غضبى من الفرانكو

عصايه هانم كتب:

ربنا يزيدك من علمه يا أحمد
ربنا يكتر من أمثالك ف مصر
ربنا يخليك لينا هنا ع المنتدى دايما
آمين..

ربنا يكرمك يا عصاية
أشكــرك بحرارة على كلامك الجميل الرقيق دا
يا رب اكون عند حسن ظنك

HaMaDa SaLaH كتب:

شكرا ياباش مهندس

انا هدخل الجروب وهشترك فيه

والحلول اللي انتا قدمتها جميلة جدا

الشكــر لله يابو صلاح
و يا ريت لو تساعد على نشر الفكرة دى بين الناس اللى تعرفهم و اللى ماتعرفهمش

والله كلام جمييييييييل اوى
ودي قصيدة الشاعر حافظ ابراهيم عن اللغة العربية
رجعت لنفسي فاتهمت حصاتي *** وناديت قومي فاحتسبت حياتي
رموني بعقم في الشباب وليتني *** عقمت فلم أجزع لقول عداتي
ولدت فلما لم أجد لعرائسي *** رجالاً وأكفاءً وأدت بناتي
وسعت كتاب الله لفظاً وغاية *** وما ضقت عن آيٍ به وعظات
فكيف أضيق اليوم عن وصف آلة ***وتنسيق أسماءٍ لمخترعات
أنا البحر في أحشائه الدر كامن*** فهل سألوا الغواص عن صدفاتي
فيا ويحكم أبلى وتبلى محاسني *** ومنكم، وإن عز الدواء، أساتي
أيطربكم من جانب الغرب ناعب *** ينادي بوأدي في ربيع حياتي؟!
أرى كل يوم في الجرائد مزلقاً *** من القبر يدنيني بغير أناة!!
وأسمع للكتاب في مصر ضجةً *** فأعلم أن الصائحين نعاتي!!
أيهجرني قومي عفا الله عنهم *** إلى لغة لم تتصل برواة؟!
سرت لوثة الإفرنج فيها كما سرى*** لُعَابُ الأفاعي في مسيل فرات
فجاءت كثوبٍ ضم سبعين رقعة *** مُشَكَّلَةَ الألوان مختلفات
إلى معشر الكتاب والجمع حافل*** بسطت رجائي بعد بسط شَكَاتِي
فإما حياة تبعث الميت في البلى*** وتُبْنِتُ في تلك الرموس رفاتي
وإما ممات لا قيامة بعده*** ممات لعمري لم يُقَسْ بممات

الباش مهندس كتب:

أشكــر لك المرور يا سهير
أحييكِ على كلامك الجميل دا
قليل جدًا لما بشوف بنت ، دا رأيها فى ميرسى و ثانكس
لما بقولها قدام بنت بحس انها بتشوفنى حد من العصر الحجرى ، و بتكون فاهمة ان دى سمات التحضر و العصرية
بجد أشكـــرك

لا طبعا عمر ما كان التحضر والعصريه باننا نسيب كلامنا اللى ونروح نقلد غيرنا وكمان ديه مستفزة لما تلاقى حد بيقولك ميرسى ولا يكتبها حتى بيكتبها مرسى مش عارفه مين مرسى ده ومش عارفه مالها كلمه شكرا او متشكر او متشكرة يعنى ايه لازم نكون جايين من امريكا ومن انجلترا

على فكرة انا كن ملاجظه الموضوع ده فى صحابى برده فى ثانوى والمدرسه كانوا بيقولوا كده

ولما دخلت الكليه وغيرت طبعا حياتى لانى بقيت عايشه فى بلد غير بلدى وكمان حياه الجامعه غير المدرس
لاحظت برده نفس الحكايه
وكمان موضوع الفرانكو ده اللى فجاه لقيت ناس كتير اعرفهم بيتكلمونى بيه وفى منهم لما بيلاقونى باكلمهم عربى بيقولولى نفس اللى اتقال لك على ميرسى وثانكس

وانا اللى باشكرك على ذوقك

الباش مهندس كتب:

أشكــر لك المتابعة يا سهير
أحييكِ مرة تانية على تفكيرك الجميل دا
مبسوط ان لسا فيه ناس بتفكر كدا

شكر على ايه انا مش عملت حاجه


انت اللى كلك ذوق

وكمان باين عليك حد محترم وتفكيره محترم ومحافظ

بجد عندك حق في كل كلمه قولتها
بس انا الحمدلله بكتب عربي
وعمري ماكتبت فرانكو الا مره كانت الكيبورد معلقه
علشان كده كتبت فرانكو
بس انا اصلا مش بحبه لانه حاجه هايفه اوي

شكرا على الموضوع الرائع كأنك قلت ما أريد .
وفعلا الرد السخيف اللى بيقولوه الناس على سبب كتابتهم بالفرانكو ده انا سمعته بنفسى من زميل لى فى درس اللغة العربية عندما تكلم الاستاذ على موضوع الفرانكو وكان منزعج من الشىء اللى اسمه الفرانكو بجد شىء سخيف ومضيع للغتنا وتراثنا