رباعيات الكبير صلاح جاهين

يا جماعه دة هيبقى موضوع عن الرباعيات للكبير الاستاذ صلاح جاهين انا هكتب كتير من رباعياتة واللى عارف حاجة يزودها ومع البداية :-

-خرج بن ادم من العدم وقلت ياه .
رجع بن ادم من العدم وقلت ياه .
تراب بيحيا وحى بيصير تراب .
الاصل هو الموت ولا الحياة .
عجبى ..

-دخل الشـتا وقفل البيبان ع البيـوت .
وجعل شعاع الشمس خيط عنكبوت .
وحاجات كتير بتموت فى ليل الشتا ..
لكن حاجـات اكتــر بترفض تمــوت ..
عــــجــــبــــى ..

-غدر الزمان ياقلبى مالهوش امان .
وحاييجى يوم تحتاج لحبة ايمان .
قلبى ارتجف وسألنــى أمن بايه !
أأمن بايه محــــتار بقالى زمـــان .
عــــجــــبــــى ..

-بين موت وموت . بين النيران والنيران .
ع الحبل ماشيين الشجــــاع والجبــــان .
عجبى على دى حياه .. ويا للعجب ..
ازاى انا ياتحين بقيت بهلوان ...
عــــجــــبــــى ..

-انسان .. ايا انســـان ما اجـهـــلك ..
ما اتفهك فى الكـــون وما اضــالك .
شمس وقمر وسدوم وملايين نجـوم .
وفاكرها يا مــوهـوم مخـلــوقة لك ؟
عــــجــــبــــى ..

- سهير ليالـى ويـامـا لفـيـت وطـفــت .
وفى ليلة راجع فى الضلام قمت شفت .
الخـــوف . كأنة كـلــب ســد الطريق .
وكنــت عايـز اقتــلــه .. بس خفت ..
عــــجــــبــــى ..

-ورا كل شباك الف عين مفتــوحـــين .
وانا وانت ماشين ياغرامى الحزين .
لو التصقنا نموت بضربة حجر .
ولو افترقنا نموت متحسرين .
عــــجــــبــــى ..

-لو كان فى سلام فى الارض وطمان وامن .
لو كان مفيش ولا فقر ولا خوف ولا جبن .
لو يملك الانسان مصـــير كـــل شـــئ .
انا كنت اجيب للدنيا ميت الف ابن ..
عــــجــــبــــى ..

ان شاء الله فى اقرب وقت اكمل تانى

بس لما اشوف ردودكم الاول

هى اللى هتحدد اكمل ولا ....؟؟؟

(AMEN)

تسلمممممممممممممممممممممممممممم
ومنتظر المزيد

بلياتشو قال إيه بس فايدة فنونى؟
و تلات وقق مساحيق بيلوّنونى؟
و الطبل و الزمامير و كتر الجعير؟
إذا كان جنون زبونى زاد عن جنونى !

!! عجبى !!

الله حلو موضوع عجبى ده
بيتهيألى سمعته قبل كده

مشكووور

الحقيقة انا ماليش في العامي

استاذي الباش مهندس يفهم اكتر مني في الموضوع ده

وانا عندي مشكلة اساسا مع صلاح جاهين
مش بحبه
بس اول حاجة كتبتهاله فوق احلى واحده
تسلم

ولدي نصحتك لما صوتي اتنبح
متخافشي من جني ولا من شبح
وان هب فيك عفريت قتيل إسأله
مدافعش ليه عن نفسه يوم ما اندبح

عـــجـــبـــي

osamakhayyal كتب:: استاذي الباش مهندس يفهم اكتر مني في الموضوع ده

ربنا يكرمك يا أس

أنا قلبى كان شخشيخة أصبح جرس
جلجلت به .. صحيوا الخدم و الحرس
أنا المهرج ! .. قمتوا ليه؟ خفتوا ليه؟
لا ف إيدى سيف ، و لا تحت منّى فرس

!! عجبــى !!

ان شاء الله هكمل ليكو تانى وانتظروا المزيد ..
وبرضة اللى عندة حاجة يقولها ويشاركنا فى الموضوع ...
وشكرا ل جلاد والباش مهندس وابو صلاح وعصابة هانم و اسامة خيال
على الرد والمشاركة والمرور على الموضوع ....
(AMEN)

ومع جزء تانى من الرباعيات :-

دخل الربيع يضحك لقانى حزين
نده الربيع على اسمى لم قلت مين
حط الربيع ازهاره جنبى وراح
وايش تعمل الازهالا للميتين
عجبى..

الدنبا اودة كبيرة للانتظار
فيها ابن ادم زيه زى الحمار
الهم واحد .... والملل مشترك
ومفيش حمار بيحاول الانتحار
عجبى

ياحزين ياقمقم تحت بحر الضياع
حزين انا زيك وايه مستطاع
الحزن ما بقالوش جلال ياجدع
الحزن زى البرد ...زى الصداع
عجبى .....

ياللى نصحت الناس بشرب النبيت
مع بنت حلوة وعود وضحك وحديث
مش كنت تنصحهم منين يكسبو
ثمن دا كله ؟ والا يمكن نسيت
عجبى .....

حبيت .. لكن حب من غير حنان
وصحبت ..لكن صحبة ماهاش امان
رحت لحكيم واكتر لقيت بلوتى
ان اللى جوه القلب مش ع اللسان
عجبى ....

قولولى رايكم ..............

(AMEN)

ايه ياجماعة الموضوع مش عاجبكم ولا ايه ؟؟؟؟؟
لو مش عاجبكم يبى اوقف كتابة فيه احسن
فين الردود بتاعتكم؟؟؟؟؟؟!!!!!!

ولدى إليك بدل البالون 100 بالون
انفخ و طرقع فيه على كل لون
عساك تشوف بعينيك مصير الرجال
المنفوخين فى السترة و البنطلون !

!! عجبى !!

kronos كتب:: ايه ياجماعة الموضوع مش عاجبكم ولا ايه ؟؟؟؟؟
لو مش عاجبكم يبى اوقف كتابة فيه احسن
فين الردود بتاعتكم؟؟؟؟؟؟!!!!!!

إذا كان الرد يمثل لك مقابلا ، فلا تنتظر مقابل
و إذا كان الرد يمثل لك دلالة ، فمن الدلالات ما كان كاذبًا
إذًا ، لتمضِ فى طريقك كما أنت
فالمتابع متابع ، صامتًا أو ثرثارًا
رباعيات الكبير صلاح جاهين 954712

الباش مهندس كتب:

kronos كتب:: ايه ياجماعة الموضوع مش عاجبكم ولا ايه ؟؟؟؟؟
لو مش عاجبكم يبى اوقف كتابة فيه احسن
فين الردود بتاعتكم؟؟؟؟؟؟!!!!!!

إذا كان الرد يمثل لك مقابلا ، فلا تنتظر مقابل
و إذا كان الرد يمثل لك دلالة ، فمن الدلالات ما كان كاذبًا
إذًا ، لتمضِ فى طريقك كما أنت
فالمتابع متابع ، صامتًا أو ثرثارًا
رباعيات الكبير صلاح جاهين 954712

لا طبعا الرد مش مقابل بس اعرف ان الناس متابعة وعاجبها الموضوع علشان مش ابقى بكتب لنفسى ... صح ولا ايه ؟؟؟

الباش مهندس كتب:: فالمتابع متابع ، صامتًا أو ثرثارًا

لولا اختلاف الرأي يا محــــترم
لولا الزلطتين ما لوقود انضرم
و لولا فرعين ليف سوا مخاليف
كان بيننا كيف حبل الوداد اتبرم ؟!

!! عجبي !!

الله بجد موضوع حلو ااووووي
بجد ميرسي يااحمد انت والباش مهندس

سعدت لمرورك dody

شاف الطبيب جرحي وصف له الأمل
وعطانى منه مقام يا دوب ما اندمل
مجروح جديد يا طبيب و جرحى لهيب
ودواك فرغ منى .... و إيه العمل ؟!
!! عجبـى !!

شكرا لمرورك ياdody ‎

قالوا السياسة مهلكه بشكل عام .
وبحورها يابني خشنة مش ريش نعام.
غوص فيها تلقي الغرقانين كلهم .
شايلين غنايم . . والخفيف هو اللي عام .
عجبي ! ! !

معلش ياشباب انا النت عندي في مشاكل وبدخل من الموبايل ع قد ماقدر وبعدين انا في امتحانات ان شاء الله لما اخلص يكون النت اتعدل .

لا حلو يعنى بس فى قسم النكت مش هنا

tito fox كتب:: لا حلو يعنى بس فى قسم النكت مش هنا

انت شايف كدا؟؟
دا اللى انت فهمته؟؟
!!!!!!!

حاسب من الأحزان و حاسب لها
حاسب على رقابيك من حبلها
راح تنتهى و لا بد راح تنتهى
مش انتهت أحزان من قبلها ؟!

!! عجبى !!

جميل موضوعك اوى
استمر

أنا قولت كلمة وكان لها معنيين
كما بطن واحدة وتوأمين زين وشين
لو دنيا شر التوأم الخير يموت
ولو دنيا خير الشر هيعيش لمين ؟
عجبي

» رباعيات صلاح جاهين كامله
» رباعيات جاهين
» البوم عمرو مصطفي الجديد الكبير كبير