غضبى من الفرانكو

محتويات الموضوع

اقتباس :: 1. غضبى من الفرانكو
مقدمة

2. الفرانكو عن قرب
يشرح تاريخ و فكرة الفرانكو

3. لكل داءٍ دواء
العلاج

4. ضد استخدام لغة الفرانكو اّراب
مجموعة على الـ Facebook

غضبى من الفرانكو

منذ رأيتهم يكتبون حروف لغتى بحروف لغةٍ أخرى شعرتُ بالألم .. ألم الإهانة و فقدان الكرامة .. اللغة التى اختارها الرب ليقول بحروفها كلامه الطاهر الشريف العظيم ؛ اختار الرب لكتابه الذى لن يحرف اللغة العربية. و نحن الذى رزقنا الله هذه اللغة نتخلى عنها ، ليس بتحدث لغةٍ أخرى فحسب ، بل نهينها و نقلل منها أصلا ..
فقد أصبحنا نشير فى كل كلمة إلى فقر و عجز و تقصير الحرف العربى ؛ فصرنا نصرح بأنّ الحرف العربى غير قادر على أداء دوره فى لغته ، و الحرف الأصلح هو اللاتينى. يا للمهذلة ! يا للحسرة ! يا للألم ! لدموعى أن تنهمر فوق أوراقى و أقلامى. لى أن أنسحب من عملى ، من كليتى ، من وسائل المواصلات التى أركبها ، من الشارع الذى أسير فيه ، من غرفتى ، بل من ملابسى هى الأخرى. لى أن ألقى كل الاستحقار منّى حين أوجه عينىّ إلى مرآة.
لمَ كل هذا؟
صرختُ و صرختُ ثم صرختُ لأصرخَ ثم أصرخَ ، و سأصرخ متألمًا من هذا العبث و هذه الرؤية السطحية التافهة ؛ لكنّى لن أدين طرف لأنّى بكل بساطة جاهلٌ فلستُ أدرى من المسئول عن هذا. وزارة الثقافة؟ المعلم؟ الأستاذ الجامعى؟ المعيد؟ الرئيس؟ قائد المترو؟ سواق الميكروباص؟ ضابط المرور؟ المرشد السياحى؟ السبّاك؟ الممثل؟ أم أنا؟
سقط القناع و انكشف المستور و اتضحت سطحية رؤية شباب الجيل و فقر تفكيره حين خاطبتُ بعض الشباب قائلا ..

اقتباس :

لأجد الرد فيما معناه ...

اقتباس :: انا مش عارف أماكن الحروف العربى فى الكيبورد فبكتب الحروف كدا عشان ماتعذبش

أترون ما هو سبب تجريد الحرف العربى من ملابسه و انتزاع كرامته و سلبه كل ما يمتلك ؟ ؛ السبب هو أنّ ...
الــبيه و الــهانم عشان وقتهم الثمين ، ماكنش عندهم وقت يحفظوا مفاتيح الكيبورد غير بلغة واحدة ، و لأنّ الانجليزى هو لغة العصر فاضطر المسكين و اضطرت المسكينة ، يا عينى النبى حارسهم ، يحفظوا الكيبورد بالانجليزى ، و طظ بقى فى الحروف اللى ربنا كرمها بانه ينزل كلامه بيها .. يابا عيش ، طنّش تعيش ، الحياة صنية بطاطس يا تاكلها يا تسيبها تحمض !
العجيب ان دا كلام أكثر من فئة .. و من اللى بيقولوا كدا ناس فاهمين ان عندهم فكر و عايزين يوصلوه للناس و بيكتبوا مقالات بقى و بيتناقشوا مع الناس و حاجات كدا.
ما أحقرنا و ما أتفهنا !
دلوقت بس اقدر اقول كان له حق جاهين لما قال ..

اقتباس :: إنسان أيا إنسان ما أجهلك!
ما أتفهك فى الكون! و ما أضألك!

المهم .. كان ردّى و لا زال ..

اقتباس :: أسخف شئ فى الحياة انك تسأل واحد انت مش بتصلى ليه يا حمّص؟ تلاقيه بيقول لك .. سورى يا أونكل ، بس أصلى مش حافظ الفاتحة !

يا للفضيحة !
هى بجد فضيحة .. و انا مش ببالغ و مش بقسو على حد .. امبارح انا كنت زعلان عشان الناس و هى ماشية ف الشارع بتستخدم تعبيرات مش عربية! شفتوا دلوقت بقيت زعلان ليه؟ شفتوا دلوقت الوضع إيه؟
طبعًا انا مهما قلت ماحدش هيتصور مقدار غيظى من الموضوع ، ياخى مانتش عارف تحفظ غير لغة .. احترم نفسك و احترم قومك و احترم ربنا و احفظ اللغة العربية .. ماهو ربنا لو كان ينفع ينزل القرآن بأكثر من لغة كان نزله إنما قال

اقتباس :: أعجمى و عربى؟! ... (فصلت)

يبقى ربنا لما فكر يختار لغة واحدة اختار العربية و احنا بكل تفاهة و قلة أدب نهجرها بالشكل المقزز دا؟
و الله العظيم عيب و حرام و وقاحة كمان !
طاب بالزمة لما نجيب عيال ، دا لو هنجيب يعنى ، هنكلمهم ازاى؟ هنكون ليهم قدوة ازاى؟ إزاى هنكون همزة وصل بين آبائنا و بينهم؟
لانى مش عايز أحرق دمى عن كدا ، فانا هتوقف عن انفعالى دا و هقول ...
يا (شباب) انتو المعارضة بتحبكم و بتحب انكم تفكروا و تبقوا فى صفها ، الحزب الوطنى حلمه انكم تفكروا بس تنصروه و تبقوا فى صفه ، طبقة الكتـّاب و المثقفين تتمنى تكونوا معاهم و تقروا و تكتبوا و تثروا الحياة الثقافية فى مصر و العالم العربى و الإسلامى ، الدعاه المتشددين و غير المتشددين نفسهم و منى عينيهم تبقوا معاهم ، ربنا لو اتقربتوا منه شبر هيتقرب منكم ذراع ، شايفين كام فئة هتموت عليكم؟ و يشرفها انكم تبقوا معاها ، و انتو بتعملوا ايه و بتفكروا ازاى؟

استخدام الفرانكو و قبولها إهانة للعربية و للحرف العربى
استخدام الفرانكو و قبولها هو بداية طريق الانسلاخ من ثقافتنا و ديننا ، دا لو لسا عندنا ثقافة بتاعتنا و دين بتاعنا !
استخدام الفرانكو و قبولها هو إنذار لاننا قريب جدًا هنبقى زى الجزائريين كدا ، مابيعرفوش يقولوا جملة على بعضها بالعربى
و انا اهو بقول .. احنا هنُسأل ازاى جالنا قلب نعمل فى لغتنا و لغة القرآن و اللغة اللى كرمها ربنا – كدا .. هنُسأل ولادنا و أحفادنا ازاى و ليه توصل لهم اللغة مشوهة التشويه دا و تافهة التفاهة دى و مسطحة السطحية دى
يااااااااااه .. شوفوا كدا الكلمة دى

اقتباس :: بلسانٍ عربىٍّ مبيــــــن

سامحنى يا رب انى ساعات قريت فرانكو و مادعتش الكاتب لانه يعدل و يرجع عنه ، انا عن نفسى من دلوقت وقت ما هقرا فرانكو ، مش هسيبه ، لأ هقراه و هتفاعل مع المكتوب و الكاتب بس مش هسيبه غير لما ادعوه للعودة للعربية ، لو لم يعد انا مش هزهق و هدعوه تانى و تالت و رابع و انا متذكر كويس كلمة .. و لكنّ الله يهدى من يشاء
يا رب من الموضوع دا نبدأ سوا صفحة جديدة خالية من أى تشوهات لغوية

بقلم أحمد فؤاد
الثلاثاء 16 / 02 / 10 م

سيلاحظ القارئ انى تحولت فى كلامى من الفصحى إلى العاميّة ، لم يكن هذا متعمدًا أو ربما كان ، حقًا لستُ أدرى ، لكنّ التفسير عمومًا هو انفعالى و الذى أجبرنى على الخروج عن السياق ، فاعتذر لك عزيزى القارئ ، فأنا آسف

مش عارفة اقولك ايه بجد كلامك صح مليون فى الميه .. انا قررت اعمل زيك من النهاردة هحارب الفرانكو ومش هسكت عليه وربنا يقدرنا على فعل الخير
وبجد اهنيك على موضوعك دا

شكــرًا يا أميرة على كلامك الجميل و استجابتك و تعاونك
شرفنى مرورك غضبى من الفرانكو 954712

احنا اللى سبنا الدنيا تبوظ كدا ، يبقى لازم احنا اللى نصلحها

بصراحة انا موافقك في كل حرف قولته

لكن الموضوع مش هيتصلح بسهولة

انا بقترح نعمل حملة على Facebook لمقاطعة الفرانكو

شرفنى مرورك يابو صلاح
كلامك مظبوط
بس هو فعلا فيه جروب ع الفايس بوك لكدا
هبقى اجيب اللينك بتاعها فى تكملة الموضوع ان شاء الله غضبى من الفرانكو 954712

الموضوع جميل يا باشامهندس وفكرته جيده

شرفنى مرورك يا تيتو غضبى من الفرانكو 954712

والله عندك حق ف كل كلمه يا أحمد

أنا عن نفسى بكره حاجه اسمها فرانكو
وياريتها جت عليه وبس
ده كمان احنا بوظنا اللغه خاااالص
ده الواحد بيتكلم 3 لغات ف وقت واحد ويقول انه بيتكلم عربى
(مش بقول انى مابعملش كده) بس أنا اتعودت ع كده
خد دى مثلا :
واحد عاوز يشكر أستاذه يقول له ايه؟
"ميرسى يا مستر"
لو ركزت شويه ف الكلام ده هتلاقيهم 3 لغات ف جمله واحده (ونقول اننا بنتكلم عربى)
ميرسى (فرنسى) - يا (عربى) - مستر (انجليزى)
شكرا ع الموضوع الرائع يا أحمد
وطبعا هيتم تثبيته

عندك حق انا مش بحبه اساسا بس في ناس كتير بيكتبوا عربي غيرك انتا وخيال

عصايه هانم كتب:: والله عندك حق ف كل كلمه يا أحمد
أنا عن نفسى بكره حاجه اسمها فرانكو
وياريتها جت عليه وبس
ده كمان احنا بوظنا اللغه خاااالص
ده الواحد بيتكلم 3 لغات ف وقت واحد ويقول انه بيتكلم عربى
(مش بقول انى مابعملش كده) بس أنا اتعودت ع كده
خد دى مثلا :
واحد عاوز يشكر أستاذه يقول له ايه؟
"ميرسى يا مستر"
لو ركزت شويه ف الكلام ده هتلاقيهم 3 لغات ف جمله واحده (ونقول اننا بنتكلم عربى)
ميرسى (فرنسى) - يا (عربى) - مستر (انجليزى)
شكرا ع الموضوع الرائع يا أحمد
وطبعا هيتم تثبيته

شرفنى مرورك يا عصاية
شكــرًا على التثبيت
و كلامك مظبوط
و انا أشرت لدا ف الكلام ..
لما قلت انى امبارح كنت زعلان اننا بنستخدم تعبيرات غير عربية ، دلوقت الموضوع بقى اننا بنهجن العربى
أحييكِ على المشااركة الجميلة غضبى من الفرانكو 954712

7ASSO كتب:: عندك حق انا مش بحبه اساسا بس في ناس كتير بيكتبوا عربي غيرك انتا وخيال

شرفنى مرورك يا حاسّو
بس انت فهمت غلط
انا قلت انا و خيال لان الحديث اللى دار ماحدش فيه كتب عربى غيرنا
انا واخد الكلام اقتباس عشان كدا
عشان يوضح ان الكلام حاصل فى موقف
لكن خلينى اتكلم عن نفسى ...
انا مش فاكر نفسى حاجة كبيرة بالشكل دا
انا و لله الحمد صفر ع الشمال يعنى ، مش حاجة كبيرة كدا
فماتوصلش ابدًا لانى اقول ها أنا ذا من أكتب العربية
اتمنى ماتفهمش انى متكبر او فيا حاجة زى كدا
و شكــرًا لمرورك مرة تانية

شكرا للتوضيح

الفرانكو عن قرب

اقتباس :: عندنا النهاردة موضوع مهم
يمكن فى ناس تعرفه وفى ناس ماتعرفوش وبتدور عليه
قولنا نفيدهم فى الموضوع ده ونعرفهم الدنيا ماشة ازاى ومنين رايح على فين
موضوعنا النهاردة بيتكلم عن حاجه اسمها الفرانكو اراب او الفرانكو
اللغة دى معروفة وانتشرت بطريقة كبيرة فى الشات
دايما تلاقى واحد بيكلمك بطريقة غريبة لا هيا انجليزى ولا هيا عربى وتحس انك بتفك شفرة
طيب حد سال نفسه ايه الفرانكو ده ؟؟
طيب ايه اصل اللغة دى او جت منين ؟؟

معظمنا او اللى بيتكلموا فرانكو مايعرفوش غير انها لغة منتشرة بين الشباب والبنات فى الشات
بس الموضوع طلع اكبر من كده ويمكن مفيش ناس كتير تعرفه
المهم احنا دلوقت هنحاول نوضح الصورة لكل االناس اللى يعرفوا الفرانكو واللى ما يعرفوش

طيب ايه بقى هو الفرانكو
هو بكل بساطة مكس بين العربى والانجليزى
هتقولى يعنى ايه مكس
هقولك يعنى بناخد الحروف الانجليزى والنطق من العربى ونعمل منهم الفرانكو
او بمعنى ابسط اننا بنكتب الكلمات العربى زى ما بننطقها بس بالحروف الانجليزى
زى كده مثلا
كلمة قلب بنكتبها كده ---> 2alb
كلمة عامل ايه بنكتبها كده ---> 3amel eih
هتقولى كويس بس ايه رقم 2 و 3 اللى فى الاول ده
هقولك ده الجزء التانى معانا
فى عندنا حروف فى العربى مفيش ليها مقابل فى الانجليزى
الحروف دى بنستبدلها بارقام
طيب ايه هيا الحروف دى
ق او الهمزة ---> 2
ع ---> 3
ح ---> 7
خ ---> 5
ط ---> 9 او 6
وساعات بيكتبوا
خ ---> 7'
غ ---> 3'

كده عرفنا ايه هيا الفرانكو اراب
طيب ايه اصلها ؟؟

تاريخ الفرانكو ده بيبدأ من زمان من ايام سقوط الاندلس في ايدي الفرنجه
وايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان
دا غير الناس اللذين هاجروا الى المغرب والى الاراضي العربيه....
بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....
ايه هي الحاجه دي؟

خلوا الناس تتكلم عربي عادي بس خلوهم يكتبوا اللغه العربيه بحروف لاتيني
اللى احنا عارفينه بالفرانكو اراب الان
وللاسف فضلو يضيقوا عليهم جدا لحد ما طلع منهم جيل ميعرفوش هما مسلمين ولا مش مسلمين
والناس دول كان اسمهم الموريسكيين او اختصارا" المور"

ظهر ناس كتير مؤييدين للفكرة دى ومن ابرزهم
القاضي الانجليزي "ويلمور" وهو مستشرق مشهور
وكانت له دعوه بجعل "لغه الخطاب هي لغه الكتاب" يعني العاميه تكون هي لغه الكتابه والعلم

وظهر فى القرن العشرين بعض المثقفين
قالوا ان الحرف اللاتيني اصلح من الحرف العربي شكلا وموضوعا وقالوا انه من الافضل اننا نبدل الحرف اللاتيني بدلا من الحرف العربي في كتابتنا

ومن ابرزهم الشاعر اللبنانى سعيد عقل
الشاعر ده
كتب ديوان اسمه "يارا" بالفرانكو في بيروت
بس ازاي...ده في حروف في العربيه ليس لها بديل في اللغه اللاتينيه!!
ايوه ...هو كتب في المقدمه الحروف التي سيستخدمها وضاف من عنده كام حرف كدا عشان يغطي قصور الحرف اللاتيني...والنتيجه ان ابجديته صار فيها اكثر من ثلاثين حرف...
بس الديوان فشل ولم يلاقى نجاح

ودلوقت اللغة دى لغة الفرانكو اراب زاد انتشارها واستخدامها في مصر والدول العربية من خلال استخدام الانترنت خصوصا في المحادثة والايميلات المرسلة
وكمان العرب الموجودين فى البلاد الاجنبيه ومفيش عندهم كيبورد عربى
وادى انتشار اللغة دى بين الشباب ان بعض الكتاب بدؤا يكتبوا بيها علشان يوصلوا بسرعة للشاب
منهم الكاتب الشاب عمر طاهر صاحب كتاب شكلها باظت
وكتاب كابتن مصر اللى استخدم فيه من الناحية الشكلية
كان بيستخدم في كتابة الفصول أسلوب الشباب في كتابة العربي بحروف إنجليزية، وهي المتعارف عليها بينهم باسم (الفرانكو آراب

كأن يكتب "إزاي تعرف إنك مراهق (Ezay t3raf Ennak Morahek)
وهي طريقة تبدو أنها تقربه من الفئة المستهدفة للكتاب، فئة المراهقين.

وده جزء من مرجع لقيته اثناء البحث اسمه
إقناع الأُمّة بتحريم
« كتابة القرآن بالحروف اللاّتينية »

- متى ظهرتْ « فكرة » استبدال الحروف العربيّة بالحروف اللاتينيّة :
يرى المفكّر العملاق الأستاذ أنور الجندي (ت 1423هـ=2002م) أنّ محاربة اللغة العربيّة تمهيدا لإقصائها ، وإحلال حروفها بحروف أخرى ، بدأ منذ الاحتلال الأوربي لبلدان العالم الإسلامي في القرن الثامن عشر الميلادي ، فيقول في كتابه (اللغة ص22) : حُورِبت اللغة العربيّة منذ وصل الاحتلال الغربي إلى بلاد الإسلام .. أمّا في البلاد العربيّة فقد حُورِبت اللغة العربيّة بحصرها في الجوامع ، والاستعاضة باللغة العاميّة الدّارجة ، وكذلك الدّعوة إلى إلغاء الحرف العربي ، والاستعاضة عنه بالحروف اللاتينيّة ، وجرت حملة واسعة بالادّعاء لعجز اللغة العربيّة عن أداء مهمّتها إزاء المصطلحات الحديثة ، وصعوبة تعلّمها . اهـ
وهذا الذي يقوله الأستاذ أنور الجندي صحيح : « ففي سنة 1883 دعا اللورد دفرين البريطاني إلى محاربة العربيّة والاهتمام باللهجات العاميّة ، وسار على نفس النّهج وليم وديلكوكس سنة 1892 وكان ديلكوكس هذا يعمل مهندسا للريّ في مصر ، وقد دعا إلى العاميّة وهجْر العربيّة ، وخطا باقتراحه خطوة عمليّة بأن ترجم الإنجيل إلى ما أسماه باللغة المصريّة ، ثمّ القاضي الانجليزي ويلمور الذي عاش في مصر وألّف سنة 1902 كتابا باسم (لغة القاهرة)، واقترح فيه قواعد ، نصَح باتخاذها للعلم والأدب ، كما اقترح كتابتها بالحروف اللاتينيّة » .
وممن استحسن هذه النّظريّة ، وتجاوب مع تلك الدّعوة الهدامة : الدكتور عبد العزيز فهمي - زعيم الأحرار الدّستوريين في مصر آنذاك - فقد تقدّم سنة (1361هـ = 1942م) إلى مجمع اللغة العربيّة في القاهرة بمشروع خطير، يدعو فيه إلى « استبدال الحروف العربيّة بالحروف اللاتينيّة » ، لكن سرعان ما قوبِل ذلك بالسّخط الشّديد، والاستنكار العريض، داخل مصر وخارجها .
ومثله فعل سعيد عقل ، فقد قام هو أيضا يدعو إلى استخدام العاميّة بدل الفصحى ، وكتابتها بالحروف اللاتينيّة ، وكان يقول في صراحة ووقاحة : من أراد لغة القرآن فليذهب إلى أرض القرآن .

حماية الوصلاتعفوا ,,, لايمكنك مشاهده الروابط لانك غير مسجل لدينا: التسجيل / الدخول

وده جزء اخر من مرجع اخر
اسمه التحديات التي تواجه اللغة العربية

لمحة حول تاريخ الدعوة لكتابة العربية بالحروف اللاتينية:
ما إن فتح المسلمون الأندلس، لم تمض ثلاثون سنة حتى أصبح الناس " يخطون الكتب اللاتينية بأحرف عربية، كما كان يفعل اليهود بكتبهم العبرية. وما انقضى عمر رجل واحد حتى ألجأتهم الحاجة إلى ترجمة التوراة وقوانين الكنيسة إلى العربية؛ ليتمكن رجال الدين أنفسهم من فهمها".
وهنالك لم يقل أحد بعدم صلاحية الحروف العربية لكتابة اللغة اللاتينية. ويستفاد من النص السابق أن إلغاء الكتابة بأبجدية لغة معينة يجعل ما كان قد كتب بها غير ذي معنى في غضون جيل واحد فقط.
وعقب سقوط الأندلس "كان المتنصرون من المغاربة في ذلك العهد– أيام محاكم التفتيش – يكتبون العربية بأحرف أسبانية، وهم أذلاء محتقرون من أنفسهم ومن المسيحيين، فحظر عليهم فيليب الثاني سنة 1556 استعمال العربية".
أما في المشرق العربي فقد تأخر الهجوم الجريء على لغة القرآن الكريم والخط العربي إلى أن دب الضعف في الدولة العثمانية. ففي سنة 1896 نشرت مجلة المقتطف اقتراحا لجميل صدقي الزهاوي أسماه "الخط الجديد" ومن الغريب أن الزهاوي كان مدركا تماما أن " القرآن الكريم وكتب الحديث مكتوبة بخطنا القديم، فإذا تبدل الخط اقتضى أن يبدل خط القرآن وكتب الحديث". كما أنه كان مدركا أنه إذا شاع اقتراحه بتبديل الخط فإنه لن يبق أحد يقرأ الخط العربي؛ " فتعطل كل كتبنا العلمية والأدبية كأن لم تكن شيئا مسطورا". ولم يجد الزهاوي كلاما يدفع به المخاوف، سوى أن يقول إنها اعتراضات بمعزل عن الصواب.
أما كارل فولرس K. Vollers الذي تولى إدارة دار الكتب المصرية خلفاً لولهلم سبيتا Wilhelm Spitta، فقد طالب بنبذ العربية الفصحى وبضرورة الكتابة بالعامية، ووضع كتاباً أسماه «اللهجة العربية الحديثة» طالب فيه بإحلال العامية محل الفصحى وكتابتها بالحروف اللاتينية.
وقد حذا المستشرق الإنجليزي سلدون ويلمور Seldon Willmore الذي تولى القضاء بالمحاكم الأهلية بالقاهرة إبان الاحتلال البريطاني لمصر، حذو كارل فولرس K. Vollers.
وفي باريس (كوليدج دي فرانس) ألقى المستشرق الفرنسي لويس ماسينونLouis Massignon (1883-1963) محاضرة في جمع من الشباب العربي عام 1929م، جاء فيها: "إنه لا حياة للغة العربية إلا إن كتبت بحروف لاتينية".
وفي العام نفسه 1929م نشرت مجلة " لغة العرب" السؤال الآتي: " ما رأيكم في تبديل الحروف العربية بالحروف اللاتينية"؟. وأردف صاحب السؤال أنه من القائلين بتبديلها لأنها في نظره "عقبة كأداء في سبيل تطورنا الأدبي والاجتماعي"، وقد أجاب على هذا السؤال من الأب أنستاس الكرملي بقول: أن " في تصوير كلامنا العربي بحروف لاتينية منافع ومضار". لكن من أهم ما جاء في رد الكرملي أنه كان واعيا بدور القوة القاهرة في فرض الهيمنة الثقافية لنمط بعينه، فقال: " ونحن نرى أنه سيأتي يوم تشيع لغة واحدة في العالم كله، وهذه اللغة تكون لسان الأمة القهارة الجبارة.. إذن لابد من كتابة العربية بحروف لاتينية، شئنا أم أبينا".
وقد ناقش حسين جذور الفكرة مناقشة مفصلة وضحض ما جاء فيها.
ويعد عبدالعزيز فهمي من أبرز المتحمسين لهذه الفكرة؛ فقد تبناها ودعا إلى (إحلال) الحروف اللاتينية محل الحروف العربية، وطرح فكرته هذه في الجلسة التي عقدها مجمع اللغة العربية في 3 مايو سنة 1943م".
وقد قدم إلى مؤتمر المجمع في جلستي 24 و31 يناير سنة 1944م ورقة بعنوان: "اقتراح اتخاذ الحروف اللاتينية لرسم الكتابة العربية". وطبعت الورقة بالمطابع الأميرية في فبراير 1944م في 39 صفحة، لكنه سوَّد في الدفاع عن الاقتراح 136 صفحة.
ويبدو أن صورة كمال أتاتورك - الذي ألغى سنة 1924 الخلافة والحروف العربية والأذان- قد صارت مرادفا للعداء الصريح للإسلام والعروبة. فقد صدم اقتراح فهمي الكثيرين، إذ كيف يجرؤ شخص على اقتفاء آثار أتاتورك في إحلال الحرف اللاتيني محل الحرف العربي؟. وإذا كانت المسألة خاصة بحروف الكتابة فلماذا منع صوت الأذان بالعربية؟!.
ويعد محمد كرد علي، وإسعاف النشاشيبي، وإسماعيل مظهر، من أبرز الذين تصدوا للرد على الفكرة التي جهر بها فهمي، وتفنيدها، كذلك ناقش الفكرة وأبان عوراتها "عباس محمود العقاد" عضو مجمع اللغة العربية آنذاك، كما أثبت محمود محمد شاكر أن الدعوة إلى الحروف اللاتينية إنما تأتي بعكس ما يراد من التيسير.
ورفض الفكرة كذلك "متى العقراوي" سنة 1945، ونعتها بأنها "انقلاب"، كما رفضها أيضا "منير القاضي" سنة 1958 ووصف الأسباب والعلل الداعية إلى استبعاد الرسم المعمول به وإحلال الحروف اللاتينية محله بأنها أسباب " تافهة كل التفاهة، وعلل هي علل وأمراض انتابت قلوب الذاهبين إلى هذا الرأي".
أما عبدالعزيز الصويحي فقد خلص إلى القول إن مشروع كتابة اللغة العربية بالحروف اللاتينية "مشروع لا يستسيغه العقل ولا يقبله المنطق، ولا يصلح حتى لمجرد النقاش".

منقول

للعودة للمشاركة الأولى اضغط هنا

اولا انا بشوف ان الفرنكو مش عيب و انا اصلا بكتب بية بس احتراما للموضوع كتبت بالعربى الفرنكو دى لغة للشباب مش اكتر و مفيهاش اهانة للغة العربية لان احنا لما بنكتب ف الجرايد او اى حاجة بنكتب ب العربى مش الفرانكو بس و حوار الثلاث لات دة مش ب ادينا يعنى انا مثلا طول عمرى فى مدارس لغات و كمان بحب الانجليزى ف لمل بجى اتكلم كلامى كثير اوى فية بيبقى انجليزى و دة مش ب ايدى بس انا من زامان بسع لغتين و ثلالثة فطبيعى هتكلم لغتين و ثلاثة

raneemsarhaan كتب:: اولا انا بشوف ان الفرنكو مش عيب و انا اصلا بكتب بية بس احتراما للموضوع كتبت بالعربى الفرنكو دى لغة للشباب مش اكتر و مفيهاش اهانة للغة العربية لان احنا لما بنكتب ف الجرايد او اى حاجة بنكتب ب العربى مش الفرانكو بس و حوار الثلاث لات دة مش ب ادينا يعنى انا مثلا طول عمرى فى مدارس لغات و كمان بحب الانجليزى ف لمل بجى اتكلم كلامى كثير اوى فية بيبقى انجليزى و دة مش ب ايدى بس انا من زامان بسع لغتين و ثلالثة فطبيعى هتكلم لغتين و ثلاثة

شرفنى مرورك يا رنيم
مممم

بخصوص اللغات فاسألى عصاية عنى احسن
انا و لله الحمد بحب اللغات جدًا
و الحمد لله بتكلم انجليزى و بخبط فرنسى
و ناوى اكمل بعد ما اروق م الكلية ان شاء الله
انما دا يا سيدتى الفاضلة مش معناه ابدًا انى اكون واقف مع اصحابى و اقول ميرسى و انا عارف ان فيه ف العربى كلمة اسمها شكرًا و فيه تعبير جزاكم الله خيرًا ، و ما شابه طبعًا
دى نقطة ، النقطة التانية لو تركزى اللى حثنا على تعليم اللغات الأجنبية كان الرسول صلى الله عليه و سلم ، بس مش حثنا عشان نكلم بيها بعض و مستوانا يقل بالشكل المنفر دا فى العربى ، انما عشان نفهم الأمم غير العربية و نعرف نكلمهم ؛ و انا عارف ان فيه حاجات علمية مثلا بسبب ان التعليم مش بالعربى بقينا مش بنقدر نعبر عنها او نناقشها غير بالانجليزى ، دا قد يكون لنا حجة فيه ، انما انا كلامى يخص بشكل أكبر الكلام العادى ، دا بخصوص اللغة غير المهجنة !

الفرانكو لغة الشباب !! .. يؤسفنى انى اسمع الكلمة دى بدون إحساس بعمق معناها ، و انا مش شايف فى الجملة دى غير قمة السطحية ، من فضلك اقرى مشاركة الفرانكو عن قرب هتعرفى ان الفرانكو بداية لبلاوى ، و حتى لو الفرانكو لغة الشباب ، فعيب ان الشباب يكون عنده حرف عربى أصيل مافيش أجمل و أبلغ منه و يسيبه و يستخدم حروف غير عربية فى كتابة كلام عربى .. دا مع احترامى عيب ، عيب كبير قوى ؛ انا عارف ان جرائد جزائرية كتيرة بتكتب عربى ، هل دا معناه ان الشعب الجزائرى بيتكلم عربى كويس؟
و بعدين دى مصيبة و بلوة مسيحة ان اللغة القومية تبقى فى نظرنا كدا .. كلمتين فى جريدة ، دا كدا خلاص بقى مافيش حاجة نبقى عليها و الله !!!!!
مافيهاش اهانة للعربية .. منين بقى؟ ازاى؟؟ .. 1 = 1 لكنّه لا يساوى 1 ... ايه التناقض دا؟؟؟؟
(انت الموظف الكفء للمكان دا ، بس مش هتشتغل يا حمادة و هنركنك ع الرف ياحبيبى) .. دا الكلام اللى انتى بتقوليه دلوقت للحرف العربى ، ازاى بقى الكلام دا مافيهوش إهانة لحرف كرمه ربنا ؟!

و مع كامل احترامى يا رنيم بقى مافيش حاجة اسمها مش بإيدى فى الموضوع دا بالذات ، و الله لسان البنى آدم بتاعه ، لو البنى آدم صاحب مبدأ و هوية واضحين مش هيقبل انه يقلل من لغته مهما كان اللى بيكلمه

ارجع و اقول لو احنا (الناس اللى بيكتبوا فرانكو يعنى) كنا حاسين ان الفرانكو مشكلة ، ماكناش هنكتبه اصلا ؛ الكارثة اننا مش قادرين نفهم انه مشكلة كبيرة قوى بجد ، عيب علينا ، الكارثة اللى انا خايف منها اننا مانكونش على استعداد لاننا نقتنع ، و دا اللى بدأت بشايره تظهر ، و ربنا يستر

و فى الأول و فى الآخر دى مناقشة أهدافها واضحة و معلومة ، لكن لعمقها فالكلام ممكن يكون قوى شوية ، فاللى هيتناقش للآخر بدون زعل يتناقش ، يا ريت ماحدش يزعل من كلامى او من كلام أى حد تانى

اولا انا هكتب بالعربي و انت عارف ليه يا باشا

ثانيا انا مع رنيم في كل حاجة قلتها و هذا للاسباب الاتية :
1- لو انا قلت شكرا او shokran هل فيه فرق او صعوبة في الفهم ؟؟؟
2- "انت حر ما لم تضر" , المقولة ديه بتنطبق بردو معانا بما اني مابضرش حد يبقى ايه الغلط ؟؟
3- مافيش حاجة بتغضب ربنا فيه او حاجة عيب , ولا فيه ؟؟؟

Geo_MiDo كتب:: 1- لو انا قلت شكرا او shokran هل فيه فرق او صعوبة في الفهم ؟؟؟

من الواضح يا ميدو انك ماحاولتش تفهمنى ، انت ممكن تكون قريت الكلام بس بلسانك بس ، ماحاولتش تقرا الكلام بعقلك عشان تدى نفسك فرصة تفهم او تقتنع ..
مافيش صعوبة فى الفهم يا سيدى الفاضل ، بس فيه تضئيل و إهانة للحرف العربى ، لانك بتقول له بالفم المليان ..
الكلمة دى انا عارف انها المفروض تكون من حروف عربية ، بس انت اقل من انى اكتبها بيك عشان انا شاب او عشان انا مش حافظ اماكن الحروف العربى ، و اللاتينى أولى

Geo_MiDo كتب:: 2- "انت حر ما لم تضر" , المقولة ديه بتنطبق بردو معانا بما اني مابضرش حد يبقى ايه الغلط ؟؟

معاك حق لانك مش بتضر حد .. انت بتضر لغة و ثقافة و أمة بحالها مش حد
انت بتضيع معالم لغة ، بتشوه ثقافة و تراث ، لك أن تتخيل لما ابنك فى المستقبل يقول يا بابا انا هدخل منتدى كذا اشوف آراءك فيه ، ماهو ولد يحب يفتخر بابوه بقى و يشوفه هو كان عامل ايه فى شبابه ، و يلاقى حضرتك كاتب له العربى بحروف مش عربى ، دا شئ مقزز للغاية ، مش عارف اللى بيكتبوا فرانكو ازاى مش حاسين بكدا !!!

Geo_MiDo كتب:: 3- مافيش حاجة بتغضب ربنا فيه او حاجة عيب , ولا فيه ؟؟؟

ماحصلش حديث حول تحريم او عدم تحريم الفرانكو ، لكن لو حصل يا سيدى هيكون حرام لان .. لك ان تتخيل لو الدنيا مشيت على هوا كاتبى الفرانكو ، استنى عشر سنين كدا هتلاقى الدعاة و المفسرين بيكتبوا كلام فى الدين بالفرانكو ؛ تخيل بقى القرآن حروفه عربى و احنا هنفسره و نتناقش فى أحكامه بالفرانكو ، و مش بعيد نغيره نكتبه هو كمان فرانكو عشان نطوّعه للحاجة اللى احنا متعودين عليها بقى .. و مع مرور الوقت هتلاقينا قلبنا على جزايرة بس بدل الفرنساوى ممكن نتكلم لغة تانية ، لحد ما تبقى مصر حاجة زى إسبانيا كدا و تتحول من مصر إلى egypt و النسر يتشال و يتحط مكانه حاجة تانية و حاجات كتيـــــــر تانية هتحصل .. انا واثق من سؤالك دا انك ماقرأتش مشاركة الفرانكو عن قرب ..

شرفنى مرورك يا ميدو غضبى من الفرانكو 954712

و لو سمحتم يا جماعة ، حد هيناقشنى فى كلامى يكون قراه كويس ، لان مش المفروض اكتب كلام فى الموضوع و ارجع اعيده فى الرد

الباش مهندس كتب:

الفرانكو عن قرب

اقتباس :

منقول
للعودة للمشاركة الأولى اضغط هنا

كلام جميل ياباش مهندس

بس انا مستغرب من الناس اللي عايزة تغير لغة القرآن

اقتباس :

حاجة استفزتني بصراحة

وشكرا ليك

الباش مهندس كتب:

Geo_MiDo كتب:: 1- لو انا قلت شكرا او shokran هل فيه فرق او صعوبة في الفهم ؟؟؟

من الواضح يا ميدو انك ماحاولتش تفهمنى ، انت ممكن تكون قريت الكلام بس بلسانك بس ، ماحاولتش تقرا الكلام بعقلك عشان تدى نفسك فرصة تفهم او تقتنع ..
مافيش صعوبة فى الفهم يا سيدى الفاضل ، بس فيه تضئيل و إهانة للحرف العربى ، لانك بتقول له بالفم المليان ..
الكلمة دى انا عارف انها المفروض تكون من حروف عربية ، بس انت اقل من انى اكتبها بيك عشان انا شاب او عشان انا مش حافظ اماكن الحروف العربى ، و اللاتينى أولى

Geo_MiDo كتب:: 2- "انت حر ما لم تضر" , المقولة ديه بتنطبق بردو معانا بما اني مابضرش حد يبقى ايه الغلط ؟؟

معاك حق لانك مش بتضر حد .. انت بتضر لغة و ثقافة و أمة بحالها مش حد
انت بتضيع معالم لغة ، بتشوه ثقافة و تراث ، لك أن تتخيل لما ابنك فى المستقبل يقول يا بابا انا هدخل منتدى كذا اشوف آراءك فيه ، ماهو ولد يحب يفتخر بابوه بقى و يشوفه هو كان عامل ايه فى شبابه ، و يلاقى حضرتك كاتب له العربى بحروف مش عربى ، دا شئ مقزز للغاية ، مش عارف اللى بيكتبوا فرانكو ازاى مش حاسين بكدا !!!

Geo_MiDo كتب:: 3- مافيش حاجة بتغضب ربنا فيه او حاجة عيب , ولا فيه ؟؟؟

ماحصلش حديث حول تحريم او عدم تحريم الفرانكو ، لكن لو حصل يا سيدى هيكون حرام لان .. لك ان تتخيل لو الدنيا مشيت على هوا كاتبى الفرانكو ، استنى عشر سنين كدا هتلاقى الدعاة و المفسرين بيكتبوا كلام فى الدين بالفرانكو ؛ تخيل بقى القرآن حروفه عربى و احنا هنفسره و نتناقش فى أحكامه بالفرانكو ، و مش بعيد نغيره نكتبه هو كمان فرانكو عشان نطوّعه للحاجة اللى احنا متعودين عليها بقى .. و مع مرور الوقت هتلاقينا قلبنا على جزايرة بس بدل الفرنساوى ممكن نتكلم لغة تانية ، لحد ما تبقى مصر حاجة زى إسبانيا كدا و تتحول من مصر إلى egypt و النسر يتشال و يتحط مكانه حاجة تانية و حاجات كتيـــــــر تانية هتحصل .. انا واثق من سؤالك دا انك ماقرأتش مشاركة الفرانكو عن قرب ..

شرفنى مرورك يا ميدو غضبى من الفرانكو 954712

و لو سمحتم يا جماعة ، حد هيناقشنى فى كلامى يكون قراه كويس ، لان مش المفروض اكتب كلام فى الموضوع و ارجع اعيده فى الرد[/ size]

[size=24]لا يا سيدي انا حافظ دلوقتي اماكن الحروف , و صدقني انا قريت
1-الفرانكو عن قرب و هو ده اللي فهمتو و المفروض الرد هناك مش عارف جه هنا
ازاي غضبى من الفرانكو 701887

2- اذا كنت ضايقت اللغة و الثقافة و ضرتهم فا هم
اولى يدفعوا عن نفسهم غضبى من الفرانكو 701887

3-ما انا عارف انو مش هيحصل و مستني معاك العشر سنين
لو فيه شك انو حرام هبطلو , وخليني ارد بقى على اهم شيء * و تتحول من مصر
إلى egypt* مصر هي اساسا ايجيبت بس بالانجليزي ولا يكون عندك اعتراض على
اللغة الانجلزية كمان.........
و اخيرا احب اقول لسيادتك من وجهة نظري
المتوضعة ان موضوع مالوش اصل زي حكاية المترو اللي عملوها جديد و انت
مسميها نظام مع انها معايا ومع غيري ضرتني و ان قلتلك

و الشرف ليا
طبعا بما اني مررت

Geo_MiDo كتب:: 1-لا يا سيدي انا حافظ دلوقتي اماكن الحروف , و صدقني انا قريت الفرانكو عن قرب و هو ده اللي فهمتو و المفروض الرد هناك مش عارف جه هنا ازاي

انا عارف انك كدا حفظت الكيبورد بالعربى يا ميدو غضبى من الفرانكو 954712

؛ انا كلامى اللى قلته عمومًا ماقصدكش انت بيه
و يسعدنى انك تكون قريت الفرانكو عن قرب ، بس انا مالاحظتش كدا فى الاسئلة اللى طرحتها فى ردك السابق
و ردك جه هنا لان الفرانكو عن قرب مجرد مشاركة فى الموضوع ، مش موضوع مستقل

Geo_MiDo كتب:: 2- اذا كنت ضايقت اللغة و الثقافة و ضرتهم فا هم اولى يدفعوا عن نفسهم

لو بتهزر ، فــ غضبى من الفرانكو 701887

؛ و لو انّه مش موضع هزار
لو مش بتهزر فدا يبقى استهانة باللغة و الثقافة ؛ المشكلة ان اللغة دى لغة القرآن الكريم مش لغة عادية ، و الثقافة دى ثقافة أمة عايزة تنهض بشرفها و مش المفروض تفضل فى الـ (بطاطا) بالشكل دا
و طبعًا لو مش هزار ، فلاستهانة دى غير مقبولة بالمرة

Geo_MiDo كتب:: 3-ما انا عارف انو مش هيحصل و مستني معاك العشر سنين لو فيه شك انو حرام هبطلو ,

أطلع الغيب أم اتخذ عند الرحمن عهدًا .. صدق الله العظيم (سورة مريم)
ارجع و اقول انت متأكد انك قريت المشاركة اللى بعنوان الفرانكو عن قرب؟ ؛ شفت الأندلس تحولت إلى إسبانيا ازاى؟

Geo_MiDo كتب:: , وخليني ارد بقى على اهم شيء * و تتحول من مصر إلى egypt* مصر هي اساسا ايجيبت بس بالانجليزي ولا يكون عندك اعتراض على اللغة الانجلزية كمان.........

للأسف مافهمتنيش يا ميدو
قريت الكلام على انه حرفين مش معنى
المقصود يا سيدى الفاضل ان مصر مش هتبقى مصر ، هتبقى egypt يعنى صفة القومية العربية هتتمحى ، زى ما الأندلس ما بقت إسبانيا .. دا المقصود ؛ و حاول و انت بتقرا حاجة تتطلع لما وراء الحرف ؛ دانا حتى كاتب فى توقيعى ...
كلمةٌ صغيرة .. رموزٌ كبيرة

Geo_MiDo كتب:: و اخيرا احب اقول لسيادتك من وجهة نظري المتوضعة ان موضوع مالوش اصل زي حكاية المترو اللي عملوها جديد و انت مسميها نظام مع انها معايا ومع غيري ضرتني و ان قلتلك

شوف يا أستاذ ميدو
انا هضرب لك مثال هتقول عليه مالوش علاقة
و هقول لك هى هى الفكرة ..
فحاول تفهم انه رموز ، عشان تقدر تفهم انا اقصد ايه ...
بيقول لك واحد فلاح غلبان عنده لا مؤاخذة جاموسة متعود يحميها فى النيل ، باعتبار ان قريته بتطل على النيل يعنى ، فجه واحد غلبان كدا هدومه مدهولة و لابس نضارة قعر كوباية و حالته حالة ، باين عليه متعلم يعنى ، و قال له ..
يا عم الحاج حرام كدا ، انت كدا بتلوّث ماء النيل اللى احنا بنشرب منه
فالراجل اول مرة قال له شششششش ، امشى العب بعيد يالا
الموقف تكرر ، فالراجل قلبه حن و قال له حاضر يابنى ، و الله انا هعمل اللى انت قلته ..
و عمل فعلا اللى الشاب المتعلم قال له عليه ؛ بس للأسف الشاب المتعلم كان الوحيد المتعلم فى القرية دى ، و ماقدرش يلف لوحده يقول الكلام دا لكل فلاح بيحمّى لا مؤاخذة جموسته فى النيل ، فالراجل قعد مايحمّيش لا مؤاخذة جموسته فى النيل اربع شهور ، كل ما يحب يحمّيها يجيب جرادل و براميل و يملا جرادل و براميل و يفضّى جرادل و براميل ، و طول الاربع شهور دول بيشوف باقى الفلاحين بيحمّوا لا مؤاخذة جمايسهم فى النيل ؛ فقام متغاظ و قايل و عليا الطلاق لا راجع محمّى لا مؤاخذة جموستى فى النيل ، اشمعنى انا؟؟
عدى الشاب لقاه بيحمّى لا مؤاخذة جموسته فى النيل ، فقال له الله؟! ، ايه يا عم الحاج؟ انت مش كنت انصلح حالك و بطلت تحمى لا مؤاخذة جموستك فى النيل؟ ..
قال له بقول لك ايه يا سيدى الافندى ياض انت .. انت قعدت تقول لى كلام مذوّق من بتاع الناس المتنورين بالعلام و انا زى الـ (لا مؤاخذة) زى البهيم سمعت كلامك و مشيت ورا اللى انت قلته ، بس انما لا مؤاخذة كدا يعنى ، انا طول الاربع شهور اللى مشيت ورا كلامك فيهم مالقتش حد م الفلاحين يعنى بطل يحمّى لا مؤاخذة جموسته فى النيل ؛ و بعدين يعنى يا سيدى الافندى ياض انت ، ماحنا طول عمرنا انا و ابوى و جدى و الفلاحين كلهم كمان بنحمّى لا مؤاخذة بهايمنا كلها فى النيل و ماحدش قال (آه يا بطنى)
و لان الشاب المتعلم كان وراه محاضرة عن (الاستنساخ حرام ولا عيب ولا مايصحش ولا حاجة زى الفل؟) .. اتضايق من الفلاح بس ماقدرش يرد عليه لانه كان صعب يقنعه (فيه مثل بيقول حاجة و فى دماغه صوت مايرتاحش إلا ان زعقه) غير انه كان مش فاضى ، عايز يلحق المحاضرة ، فقال له حقك عليا يابا الحاج ، هات دماغك ابوسها ، و سابه يحمّى لا مؤاخذة جموسته فى النيل ، و مشى
______ خلصت
حمد الله ع السلامة غضبى من الفرانكو 954712

Geo_MiDo كتب:: و الشرف ليا طبعا بما اني مررت

ربنا يكرمك يا ميدو ، الشرف ليا انا أكيد غضبى من الفرانكو 954712

في موضوع اللغة والثقافة , انا كنت بهظر و مبهظرش في نفس الوقت
و هنا اقصد ان اللغة معندهاش مشاعر يعني مش هتزعل مني غضبى من الفرانكو 701887

و اعتقد انك خير دليل!!!

من ناحية يا سيدي الاندلس , اعتقد ان اللغة ديه لم تكن احدى الاسباب الاساسية لتحولهم الى اسبانيا و البرتغال و لعل اقوى دليل هو اختلاف لغتهم و الاسباب الاساسية هي
1-احراق المصاحف و المساجد و منع الصلاة و ده اللي انتا قلتوو
2-و هى الاغاني و الاشعار , و مكتوب عنو بالتفصيل في كتاب من تأليف
د/اشرف عبد الرحمن بس مش فاكر اسم الكتاب (حظك ان ده كاان اكتر موضوع شغل بالي و انا في ثانوي ....

و حكاية مصر و ايجيبت ديه انا فهمتك كويس جدا و انت مخدش بالك , انا قصدي ان التحول ده لا يمكن يتم لانو موجود اساسا........

و القصة الكبيرة اللذيذة بتاعت لامؤخذة غضبى من الفرانكو 701887

عارف مين اللي غلطان ؟؟
الواد اللي متعلم لانواا معندوش وقت كان يفهموا و يفاهم بقيت الناس و عموما
بسم الله الرحمن الرحيم
"فذكر انما انت مذكر * لست عليهم بمسيطر"

تعالى نتخانق بقى عشان نشوف الشرف لمين غضبى من الفرانكو 621721

انا طولت عليك جداااااااااا بس خليني اسألك اخر سؤال
ان شاء الله لما ربنا يرزقك بالزرية الصالحة , و ابنك طبعا هيبقى فنان في اللغة , يا ترى هتعلموا او تقولوا على الفرانكو؟؟

Geo_MiDo كتب:: في موضوع اللغة والثقافة , انا كنت بهظر و مبهظرش في نفس الوقت
و هنا اقصد ان اللغة معندهاش مشاعر يعني مش هتزعل مني و اعتقد انك خير دليل!!!

تفتكر كدا؟ ؛ فى الحقيقة لو انت جاد فى كلامك دا ، فدا بجد شئ يؤسفنى للغاية

Geo_MiDo كتب:: من ناحية يا سيدي الاندلس , اعتقد ان اللغة ديه لم تكن احدى الاسباب الاساسية لتحولهم الى اسبانيا و البرتغال و لعل اقوى دليل هو اختلاف لغتهم و الاسباب الاساسية هي
1-احراق المصاحف و المساجد و منع الصلاة و ده اللي انتا قلتوو
2-و هى الاغاني و الاشعار , و مكتوب عنو بالتفصيل في كتاب من تأليف
د/اشرف عبد الرحمن بس مش فاكر اسم الكتاب (حظك ان ده كاان اكتر موضوع شغل بالي و انا في ثانوي ....

شوف يا سيدى ؛ عشان التغيير يحصل اتلعب على محورين الدين ، و اللغة ؛ و اللغة من سمات الدين خلى بالك لان ربنا قال لعلكم تتدبرون ، مافيش تدبر و تأمل بدون لغة ؛ و جايز جدًا ان اللعب على الدين يسبق اللعب على اللغة فى حالة ، و فى حالة تانية اللعب على اللغة يسبق اللعب على الدين

Geo_MiDo كتب:: و حكاية مصر و ايجيبت ديه انا فهمتك كويس جدا و انت مخدش بالك , انا قصدي ان التحول ده لا يمكن يتم لانو موجود اساسا........

لأ مش موجود أساسًا و انت مافهمتنيش ، اللى حاصل يا سيدى ان مصر دلوقت الأجانب بيقولوا عليها egypt اللى انا قصدته ان بعد كدا ماهيبقاش فيه لفظ مصر و ماهيبقاش فيه معنى عربى ، هيتقال عليها بكل اللغات egypt يعنى احنا كمان هنقول كدا

Geo_MiDo كتب:: و القصة الكبيرة اللذيذة بتاعت لامؤخذة عارف مين اللي غلطان ؟؟
الواد اللي متعلم لانواا معندوش وقت كان يفهموا و يفاهم بقيت الناس و عموما
بسم الله الرحمن الرحيم
"فذكر انما انت مذكر * لست عليهم بمسيطر"

بالظبط كدا ؛ بس لو الفلاح دا بيفهم كان هيساعد الواد اللى متعلم و مايحطّوش بين خيارين هو مجبر على اختيار واحد منهم ، الخيارين هم (يسيب المحاضرة و يفهمّه ، يلحق المحاضرة و مايفهمّوش) ؛ بس دا لو الفلاح بيفهم

Geo_MiDo كتب:: تعالى نتخانق بقى عشان نشوف الشرف لمين

ربنا يخليك يا ميدو ؛ دا بس من ذوقك غضبى من الفرانكو 954712

Geo_MiDo كتب:: انا طولت عليك جداااااااااا

لالا ابدًا ماتقولش كدا ؛ امتع المناقشات اللى بناخد فيها راحتنا

Geo_MiDo كتب:: ان شاء الله لما ربنا يرزقك بالزرية الصالحة , و ابنك طبعا هيبقى فنان في اللغة , يا ترى هتعلموا او تقولوا على الفرانكو؟؟

دا لما نفكر نتجوّز بقى ، لان الواحد ناوى يضرب عن الموضوع دا غضبى من الفرانكو 701887

انما يا سيدى تاريخ البشرية مش حكاية قصص ؛ تاريخ البشرية استفادة من أخطاء ؛ الفرانكو من الأخطاء و لذا فأكيد هكلم ابنى عنه غضبى من الفرانكو 954712

HaMaDa SaLaH كتب:

كلام جميل ياباش مهندس
بس انا مستغرب من الناس اللي عايزة تغير لغة القرآن

اقتباس :

حاجة استفزتني بصراحة
وشكرا ليك

شرفنى مرورك يا محمد غضبى من الفرانكو 954712

و ماتستغربش قوى
لان لسا فيه ناس كدا
و الأدهى ان فيه ناس مش حاسة ان فيه مشكلة اصلا

ياااااااااااااااااااه
والله موضوع جميل جدا
انا برده بكره الفرانكوا دا جدا
بحس انى بفك شفرات
وانا معاكوا ضد الفرانكوا
وشكرا يا باش مهندس احنا متعودين منك على الموضوعات الرائعه والهادفه برده

الباش مهندس كتب:

Geo_MiDo كتب:: في موضوع اللغة والثقافة , انا كنت بهظر و مبهظرش في نفس الوقت
و هنا اقصد ان اللغة معندهاش مشاعر يعني مش هتزعل مني و اعتقد انك خير دليل!!!

تفتكر كدا؟ ؛ فى الحقيقة لو انت جاد فى كلامك دا ، فدا بجد شئ يؤسفنى للغاية

Geo_MiDo كتب:: من ناحية يا سيدي الاندلس , اعتقد ان اللغة ديه لم تكن احدى الاسباب الاساسية لتحولهم الى اسبانيا و البرتغال و لعل اقوى دليل هو اختلاف لغتهم و الاسباب الاساسية هي
1-احراق المصاحف و المساجد و منع الصلاة و ده اللي انتا قلتوو
2-و هى الاغاني و الاشعار , و مكتوب عنو بالتفصيل في كتاب من تأليف
د/اشرف عبد الرحمن بس مش فاكر اسم الكتاب (حظك ان ده كاان اكتر موضوع شغل بالي و انا في ثانوي ....

شوف يا سيدى ؛ عشان التغيير يحصل اتلعب على محورين الدين ، و اللغة ؛ و اللغة من سمات الدين خلى بالك لان ربنا قال لعلكم تتدبرون ، مافيش تدبر و تأمل بدون لغة ؛ و جايز جدًا ان اللعب على الدين يسبق اللعب على اللغة فى حالة ، و فى حالة تانية اللعب على اللغة يسبق اللعب على الدين

Geo_MiDo كتب:: و حكاية مصر و ايجيبت ديه انا فهمتك كويس جدا و انت مخدش بالك , انا قصدي ان التحول ده لا يمكن يتم لانو موجود اساسا........

لأ مش موجود أساسًا و انت مافهمتنيش ، اللى حاصل يا سيدى ان مصر دلوقت الأجانب بيقولوا عليها egypt اللى انا قصدته ان بعد كدا ماهيبقاش فيه لفظ مصر و ماهيبقاش فيه معنى عربى ، هيتقال عليها بكل اللغات egypt يعنى احنا كمان هنقول كدا

Geo_MiDo كتب:: و القصة الكبيرة اللذيذة بتاعت لامؤخذة عارف مين اللي غلطان ؟؟
الواد اللي متعلم لانواا معندوش وقت كان يفهموا و يفاهم بقيت الناس و عموما
بسم الله الرحمن الرحيم
"فذكر انما انت مذكر * لست عليهم بمسيطر"

بالظبط كدا ؛ بس لو الفلاح دا بيفهم كان هيساعد الواد اللى متعلم و مايحطّوش بين خيارين هو مجبر على اختيار واحد منهم ، الخيارين هم (يسيب المحاضرة و يفهمّه ، يلحق المحاضرة و مايفهمّوش) ؛ بس دا لو الفلاح بيفهم

Geo_MiDo كتب:: تعالى نتخانق بقى عشان نشوف الشرف لمين

ربنا يخليك يا ميدو ؛ دا بس من ذوقك غضبى من الفرانكو 954712

Geo_MiDo كتب:: انا طولت عليك جداااااااااا

لالا ابدًا ماتقولش كدا ؛ امتع المناقشات اللى بناخد فيها راحتنا

Geo_MiDo كتب:: ان شاء الله لما ربنا يرزقك بالزرية الصالحة , و ابنك طبعا هيبقى فنان في اللغة , يا ترى هتعلموا او تقولوا على الفرانكو؟؟

دا لما نفكر نتجوّز بقى ، لان الواحد ناوى يضرب عن الموضوع دا غضبى من الفرانكو 701887

انما يا سيدى تاريخ البشرية مش حكاية قصص ؛ تاريخ البشرية استفادة من أخطاء ؛ الفرانكو من الأخطاء و لذا فأكيد هكلم ابنى عنه غضبى من الفرانكو 954712

حكاية الثقافة انتا مش فاهمني او مش عايز , انا قصدي يا سيدي انا في نيتي و انا بكتب فرانكو مش قصدي اني احطم ثقافة بلدي , و قلت الكلام ده بما معناه انها مش هتزعل مني غضبى من الفرانكو 701887

.
مافهمتش حاجة من ناحية اللعب على اللغة لكن اللي قلتهولك انا متأكد منه ومش اللغة اللي حولت الاندلس غضبى من الفرانكو 701887

.

تفتكر ان ده عمرو هيحصل هنبقى زى ألجيري غضبى من الفرانكو 701887

؟؟ !!!

اذا كنت عيز حاجة تسعى وراها والقصة اللي انت حكتها ديه سوري او معلش هي قصة سلبية لان الواد المتعلم استسلم و قال خلاص !!!!!! غضبى من الفرانكو 701887

لا من ذوقك انت غضبى من الفرانكو 678292

تضرب ايه يا عم!!! ديه حاجة كويسة جدااا بس في بلدنا صعبة حبتين غضبى من الفرانكو 701887

الفرانكو مش اخطاء هو مازال ده رأيك و وجهة نظرك تحترم غضبى من الفرانكو 343474