ايه رايك في كلية العلوم

ايه رايكم ف الكلية ال..... دي وهل دخلتها بمزاجك ولا فصول مكتب التنسيق

بص يازوما .. أنا طول عمري كان نفسي ادخل حاسبات ومعلومات ولما دخلت الكلية كنت فرحان برده لغاية اما دبلرت ساعتها كنت حاسس اني مش هقدر اكمل في الكلية وان الكلية دي أصعب كلية في مصر لكن الحمد لله الامل رجعلي تاني وهحاول انجح السنة دي ان شاء الله

ربنا يوفقك يا حماده وكل طلبة الكلية

وانتا ماقولتلناش رأيك ليه ؟

انا رايى ان الكلية دى من المفروض انها من كليات القمة لكن للاسف التعليم فيها و فى مصر عامة زى ال......................

انا رأى انها كلية زى :roll: الفل

وشباب زى الفل

وبنات زى الفل

ودكاتره زى الفل

الحياه فيها بمبى على طول

دي أكيد تريقة يا حودة

التانيه
والتالته
مش تريقه

ههههههههههههههههههه

شكرا ع الرد يا جماعة

دعنا نتفق ان كلية العلوم صعبة للغاية
بس بجد مستقبلها حلو جدا
واللي هيتعب فيها لازم يلاقي حاجة كويسة
ولايضيع الله اجر من احسن عملا

شكرا ع الرد يا 7asso
و ربنا يوفق الجميع لن شاء الله

الحمد لله الكلية تمـــــــــــــــــــــــــــــــــــــــــــام على الآخر
وداخل الكلية برغبتى والحممد لله همسى فى تخصصى بس انجح السنة دى صافــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــى

ربنا يوفقك يا شقي

و بالتوفيق

انا كان نفسي اوي ادخ كليه السن
بس للاسف ماجتليش فقررت ادخل اداب لغات شرقية
لاني بحب اللغات جدا وكان نفسي اوي اطلع مترجمة بس ربنا رزقني بكلية علوم وسبحان الله ربنا كان رايدهالي كانت كل الابواب التحويل متقفلة في وشي وكل محاولاتي فشلت حتى لما رحت لكليات لغات خاصة برضه حصلت عصلجة والمواضيع ماكملتش حسيت ان ربنا بيقولي حتخوشيها يعني هتخوشيها فدخلتها بس دخلتها متاخر لظروف النقل لانها جاتلي في جامعة تانية يعني كان ربنا مصر على اني ادخلها حتى جاتلي اقاليم كان ما فيش كلية في مصر غير علوم واديني دخلتها ويا عالم هخرج منها امته ربنا يسترها وكمل فيها على خير او ما كملش واحول السنة اللي جاية مش عارفة سايباها على ربنا يمشيها بتدبيره

طالما كل الابواب اتقفلت في وشك كده ومدخلتيش غير علوم ، يبقى ان شاء الله حتنجحي فيها وتتخرجي بسرعة

لأن ربنا دايما بيقدم الخير

و الله انا عن نفسى بحترم كلية علوم جدًا
اكتر كلية بقدرها من بين كل كليات مصر
بس انا مادخلتهاش ولا عشان تنسيق ولا عشان رغبة
و عامةً قل لن يصيبنا إلا ما كتب الله لنا
و ماحدش يعرف الخير فين
و عسى أن تكرهوا شيئًا و هو خير لكم
يعنى اللى شايف علوم صعبة .. هى فعلا صعبة بس ممكن تبقى ممتعة لو اللى فيها حاول يحبها شوية .. و خد الموضوع على انه تحصيل علم مش جلب تقديرات فى مواد
و عامةً كلية العلوم هى اللى هتكون صاحبة فضل فى عودة الحياة العلمية فى مصر إلى ما كانت عليه منذ قرون ، دا لما يحصل بمشيئة ربنا يعنى

ربنا يسمع منك يا ابو صلاح وميرسي اوي على الرد

وميرسي اوي كمان ليك يا باش مهندس فعلا ما حدش عارف الخير فين

ربنا يسهلها من عنده

انا رايي اني كليه علوم دي كليه جميله جدا وهي كمان مشواخده حقها في مصر وكمان في بايظه في مصر اناحاسس اني بضطر احفظ كل حاجه المفروض الواحد يفهم لان العالم شغلته انو يفهم ودي ازمه التعليم في مصر كلها ودا انطباع بناخدو من الثانويه العامه بس هنعمل ايه هو دا النصيب
وانا كاننفسي جدا ادخلكليه هندسه ميكانيكا من صغري لاني بحب افكك كل حاجه واصلحها واركبها
وفي الاخر ربنا يستر السنادي علي كل حال

عندك حق يا سعدة فعلا الحفظ عندنا بقى أكتر م الفهم

ربنا يستر علينا

انا كنت عاوزة هندسة بردو

بس جاتلى اداب تخيلوا

قمت حولت واللى جابت مجموعى علوم حلوان

الحمد له ع كل شئ وسبحان الله بجد انا اتحديت العالم كله علشان ادخل علوم ومع ذلك لما دخلتها كسلت فيها جداااا

ولو دبلرت باذن الله هحول اى كلية خفيفة كده

ادعولى انتوا بس

كلية علوم كليه روعة بمعنى الكلمة حتى وان كانت صعبة بس حلاوتها في صعوبتها

واانا شايف اني اي انسان فشل فيها ويحاول تاني لانها مش هتتعوض
واحلى قسم فيها الجيولوجي بتاع الملوك
ودكاترته احلى دكاتره وناس تقيله بدرجة خرافية
وربنا يسهل ونجيب تقديرات كويسه ومن سنه الى سنه وان شاء الله نتخرج ونشتغل شغلانه بنت حلال

اقتباس :

ولو دبلرت باذن الله هحول اى كلية خفيفة كده

لو عاوزة نصيحتي بلاش يا impact تحولي أي كلية تانية حتى لو سقطتي في علوم لان السقوط دا حاجة طبيعية عندنا في الكلية وممكن بعد كده تبقي حاجة كويسة والله أنا اعرف ناس كتير كده

وانا عن نفسي كنت دبلر السنة دي بس حولت علوم أرض لأني لاقيتها اسهل من فيزيائية

وربنا يوفق الجميع .....

اقتباس :

واانا شايف اني اي انسان فشل فيها ويحاول تاني لانها مش هتتعوض

عندك حق يا أوس والله

شكرا ع المرور لشباب و بنات احلي كلية

ربنا يوفق الجمييييييييييييييييع

كلية العلوم دي كلية جميلة اوي انا كان نفسي ادخل صيدلة لكن قدر الله وماشاء فعل ولما جتلي كلية علوم انا فرحت اوي لأ ني كان حلمي في الاول علوم لكن احب صيدلة اوي عشان كدة سميت اسمي فارمو اختصار لكلمة صيدلي بالانجليزي في المنتدى والايميل وما زلت اعشق الصيدلة مش معنى كدة اني بكرة علوم لا انا بحبها بردو بس حبيت صيدلة اكتر وبفكر ادخل كلية الصيدلة بعد ما اخلص كلية العلوم وارجوكم ادعولي ياجماعة يتحققلي هذا الحلم يارب انفع في علوم واخش بعدها صيدلة يارب يارب يارب

» 10 اسباب تجعلك تعرف انك فى كلية علوم حلوان.......!!!!!
» ايه رايك فى الرياضة دى ؟