ايه رايك فى الرياضة دى ؟

ايه ده
يا ما شاء الله فى حد مقتنع بيها كلعبة دفاع عن نفس
كلامك كله صح فعلا
بس هى من نوعية اللعب الى عاوزة البداية فيها تبقي من سن صغير يعنى اكبر من 10 سنين هيتعب فيها
الحزام بتاخده ف شهرين او 3 وممكن اطول من كده ده ع اساس المدة اللى بيحددها الاتحاد ويقرر يمتحن اللعيبة
هى كلعبة ممتعة ولكن فرعينها بصراحة الكاتا انا مش بحبها
هى اينعم كويسة ممكن للبنت لان مفيهاش احتكاك بحد دى مهارة فردية وبصراحة عاوزة تدريب كتير وصبر اكتر
اما عن القتال الحر واللى انا بحبه بقي فده اللى شيفاه افيد لانه بيعلم حاجات كتير
وهو قائم اساسا ع ان 2 بيحتكوا ببعض يعنى تتضرب وتضرب وتتدافع
انا شايفاها مفيدة وان كان الكتير يقولك دلوقتى بلا كاراتيه بلا بتاع يعنى خناقات اليومين دول اللهم ما احفظنا يها تشريح لا كاراتيه ولا غيره ينفع
بس انا عاوزة اقول انه بيعلمك حاجات كتير يعنى سرعة رد الفعل والتفكير السريع واخذ القرار وكده
وبصراحة انا من اشد محبي اللعبة دى
شكرا ليك اسامة ع ردكـ بجد اسعدنى

كويس انكوا متقبلين الرياضة دى
لان انا اعرف ناس كتير مش شيفالها لازمة ف الكون
وردا ع كلامك يا باشمهندس انا قلت انها بتعلم حاجات غير انك تدافع عن نفسك
هى بتربي جواك حاجات تانى انك متقبلش تتهزم تاخد قرار سريع تتحدى وتحاول وكده يعنى
عموما انا سيظل انتمائي الى هذه اللعبة مهما طال بى الزمن
لو حد حابب يستفسر عن حاجة انا هجاوب بس للعلم انا تخصصي قتال حر

ع فكرة الفرق بين الكاراتيه والتايكوندو
الكراتيه فيها ضربات ايد ورجل والتنين مع بعض بس التايكوندو رجل بس
حتى لما حد بيلعب كاراتيه يستخدم رجله كتير يقولولك ده قلبه ماتش تايكوندو لكن وبشكل عام
الرياضتين شديدتين الشبه ببعضهم مفيش فرق جامد حتى البدل تقريبا متشابهة
الكونغفو بقي بينقسم لحاجتين ساندا واساليب
انا لعبت اساليب ف 3 ثانوى وجبت تالت جمهورية بس ده لانى اصلا لاعبة كاراتيه ده ساعدنى لكن بصراحة ملعبتش ساندا
ومعلوماتى عن الساندا اللى هى شبه القتال الحر ف الكاراتيه والكونغفو
انها اعنف بكتير يمكن عندنا القوانين محكومة عن الكونغفو وكده
الكاراتيه احسن نوادى ف مصر هتلاقى سموحة الاهلى الصيد 6 اكتوبر الزهور
الكونغفو اتحاد الشرطة الزهور 6 اكتوبر
التايكوندو بحكم انى ملعبتوش ف الله اعلم

ممكن اجيبلك القوانين المكتوبة واللى انا اساسا عمرى ما قريتها :d
وممكن بردو اشرحلكوا انا شرح مبسط جدااا ع حسب معايشتى للموقف

اللى نفهمه اسرع يكون احسن

و اللى تقدرى تشرحيه و توضحيه هنفهمه اكتر طبعًا
يعنى اشرحى انتى و سيبك من الدَش

بسم الله
هبدا كلامى انا الاول وبعد كده اجيب القوانين

اولا.. الكوميتيه بما انه تخصصي

المباراة بتتراوح مدتها ما بين دقيقتين الى 3 دقايق حسب الفئة العمرية
والحالة الوحيد التى يتم فيها اضافة نص دقيقة هى الخروج بتعادل ولو بعد النص دقيقة خرجنا بتعادل هتحصل حاجة اسمها الترجيح وهى ان كل حكم بيرجح طرف والغالبية تقرر مين الطرف الغالب مع العلم بانهم 4 حكام ولو حصل ان حكمين وحكمين يبقي حكم الوسط هو اللى رايه يؤخذ بيه

ممنوع دخول اللعيبة باى اشياء حادة يعنى البنات مينفعش تدخل بدبابيس طرح او بنس او حلقان وسلاسل كده
وبردو بيشددوا ع موضوع الضوافر دى يعنى حرصا ع ان الاصابة متكونش بسبب الحاجات دى

اللعيبة فوق 14 سنة لازم يبقي معاهم حزام اسود علشان يقدروا يدخلوا بطولات

وداخل مربع المنافسة بيرتدى الطرفان حزامين ازرق واحمر لتسهيل التحكيم ليس اكثر

اما بالنسبة للزى فهو بدلة بيضاء عليها حزام ازرق او احمر
ولازم يكون فيه واقى فم و يدين وواقى للرجل مش لحاجة الا علشان حفاظا ع اللعيب التانى
واللعيبة تحت 10 سنين الزامى واقى راس

الحالات اللى بيتم فيها احتساب انذارات

الخروج خارج اطار الملعب ومساحته 8 متر فى 8 متر،
تعمد اصابة اللاعب بما يلحق الاذى باللاعب الاخر وليس لاحتساب النقاط،
التمثيل بتلقى اصابة و الحكم هو من يقرر احتساب انذار للاعب صاحب الضربة ام للاعب المصاب وفى الحالات الخطيرة يتم الاستعانة باللجنة الطبية،
معاملة الحكم باسلوب سئ،
اللعب السلبي لمدة طويلة ( لا دفاع ولا هجوم جرى بس )،
تدخل المدرب او الاهل والاعتراض ع قرارات الحكم ،
التحدث اثناء المباراة.

ده اللى انا فكراه

بالنسبة للانذارات تانى انذار تحتسب نقطة للاعب الاخر وثالث انذار نقطتين ورابع انذار طرد

لو الماتش وصل فرق النقط فيه ل 6 صفر فى السن الصغير و 8 صفر فى سن اكبر (فوق 14 سنة) بيتم انها الماتش لصالح الللاعب النتفوق عدديا فى النقاط

ضربات القدم فى الوجه ب 3 نقط وفى البطن ب نقطتين مع العلم ان فى ضربات كتير وكل ضربة لها شروط لاحتسابها
وضربات اليد غالبا بنقطة واحدة وذلك لانها لا تتطلب مجهودا كضربات القدمين

اللعب تحت اوزان
وبيختلف باختلاف المراحل العمرية

الاول بيكون فى بطولة محافظة بعد كده بتبقي جمهورية لو كنت ضمن اول اربع متاهلين
مع العلم ان اصعب محافظات هى القاهرة الجيزة اسكندرية

بس مش عارفة بعد انفصال اكتوبر عن الجيزة هيبقي ايه الوضع

اى استفسار تانى

بجد نظرة شاملة جميلة يا impact

ايوة كدا .. العلم نور فعلا

شكرا ليكوا ع المرور
نورتوا الموضوع جدا بجد
افتكر كفاية كده وندخل فى اى رياضة تانى ولا ايه ؟

حد يحب يقترح ولا اقرر انا

ماشي يا اسامة
مستنيينكــ

شكرا على المعلومات ديه وبجد الفكرة حلوة اووووى

ويا دوب كان اخرى فى اللعبه ديه اللى اعرفه فيلم مستر كارتيه بتاع احمد ذكى

وعلى فكرة انا من راى انها من انسب الرياضيات المناسبه للدفاع عن النفس وخاصه للبنات
لانها يعنى مشض محتاجه عضلات وتغير فى المنظر العام زى حاجات تانيه
وكمان رياضه اكيد ممتعه لاللى بيمارسها وبتدى له ثقه فى نفسه