني هل فيه فرق بين اللغه الاجنبيه واللغه الاوربيه؟؟

انا طالب جديد اريد الافادة اى القسمين افضل ولماذا
علوم الارض ام الكيمياء

بجد انتو تحفة بجد ماشاء الله متابعة غير عادية من حمادة والسعدني وناااس كتيير

انا فى سنة اولى فزياء وعيز اعرف هداكر ازاى واعمل اية فى امتحانات

ارجو الرد سريعا

..............................................[/img]

ازيك يا تيتو منرو ....

بص يابني اهم حاجة في الكلية تحضر ....اهم حاجة
لما تحضر تحاول تفهم وتنقل الي تقدر عليه ده في الاول كده
تاني حاجة عليك انك تسأل الطلبة الي في السنين الي فوقك الدكاتره كانوا عاملين معاهم ازاي ؟؟
بمعنى كل دكتور وليه مفتاحه
في دكتور كل حاجة عنده المحاضره يبقى ده تعد تكتب اي كلمة بيقولها
في واحد تاني بيكرر الامتحانات تيجيب امتحاناته وتحلها
كده....
تذاكر ازاي ده هيحدده اجابة الاسئلة الي هتسألها لزمايلك الاكبر منك
لو قالولك المحاضره تكبتها وتزاكرها هيا هيا.. الكتاب تجيب الكتاب كده
واهم حاجة ماتخافش نهائي خليك تقيل كده وولا لهمك اي حاجة ماتترعبش ابدا لو ايه الي حصل
ربنا مش بيظلم حد
ومن جد وجد
وفي ربنا دايما
عيش حياتك

تحياتي

خيال

السلام عليكم
انا يا جماعه فى اولى فزياء وتبعت سعادونى وبجد استفدت كتير من اساله على ورددكم ربنا يكرمك
بس انا كنت عايزه استفسر عن الحاجات الغربيه الاجو الكتب ومبيقولهاش الدكاتره ؟وانا خايفه قوى من الامتحانات الميت ترم وحاسه انى مش هعرف احل حاجه خالص وفى مواد لحد دلوقت مش فاهمه فيها حاجه اعمل ايه واه الحل فى المحاضرات الامش بفهمها ؟
معلش سوال كمان انا مش عارفه احدد القسم الاهكمل فيه حاسه انى عيزه ادرس كل الاقسام واعرف كل حاجه (بس ممتحنش فى حاجه )واكتر قسمين نفسى فيهم رياضه بحته او فزياء لانى مش بحب الكمياء على اى اساس اعرف ؟وتكون حاجه غير فرص العمل لانى كل مااسل حد يقول الشغل الارزاق بيد الله
وشكرا جدا على اهتمامكم

انا اولى فيزيائية وعايز اعرف الميد ترم امتة

شكرا جدا ربنا يكرمك وربنا معانا كلنا

يا جماعة انا عايز اعرف اية نظام مادة جبر وهندسة تحليلية اية اخبروكوا فيها هل احد يستطيع ان يساعدنى

انا لسه جديده فى المنتدى و نفسى اكلم حد