عرفنا بنفسك يا نيوتن المستقبل

impact كتب:: السلاااام عليكم

حلوة نيوتن المستقبل دى عجبتنى فيها شوية طموح كده

المهم

انا اولى علوم فيزيائية

اهتماماتى بعد ما دخلت الجامعة بقت بسيطة جدا مع انى كنت قبل كده اثناء الثانوية حتى مشغولة بحاجات كتييييير جدا

بقيت بحب التنس من ساعة ما شفت بطولة رولان جاروس

ومبحبش الناس الى مبتتفرجش ع الاخبار او مبتقراش جرايد

اما عن القراءة بشكل عام فمن وانا صغيرة جداااا بحب اقرا ف كل حاجة وغالبا كل فترة ليا اهتمامى بمجال معين

اممم ونفسي مموتش زى ما اتولدت وكده

بس بما انى فاشلة ف الكلية اوى كده فغالبا الامل ف اولادى بقي

كفاية كده بقي

سلامز

أهلا و سهلا بيكــى
و ان شاء الله هتلاقى الأمل دا على طول
و ما تقلقيش .. هتلاقينا بنحب نعرف اللى بيحصل حوالينا
و فيه قسم كاامل خاص بالجرايد كمان smile 1

أهلا بيكى مرة تانية
و ان شاء الله تحسى معانا بجو أسرى جميل

لالالا انا مش معقدة للدرجة دى بس ع الاقل الناس تبقي فاهمة اللى بيحصل حواليها يحنى
ولا ايه
ربنا يزيدكم عموما وواضح انكوا منتدى جميل

منورانا اكيد

واوفق كلام حبيبي احمد الباش مهندس والحياه حلوة معانا وكلها تفاؤل
ولو على الجرايد والاخبار بس خليكي معانا وهتعرفي الي بيحصل في القطب الجنوبي

إزيك معانا هنا في المنتدى وهما قالوا الباقي أناسعدني[/b]

اهلا بيكوا كلكوا بس بالله عليكم شيلوا حوار جرايد ده من دماغكوا
ده كان حاجة كده زى هزار انا اساسا بدات اقرا جرايد من 10 ايام كده :|

ماشى يا impact

بس عامةً احنا مش بنقرا الجرنان من الجلدة للجلدة يعنى
احنا بس بنجيب مقالين كدا ولا حاجة يكونوا بيتكلموا عن قضية تهمنا كلنا و نتناقش فيه
بس كدا

او تتفرجوا ع الاعلانات مثلا
عادى عادى :d

impact كتب:: او تتفرجوا ع الاعلانات مثلا
عادى عادى :d

ههههههه
طاب بصى يا impact
تيجى نعمل صفقة؟
هقول لك يا ستى على مجموعة مقالات فى الصميم
المقال من دول تعرفى منه اكبر و اهم القضايا و انتى مش قادرة تمسكى نفسك م الضحك
و اسألى مجرب .. ولا إيه يا أسامة؟
بصى يا ستى
أى موضوع مكتوب فى آخره ( .. جلال عامر ) ماتكسليش تقريه
و انتى اللى هتحكمى على كلامى دا لو جربتى
مستنى ردك

بس انا مش عايز الكلام ياخدنا برضه
احنا مش بتوع جرايد و بس sad

بس المشكلة ان اليومين دول الامتحانات واكلة الجو فعشان كدا النشاط بتاع اليومين دول معظمه فى كلام جرايد
بس نوعدك ان شاء الله بمستوى تانى خالص من اول يوم الجمعة الجاية بإذن الله .. تكون الامتحانات خلصت
بس برضه زى ما قلت لك كدا exactly

و اسألى أسامة biggrin2

ابصم بالعشرة جلال عامر ده مسخرة

بس انا مش بتاع جرايد بس ولا احمد زي ما قال انا اولا كييف شعر بألف وبقرأ وبحب التاريخ جدا
بس استنى الامتحانات تخلص exactly

الامتحانات خلصت بفضل الله وكانت نهاية طيبة بفيزياء دكتور الزينى ربنا يكرمه

المهم انا هشوف مين جلال عامر ده اللى عاجبكوا واقولكوا رايي فيه

وبجد بطلوا تتكلموا عن الجرايد بقي مكانتش كلمة :(

انا معرفهوش الراجل ده يااوس وعامة مرحبا بيكي يا impact

7ASSO كتب:: انا معرفهوش الراجل ده يااوس وعامة مرحبا بيكي يا impact

دوّر عليه تلقاه ياللى عينيك شايفاه biggrin2

قم بزيارة قسم كلام جرايد و ستجد كل ما يسرك

impact كتب:: الامتحانات خلصت بفضل الله وكانت نهاية طيبة بفيزياء دكتور الزينى ربنا يكرمه
المهم انا هشوف مين جلال عامر ده اللى عاجبكوا واقولكوا رايي فيه
وبجد بطلوا تتكلموا عن الجرايد بقي مكانتش كلمة :(

اجازة سعيدة
و الحمد لله ان امتحان الفيزيا جه كويس
انا كنت سامع خير عن الراجل بتاع الفيزيا دا
ياللا بالتوفيق
و حاااضر .. هنبطل كلام

متشكرة جدا ع ترحيبكم بياا يا جماعة
لا اتكلم براحتك يا باشمهندس و ع فكرة انا قريت لجلال عامر ده كام حاجة كده دماغه حلوة بس لغته غريبة حبتين

hi all

iam very surprised to find a forum just for science faculty in helwn univ
wooooooooooow
what a great step

my name is mohammed
my nick name is le general

this was the last year for me in the faculty
i hope to graduate
iam 21 years old

iam in the medical biophysics section in the faculty

i can help any one in my branch

i want to inform u that we have a big forum in biophysics
me and some students in the 4th year had established it
and we r the admins

غير مسموح بوضع روابط منتديات أخرى
so if u need a help

i can give some to u

finally
iam so happy o be amember in this forum

and make sure that i can help with a good scientific materials
ok
good luck for u allllllllllllllllllllllll

welcome, le general
in fact i prefer if you'd spoken in Arabic
i see that we have our own language which is beautiful enough
anyway, u r welcome
u can help the ones u want to help through this forum, here
it is not a condition that help takes place in just one place
anyway, u r really welcome, and we hope to see u again and again
by the way, i spoke in English just to tell u we can understand u biggrin2

don't get angry, i'm joking
but i think that Arabic is good too
welcome, our new member !!

impact كتب:: متشكرة جدا ع ترحيبكم بياا يا جماعة
لا اتكلم براحتك يا باشمهندس و ع فكرة انا قريت لجلال عامر ده كام حاجة كده دماغه حلوة بس لغته غريبة حبتين

حيّرتينا معاكى يا impact biggrin2

انا بهزر
عامةً كويس ان دماغه عجبتك
انا ماعرفتش انك قريتى له غير من كلامك دا
و بخصوص حتة لغته ، فدى قد تكون متعمدة شوية
لانه حابب يعبر عن اللى عايز يقوله بشكل ساخر يعرفك الهَم الحاصل من غير ما تشيليه
و بتحصل معاى شخصيًا انى اضحك و انا بنزل دموع بكاء مش دموع فرح اثناء قراءتى لكلام الراجل دا

انا قريتله بعد ما انتوا قلتولى عليه
عموما بشكل عام هو ظريف جدا
انا حبيت اصلا انى عرفت حد جديد فى ناس بتحترم كلامه كده تقدر تقول كده بتزودولى خبرتى :d

[size=18][/size]

es7abe el 7elweeeeeeeeen
ezzayoko

ازيك يا محمود؟
مرحب بيك
نورت بيتك
ان شاء الله تكون سعيد معانا
و تحس بدفء أسرى

السلام عيكم
معاكم \ محمود احمد (البرنس)
اولى بيولوجي

وناوي وامري لله اكمل في الكليه

ربنا يستر
laugh1

مرحب بيك مرة تانية يا برنس
و بالتوفيق ان شاء الله

هههههههههههههه

ناوي تكمل في الكلية
هتتقتل هتتقتل biggrin2

البجية في حياتك
عموما ميت هلا فيك

أهلا بيك يا محمود منور المنتدى وكل بتوع بيولوجي منورين

وان شاء الله تكمل في الكلية على خير

السلام عليكم ورحمه الله وبركاته
انا اسمي هبه أسامة
تاريخ الميلاد: 1/3/1988
بكالوريوس كيمياء ونبات ان شاء الله
بحب اسمع الشعر
بحب أسمع فيروز وكاظم ونجاة
ومن الجيل الجديد تامر حسني وأكمل وجنات
نفسي اجيب تقدير كويس وأشتغل في مجالي..

انتى بقيتى واحدة مننا خلاص يا هبة
نورتى المنتدى بجد

» كيف عرفنا تركيب قلب الأرض؟
» دوّر بنفسك
» عالج نفسك بنفسك
» اعمل سوفت لموبايلك بنفسك