كيف تعرف أنك في جامعة حــلوان - موضوع جامد جدا

هذا مقال من العدد الاخيره لجريده الدستور الاسبوعيه

بقلم محمد فتحى

حين تنام على انك فى جامعه قاهريه وتستيقظ لتجد نفسك فى جامعه اقليميه وان حلوان اصبحت مستقله

15 شئ يجعلك تعرف انك فى جامعه حلوان

1_ عندما يكون المترو هو وسيلتك المفضله فى المواصلات وكان عد المحطات هو لعبتك المفضله اذا لم تقابل الشله عند العربه الاخيره

2_اذا دعتك احد زميلاتك لدعوه لا تستطيع رفضها وهى ما تيجى نحلون بمعنى نروح محطه حلوان ونرجع فى المترو عشان نعقد

وهذه الصفه لاتتوفر الا فى حلوان يعنى مفيش ما تيجى نمرج على المرج يعنى او نشبر نسبه لشبرا الخيمه

3_اذا شممت رائحه غير لطيفه فى طريقك الى الجامعه فهي رائحه مصنع النشا والنوشادر

4_اذا تزامن موعد خروجك من محاضراتك مع موعد خروج موظفين شركه النصر للسيارات وطلبه مدرسه التدريب المهنى الذين يتعاملون معك على انك ( ابن المحظوظه)

ومع زميلاتك على انهم هيفاء وهبى رغم ان احلاهم تشبه (طنط شفيقه)

بتاعه بوجى وطمطم فى الجمال

5_اذا كان دخول اصحابك الجامعه اصعب من دخول وزاره الداخليه ذاتها ويقال ان حرس الجامعه ينفذون تدريبات تامين مصر ضد الاحتلال

6_حين تنام فى يوم على انك فى جامعه قاهريه وتستيقظ تجد نفسك فى جامعه اقليميه

7_اذا وجدت الطفطف فى الجامعه ولا تتعجب انت ليس فى دريم بارك ولا مرسى مطروح وانما فى جامعه حلوان

8_اذا ادركت ان الطريق الى جهنم اسهل من الطريق الى جامعه حلوان فمن السهل الوصول الى جهنم ما عليك سواء الانتحار وهو شئ منتى الرفاهيه مقارنته بوصولك الى جامعه حلوان

9_اذا قابلك الدكتور الذى يدرس لك فى المترو نفسه لو كنت تحبه سوف تقوم له وتدعوه للجلوس ولكن لو كان هناك خلاف بينكم هتعمل عبيط وتردد بين نفسك (ذنب ناس يخلصه المترو)

10_اذا تفنن العمال فى رش الزيوت والمازوت والهباب على اسوار الكليات حتى لا يجلس عليها الطلبه فهم بذلك لا يردون الطلاب فى الجلوس على الاسوار ولكن يرودن لهم ان يذهبوا فى ركن العشاق وراء المكتبه المركزيه وربنا حليم ستار

11_ اذا كانت المدينه الجامعيه تبعد عن البوابه الرئيسيه بمسيره شهرين بسرعه الناقه وثلاثه اشهر سيرا على الاقدام

12_اذا كنت سخريه جيرانك فى البيت منك وهو ان جامعتك فى صحراء جرداء لا زرع فيها ولا ماء

13_اذا اصبن بالتحجر الرئوى واعوذ بالله فتذكر ان هناك مطالبه منذ فجر التاريج بنقل مصانع الاسمنت القريب من الجامعه لما لها من اخطار على الطلاب لكن لا يبدو لا يعنى للحكومه التى ستبدا حمله تحديد النسل بالقضاء على النسل وخصوصه نسل جامعه حلوان

14_حين تسمع صوت صفاره تشبه صفاره الخفر الذين يطاردون مطاريد الجبل فى الواقع هو شئ اشبه لذلك عندما تجد فى تمام الخامسه العسكرى يصفر ليخرج الطلبه (المطاريد) الذين انهوا محاضرتهم ومن الاغلب ان هذا العسكرى تم تعينه من لجنه الحكام بالاتحاد المصرى لكره القدم وسيطرد ابو تريكه نفسه فى اول مباره له

15_حين تسال الدكتور عن سبب غلاء كتابه اوسبب ورود اسئله فى الامتحانات غير موجوده فى المناهج ولم تشرح فى المحاضرات فيقول(لا تسالوا عن اشياء ان تبد لكم تسؤكم)

انتهى المقال

علي فكرة الموضوع ده جامد جدا ومش غريبة علي مديرنا اللي مروقنا وممتاز يامحمد يافتحي

لا جامد
بس حلوه البنات شبه طنط شفيقه حرام عليكو ظلمتوها والله هى احلى طبعا
(لينا كليه نتحاسب فيها يا محمد يا صلاح)

nice topic

اقتباس :

علي فكرة الموضوع ده جامد جدا ومش غريبة علي مديرنا اللي مروقنا وممتاز يامحمد يافتحي

ربنا يخليك يا حسو

اقتباس :

ههههههههه روحي حاسبي محمد فتحي بقى عشان هو اللي كاتب المقال

اقتباس :

nice topic

الف شكر ياخوخة

انا والله بصراحة مش عارف اقول ايه؟ ده كأنه عايش معايا انا شخصيأ

وانا على فكرة بكره جامعة حلوان من كل قلبى,وبفكر احول زراعةعين شمس و اريح
ولا انت ايه رأيك؟ :?: :idea: :lol!: :lol!: :lol!: :lol!: :lol!: :lol!:

هههههههههههههه

ليه ياعم انتا ساكن في شبرا الخيمة ولا ايه ؟؟

موضوع جامد اوي وفي حاجات كتيره اوي موجوده فعلا
بس متهيالي ان الجامعه احلي من كده بكتير
كفايه المناظر الجميله اللي فيها
وسيبك من الناس
مشكوررررررررررررررررررررررررررررررررررررررر

اذا قابلك الدكتور الذى يدرس لك فى المترو نفسه لو كنت تحبه سوف تقوم له وتدعوه للجلوس ولكن لو كان هناك خلاف بينكم هتعمل عبيط وتردد بين نفسك (ذنب ناس يخلصه المترو)

ههههههههههههههههههههههههه
لا حلوة دي

nice topic

بامانه كلامك فى الجون

جامد بجد بيوصف الجامعة كانة عايش معانا......

انتى ايه رايك فى الجامعه ياجميل انا اول ما دخلتها كنت مخنؤه منها اوى بس بعدين لقيت الحياه حلوه فيها صح ولا ايييييييييييييييييييييه

جميل المقال
تسلم إيدك يابو صلاح

HaMaDa SaLaH كتب:: 9_اذا قابلك الدكتور الذى يدرس لك فى المترو نفسه لو كنت تحبه سوف تقوم له وتدعوه للجلوس ولكن لو كان هناك خلاف بينكم هتعمل عبيط وتردد بين نفسك (ذنب ناس يخلصه المترو)

بس دا لو كنت لحقت تقعد أصلا ..

HaMaDa SaLaH كتب:: 15_حين تسال الدكتور عن سبب غلاء كتابه اوسبب ورود اسئله فى الامتحانات غير موجوده فى المناهج ولم تشرح فى المحاضرات فيقول(لا تسالوا عن اشياء ان تبد لكم تسؤكم)

ههههههههههه

بجد جامده اوى والله وعندك حق فى كل اللى قولته
بس ليه ياعم مش كل البنات شبه طنط شفيقه فى برده بنات شبه عائشه الكلانى

لالالالالالالالالالالالالالا
بنات الفرقه الأولى السنه دى قلبوا الموازين
حسك عينك تتريق ع البنات (أنا منهم)
ده الفرقه الأولى السنه دى كلهم قمرات
(هسامحك بس عشان الموضوع ده اتحط قبل ما احنا نيجى)
أنا مش عارفه ليه بس حاطين راسكم براسنا وتقولوا علينا طنط شفيقه
وكمان اتفضل يا سيدى ..

واحد حاطط الصوره دى نسبة لبنات علوم
طب ده كلام بالذمه ؟
يالا مش مشكله . بس بجد موضوع جاااااامد .

سلاااااااااام

هههههههههههههههه والله لو هنتكلم بجد انا مش مقتنع باللي بيقول ان بنات علوم وحشين

كلية علوم زي اي كلية فيها الحلو وفيها الوحش

مش عارف بقى هما بيتكلموا في ايه

عموما مش انا اللي كاتب المقال طبعا بس اكيد اللي كاتب المقال بيهزر

موضوع جامد جدااااااااااااا"
بصراحة يا حماده

لكن الواحد بيرجع ويقول كل خلق الله حسن
فاهم انتا

لان الواحد اتحط خلاص قدام الامر الواقع
.................................
ashamed

LOL nice topic w alaa haga f el mwdoo3 eny 3rf sabab el re7a el w7shaa :XXXD

الموضوع جامد يا حمادة وحلو اوى النيو لوك اللى انت عملته للمنتدى

فعلا جامعه حلوان

تسلم ايدك

موضوع جميل بس انا بصراحة مش حسة بيه كله عشان انا مابجيش مترو

انتي حظك حلو يا سارة انك ما بتجيش متنرو

ماهو انا بتعذب في الميكروباص بجد بكره يومي بسببه عايزين يبقي في موضوع عن المعاناة الي في الميكروباصات بردو

» حفلة محمد حماقي في جامعة عين شمس
» جامعة حلوان فاضية في الصيف
» نظام الدراسة في جامعة حلوان
» فيلم بوشكاش جامد جدا بنسخة vcd
» فلاش جامد لتشريج الضفدعة