الحياة حلوة

ازاي تخلي الحياة حلوة ؟؟؟؟
حاجات كتير اوى تخللى الحياه ليها معنى ومن ثم يبقى ليها طعم جميل

انك تخلى اللى حواليك مبسوطين و تحاول تمسك باديهم وتساعدهم ونحاول نوعيهم لبكرة والمستقبل ونزود طموحهم وتعللى من امكانياتهم وقدراتهم وتخليهم متفائلين .

انك تعمل حاجة جديدة وجريئة تستغل فيها مواهبك وقدراتك وتكون مفيدة. او تحط هدف ادامك وتعمل المستحيييل عشان تحققة.

انك تحب حد بجد وتعمل كل شيء علشانة ويكون هو كمان بيحبك وتعللو من بعض وتبقوا شىء واحد ..حد واحد.. قلب واحد بيدق وبيحس وبيحب

انك ترضى ربنا وتديله حقة على اد ماتقدر ودة اكبر و اشمل شيء يخللى الحياة حلوة لان الحياه دى اخرها الحساب فلازم الانسان يحاول يوفق مابين التمتع بالحياة وارضاء الله.

ايه اكتر موقف حصلك و اللي انت حسيت من خلاله ان الحياة حلوة ؟؟؟؟
انى عديت السنة دى وهكمل ف علوم بعد ماكنت مهددة انى احول تجارةاذا دبلرت.وكدة تبدا سلسلة الاحلام والطموحات وبذل المجهود للوصول للهدف .
وطولت عليكوا شوية...بس انا عارفة انكوا هتستحملونى
koky Elantra

الحياة حلوة
فريد الاطرش غنا للحياة و قال :
الحياة حلوة بس نفهمها الحياة غنوة ما احلى انغامها
ارقصوا و غنوا وانسوا همومها
دي الحياة حلوة

الحياة وردة للي يرعاها والحياة مرّة وحدة نحياها
فوزوا بمتاعها وانسوا أوجاعها ليه نضيعها
دي الحياة حلوة

الحياة تبتسم للّي يتبّسم واللي بيكشّر دي للي يتألم
دي الحياة جنة عشها و تهنى واوعى تستنى
دي الحياة حلوة

الطيور غنت غني ديارها ع الغصون حنّت للأليف جاها
هي احبابك ود اصحابك وارضى بمانابك
الحياة حلوة

هنا فريد الاطرش ادا طرق ازاي تخلي الحياة حلوة
و طبعا مش كل حاجة يقولها نمشي وراها بس انا مقتنع
قالك ايه : افهمها ، ارقص و غني
يعني مش انك ترقص و تغني بجد لا افرح و انبسط ،
انسى ياااااااااااااااه بجد حاجة ممكن تخليك تعيش حياة حلوة بجد
انسى الهموم و ارميها وراك و ما تشغلش نفسك بيها اللي بيروح بيجي او بيجي غيره ،
عيش الحياة زي ما هي
غير فيها للاحسن
ده الحياة حلوة
الله عليك يا فنان

بالنسبة للمواقف اللي خليتني اقول الحياة حلوة
اول موقف بجد بديت احس منه انه الحياة حلوة يوم ما حبيت
انا مش بقول كده يعني الكل يروح يحب عشان الحياة تبقا حلوة
لا والله بس انا لما حبيت حسيت ان الحياة بقت حاجة تانية خااااااااااالص
تاني موقف لما نجحت السنه ده
سيبك من اصحابك اللي قاللك مبروك و لا قرايبك
لما تكون هنا في مصر
و اهلك برة
انا اهلي في الامارات
و تشوف ابوك فرحان و مبسوط منك
و امك تزغرطلك ده حاجة بالدنيا كلها والله
و ده حصل فعلا في الشات كام يعني
بصراحة دول اكتر موقفين

اه بمناسبة الحياة حلوة
بيقولكم ان مرة واحد حب يغيظ الميتين
راح على قبورهم و جاب كاسيت و شغلهم "" الحياة حلوة ""

ههههههههههههههههههههههههههههههههه و الحياة حلوة