نظام الدراسة في جامعة حلوان

حبيت اقولكوا علي ان معاد الدراسة اصبح يوم 3/10 وتم الغاء اجازة يوم السبت نهائيا وسيصبح اول ايام الدراسة يوم السبت لذلك لابد من نزولنا السبت عشان نعرف جداولنا واصبح اليوم الدراسي يبدأ من الساعة الثامنة صباحا بدلا من الساعة التاسعة

وشكرا

ماشي يا حسو الف شكر

نظام الدراسة في جامعة حلوان Hosting-f5239e3b93

أعلن الدكتور محمد النشار، نائب رئيس جامعة حلوان لشئون التعليم والطلاب، عن ملامح الخطة العامة لمواجهة مرض أنفلونزا الخنازير

مبينا أن الجامعة تضم 70 ألف طالب تم توزيعهم على فترتين الأولى من الساعة الثامنة صباحا وحتى الثانية ظهرا، والفترة الثانية من الساعة الثانية ظهرا وحتى الثامنة مساء، بحيث يتواجد بكل فترة 35 ألف طالب فقط على مدار ستة أيام ، موزعين على 20 كلية سواء فى الحرم الجامعى فى عين حلوان أو فى محافظتى القاهرة والجيزة، بحيث ينتظم طلاب الفرقتين الأولى والثانية بالفترة الأولى وطلاب الفرقتين الثالثة والرابعة بالفترة الثانية، على أن يتم تبادل الفترتين فى الفصل الدراسى الثانى، وبحيث لا يزيد الحد الأقصى للطلاب فى المحاضرة عن 300 طالب.

وشدد النشار على ضرورة التأكد من وجود تهوية كاملة لقاعات المحاضرات والفصول وهذه الحلول الوقائية للحد من الكثافة الطلابية داخل الجامعة وخارجها، خاصة فى وسائل المواصلات من وإلى الجامعة، مشيرا إلى تواجد الإدارة الطبية بصفة مستمرة بالمبنى رقم (3) بالمدينة الجامعية، كما تم وضع خطة عامة وشاملة لنظافة الحرم الجامعى وكذلك تقسيم مواعيد تناول وجبات الغذاء والعشاء بين الطلاب للإقلال من الكثافة الطلابية داخل المطعم المركزى وتقرر منع تواجد الأطعمة داخل غرف المدينة الجامعية على الإطلاق، كما تقرر تكوين فريق عمل بكل كلية للتوعية بهذا المرض وأساليب الوقاية منه.

كما قرر مجلس الجامعة برئاسة الدكتور محمود الطيب رئيس الجامعة دعم تكنولوجيا المعلومات بالجامعة سواء من حيث الخدمات أو الشبكات أو المعلومات والمكتبة الرقمية، مشددا على ضرورة الاجتهاد فى اعتماد الجودة لكل كليات جامعة حلوان فى أسرع وقت ممكن ..

وقرر مجلس عمداء جامعة حلوان برئاسة أ.د / محمود الطيب رئيس الجامعة تخفيف الكثافة الطلابية وذلك بأن تكون الدراسة على فترتين الأولى من 8ص: 2 م والثانية من 2 م : 8 م وذلك فى إطار خطة الجامعة للوقاية من أنفلونزا الخنازير، فإجمالى عدد الطلاب بالجامعة ( 70 ) ألف طالب وبهذا الأسلوب يصبح إجمالى التواجد الطلابى بالجامعة ( 35 ) ألف طالب فى الفترة الواحدة

يا حسو عندنا فى الكليه العكس من 2 الظهر لحد 8 بليل انا مش قولتلك على كدا

بص ياحسو الجدول نزل في موقع علوم حلوان وبيقول غير كدة خالص

وكمان عامل اجازة السبت ( اتمنى ان يكون كلامي غلط وكلامك صح)

اللينك ادخل شوف بس دة جدول الفرقة الاولى

http://www.helwan.edu.eg/science/files/index.php?a=page&page=319&lang=ar

يا استاذ فارمو الجدول اللى انت جايبه ده بتاع كلية علوم حلوان سنة 2002 يعنى من واحنا فى اعدادى و بنشوفه من السنة اللى قبل افللى فاتت

يا على الجدول دا قديم جداااا ، موقع الكلية دا متحدثش من 2006 والجداول دي بقالها زمن متغيرتش وعلى فكرة انا متأكد من كلامي

فعلا الجدول ده قديم

شكرا يا ابو صلاح انك عرفتني

طيب انا عايز اعرف صحيح هنروح يوم السبت يعني هل مصدر المعلومات دي ياحسو صحيحة؟

ومرحب بيك يابشوي في المنتدى

اقتباس :

شكرا يا ابو صلاح انك عرفتني

العفو ياباشا دا واجب علينا

اقتباس :

طيب انا عايز اعرف صحيح هنروح يوم السبت يعني هل مصدر المعلومات دي ياحسو صحيحة؟

مع اني مش حسو بس هرد مكانه

هو لو الكلام بتاع الفترتين دا صحيح يبقى اكيد السبت مش اجازة عشان اليوم هيبقى صغير اوي ومضغوط فيهيحتاجوايوم تاني

بس ع العموم احنا نازلين السبت كدا كدا وهنعرف كل حاجة ان شاء الله

اوك وانا هنزل السبت ان شاء الله

شكرا لتعاونك معايا يا ابو صلاح

ياجماعة انا اسف لو في اي معلومة من اللي قلتها كانت غلط بس في كلام اتقالي امبارح من عضو معانا نزل الجامعة امبارح وشاف الجدول وبيقول ان اولي بيولوجي من 8 لحد 2 وتانية بيولوجي من 2 لحد 8 وغالبا كل تانيات هتبقي من 2 لحد 8 واكيد المعلومات الاكيدة يوم السبت لما ننزل ونشوف الجدول والجدول ان شاء الله يوافق رغباتنا كلنا

» نظام الدراسة بالكلية
» جامعة حلوان فاضية في الصيف
» الطلاب ايام الدراسة
» حفلة محمد حماقي في جامعة عين شمس
» كيف تعرف أنك في جامعة حــلوان - موضوع جامد جدا