مداد قلمي وفكري ......خيال

جميل الكلام يا أس
لكن انت شايف ان الجيش نفسه صالح بشكل يسمح له انه ينقد الحكومة او يعلق على أفعالها؟
إن كنتَ أنتَ ترى هذا فلستُ أرى أى شئ يوحى بهذا
لما تكون ضابط احتياط (( مهندس )) و يكون كل اللى عليك تقول حاضر تمام يافندم من غير ما تفهم انت بتعمل ايه ليه و عشان ايه .. و لو قلت ليه تبقى وحش و ماتعلمتش الادب و القائد بتاعك هو اللى هيعلمهولك بانه يضطهدك و ماينزلكش اجازة كاملة و يملى اجازتك بمأموريات .. هل الجيش اللى فيه الكلام دا يبقى جيش صالح انه ينقد حركة ثور فى ساقية - مع احترامى - .. فما بالك إذا كان عليه أن ينقد سلوك حكومة فى بلد كمصر؟
الفساد منتشر فى كل الأجهزة بكل أسف ..
لى أن أؤمن بأنّ الأجهزة و الهيئات فى مصر فى حالة من الوباء ..
و لكن لى أن أقول أنّ هناك أمل و لن يزال هناك أمل حتى تطلع الشمس من مغربها
على أى حال أحب الفت انتباهك ان الجيش ماتتعشمش فيه قوى على وضعه دا لان الناس اللى بيترقوا فيه هم بتوع تمام يافندم من غير ما .. (يفهموا) حاجة .. و ما تقولش دى سياسة عامة .. دى سياسة ان اللى فوق عايز اللى تحت إيده يكون لا يفقه شئ .. إيه السبب؟ .. الأسباب كتيرة بس انت ابحث فى جوجل

بصراحه أنا على الرغم من أنى اتنكدت آخر نكد فى الندوه خصوصا بعد الفيلم اللى إتعرض بس برضه إدونى حبه أمل أن لسه فيه ناس على جميع المستويات بتحاول تعمل حاجه وحتى وإن كانوا بيفشلوا بنسبه 99 % فلسه فيه 1% بيكسبوه..

موضوع الحل فين وإذاى دى فمحدش يقدر يجاوب على السؤال دا بس نقدر على الأقل ناخد خطوات،بمعنى:

1- لازم كل واحد يبدأ يصلح نفسه واللى حواليه لأن ياجماعه اللى يقول أن الحكومه بس هيا اللى بايظه يبقى غلطان ،إحنا كشعب مصرى بظنا كمان ..ماهو مثلا تدخل محل وتلاقى البنت اللى بتشتغل فى المحل سايبه شغلها وبتكلم صاحبها من تليفون المحل ودا سرقه فالحكومه ملهاش دعوه بالموضوع...
لما تلاقى الناس بتغش فى الإمتحانات بردو الحكومه ملهاش دعوه بالموضوع....

لما تلاقى الناس معندهاش أمانه فى حياتها كلها ومحدش بيراعى ربنا فى أى حاجه دا بردو الحكومه ملهاش دعوه بيه...

طبعا الحكومه ليها نصيب الأسد من اللى إحنا فيه لكن للأسف أن إحنا كمان كشعب راحت مننا حاجات كتير ومحتاجين وقت كبير عشان نظبط قيم كتير راحت مننا ....

2-ذى ماأنت قلت الشعب المصرى غير مثقف تماما،وبيترعبوا أصلا من مجرد سيره السياسه والتعليق المعتاد اللى هتسمعه "لا ياعم وإحنا مالنا إحنا مش عايزين نروح ورا الشمس" رغم أنك عادى يعنى مش بتقوله تعالى مظاهره ولا حاجه دى كجرد مناقشه...فلازم  بكل السبل كل مواطن يعرف حقوقه وواجباته كويس أوى ويعرف أنه حقه محدش هياخده غيره،اه طبعا الدعاء كويس وكل حاجه وإحنا سايبين كل حاجه على ربنا بس ربنا سبحانه وتعالى قال "إن الله لا يغير مابقوم حتى يغيروا مافى أنفسمهم"
فلازم نتوكل على الله ونبتدى نحاول نغير الواقع اللى إحنا فيه دا..

كان شباب 6 إبريل بدأوا حمله كدا من حوالى شهر إسمها وسطيتك مصريتك الهدف منها أن كل مواطن يعرف حقوقه وواجباته كويس وهكذا، أنا حسيتها كفكره كويسه ولو اتظبطت كويس وأختير الخطاب الموجه للناس كويس هيعمل تأثير جامد إن شاء الله

اللى عايزه أقوله...
إيه اللى هيحصل دا وإذاى دى حاجه فى علم ربنا وعمرنا ماهنعرف نعرفها فمفيش قدامنا غير أن إحنا نشتغل على اللى قدامنا ونحاول نوعى الناس،حاجه مثلا ذى الندوه بتاعت نقابه الصحفيين دى ...بجد أنا استفدت منها جدا بس للأسف العدد كان قليل طب ليه؟؟؟
ليه ياجماعه منحضرش الندوات دى وغيرها صدقونى هتغير كتير ،ومش عايزه بقى الله يخليوكوا حد يطلع يقولى أمن الدوله ومش أمن الدوله ،ياجماعه دى مجرد ندوه وأمن الدوله مبيعملش حاجه طول مإحنا مبنتحركش فى الشارع وأديك شوفت ياأسامه الأمن المركزى اللى كان موجود قدام النقابه ومعملوش حاجه حتى والأستاذ محمد عبد القدوس بيهتف ...

يعنى أنا رغيت كتير بس حاولت أقول كل اللى فى دماغى ويارب تكون وجهه نظرى وصلت...

بحييك على المقال الرائع... 

اذا الشعب يوما اراد الحياة فلا بد انا يستجيب القدر
ولا بد لليل انا ينجلي ولابد للقيد ان ينكسر


أعتقد أنك لخصت كل الموضوع فى هذه الأبيات...
تحيه مره أخرى على الموضوع الهادف والمناقشه المفيده...

أكيد يافندم...
هذا شرف لى...