حديث آخر الأسبوع

حديث آخر الأسبوع

بقلم جلال عامر ١٨/ ٣/ ٢٠١٠

من بعيد يا حبيبى باسلم من بعيد من غير ما اتكلم إلا أمام النيابة وكان نفسى أطلع «طبيب شرعى» أقص أظافر المتهم وأضع له «مانيكير» لكن مجموعى جعلنى مجرد «مجنى عليه» ووجود الجبنة القريش وشوربة الخضار بجوار الجثة فى المنزل ليس دليلاً على وجود مريض بل مجرد قرائن قد تأخذ بها المحكمة أو ترفضها وعندما لاحظت أن كل طبيب يزورنى لا يحضر معه هدية اخترت أحد أصدقائى وهو خريج تجارة ويعمل مهندساً ليكون طبيبى الخاص ويصاحبنى فى رحلاتى وهو الذى نصحنى بارتداء حذاء خفيف وكتابة إقرار الضريبة العقارية مرتين فى اليوم وعدم مشاهدة المباراة الشهيرة بين بلد المليون «شهيد» وبلد المليون «توقيع»..

وفى انتظار الحصول على توقيعات دول حوض النيل لأستحم حكى لى هذا الطبيب المزيف أن الأسد كان مريضاً وزاره وسأل عنه كل حيوانات الغابة إلا «الثعلب» فقال له الذئب (يا مولاى إن الثعلب لم يسأل عنك وكأنه يتشفى فيك) فغضب الأسد وأمر باستدعاء الثعلب الذى علم بأن الذئب هو سبب المصائب لذلك عندما سأله الأسد عن سبب غيابه ترافع وقال (يا مولاى إن المرض «عرض» والفساد «غرض» ومن أحاط بك آذاك لذلك فضلت أن أبتعد وأسأل فى الغابات المجاورة عن علاج يشفيك ويصلح الغابة) فسأله الأسد عن هذا العلاج الشافى فقال الثعلب (أن تقطع أرجل الذئب وتعملها شوربة) ثم مات الطبيب فجأة دون أن يكمل القصة فرفعت دعوى على ورثته لأعرف منهم هل فعلها الأسد أم احترقت الغابة؟..

حضرتك شامم ريحة شياط؟!.. وكلمنى عن بكرة وابعد عن امبارح باخاف من الذكرى وسهمها الجارح.. وكان نفسى أكون «طبيب عيون» أشاور على العلامات وأسأل المريض عن الفتحة فإذا لم ينطق عذبته.. فهل أصبح الفساد من العادات والتقاليد؟ لأننى أشعر من معاملة المتهم أنه كان يقوم بتوزيع «ألحان التراث» وليس بتوزيع «أراضى الدولة» لذلك كان نفسى أطلع «طبيب بيطرى» لأقطع أرجل الذئب.

يا باش مهندس بالراحه علينا

دا احنا لسه سنه اولى حديث آخر الأسبوع 857241

انا مش فاهمه هوا عاوز يقول ايه حديث آخر الأسبوع 23682

انا اتلغبط حديث آخر الأسبوع 539734

اشكــرك لك المرور يا أروى
و أشكــرك على الصراحة الجميلة قوى دى
شوفى يا أروى ، قبل أى حاجة ، انا عايزك تعرفى حاجة الأول ..
الراجل دا فى معظم مقالاته بيلعب فى المقال الواحد على أكتر من محور ..
و انا بعلق على مقالاته بــكلمتى .. مقال جلال عامر مش ابن الفكرة الواحدة
يعنى هو فى المقال الواحد بيفتـّح أكتر من موضوع .. بس بأسلوب ساخر بشكل جميل ..

بخصوص المقال دا بقى ، فهو رمى كلام عن اكتر من فكرة ...
* احنا فى (أدوار متبادلة) .. كل واحد بيقوم بدور حد تانى ، يعنى الحاكم مش الحاكم ، و اللى يستاهل يكون حاكم مش حاكم ، و هكذا الحال فى كل المناصب و الوظائف
* الناس اللى بيقولوا انهم هيعالجوا و هيصلحوا و هم مش عايشين جوا الهم و مش حاسين باللى البلد فيه أصلا
* تقييد الدستور للمواطنين فى حاجات زى حق الترشح لانتخابات الرئاسة مثلا .. لازم طالما اللى عايز يترشح مش تبع حزب معين ، يلف على المجالس المحلية ياخد منها توقيعات ، و يوقع له كام نائب من مجلس الشعب ، و شغلانة كدا ..
* ان العلاج هيكون حاجة شايفينها قاسية علينا فى حين ان القسوة هى اننا مانعملش الحاجة دى
* العلاج وقت ما هيتعمل ، كلنا هنلاحظه بوضوح (شامم ريحة شياط؟)
و هكذا

طبعًا هو فيه معانى اكتر من كدا بكتير
بس انا حبيت اقول لك عدد من الأفكار للتبسيط بس
جلال عامر فى كتابته بيعتمد على الـ (رمز) قوى ، فتابعيه و بالتدريج هتقدرى تفهمى كل اللى عايز يقوله بسهولة

ااااااااااااااااااه

كده انا فهمت كل الكلام تقرييا
والله دا مش غباء بس انا لسه
يمكن بدات اقرا وامسك الجرنان السنادى
بس هوا جلال عامر بيكتب فجرنان ايه؟
وتسلم ايدك عالمقال دا حديث آخر الأسبوع 954712

لالالا ، غباء إيه بس يا أروى؟
ماتقوليش كدا
هو الراجل اللى غامض شوية فى رموزه ، و كلامه واسع
و انتى بتقولى لسا جديدة على الكلام دا

هو بيكتب فى جريدة المصرى اليوم ، كل يوم ما عدا الجمعة
و أشكــرك على المتابعة حديث آخر الأسبوع 954712

» حديث آخر الأسبوع
» حديث قدسي تهتز له الأبدان